سەيسەنبى, 4 تامىز 2020
COVID-19 قازاقستاندا. جۇقتىرعاندار — 93820. جازىلعاندار — 65132. قايتىس بولعاندار — 1058
تاعايىنداۋ 1925 5 پىكىر 14 قاڭتار, 2020 ساعات 14:17

ادىلبەك قابا جاڭا قىزمەتكە تاعايىندالدى

جۋرناليست ادىلبەك قابا قر مادەنيەت جانە سپورت مينيسترلىگىنىڭ ءتىل ساياساتى كوميتەتى توراعاسىنىڭ ورىنباسارى قىزمەتىنە تاعايىندالدى. بۇل تۋرالى مادەنيەت جانە سپورت ءمينيسترىنىڭ كەڭەسشىسى ەرلان جۇرىنباەۆ ايتتى.

- بۇعان دەيىن قر باس پروكۋراتۋراسىنىڭ ءتىل ساياساتى باسقارما باستىعى، ء"تىل جانە قوعام" جۋرنالىنىڭ باس رەداكتورى، قر پارلامەنتى مەناتى ءباسپاسوز قىزمەتىنىڭ باسشىسى  قىزمەتىن ابىرويمەن اتقارعان بەلگىلى زاڭگەر-جۋرناليست، جازۋشى، اقىن ادىلبەك قابا قر مادەنيەت جانە سپورت مينيسترلىگىنىڭ ءتىل ساياساتى كوميتەتى توراعاسىنىڭ ورىنباسارى قىزمەتىنە تاعايىندالدى. ەل ومىرىنە قاتىستى قاي تاقىرىپقا قالام سىلتەسە دە تەرەڭ زەردەلەپ، الەۋمەتتىك پروبلەمانىڭ تامىرىن ءدوپ باسىپ، قوعام نازارىن اۋدارا الاتىن قالامگەرلىك شەبەرلىگىمەن تانىلعان قازاقستان جۋرناليستەر اكادەمياسىنىڭ اكادەميگى ادىلبەك قابا، "جاس الاش", "ايقىن" گازەتتەرىندە باس رەداكتوردىڭ ءبىرىنشى ورىنباسارى، قىزمەتىن اتقارعان بولاتىن.تانىمال قالامگەر، ۇلتجاندى ازامات، الەم حالىقتارى جازۋشىلارى وداعىنىڭ مۇشەسى ادىلبەك قابا مىرزاعا جاڭا قىزمەتىندە ساتتىلىك تىلەيمىز، - دەيدى ەرلان جۇرىنباەۆ.

ايتا كەتەيىك، ادىلبەك كۇنەسحانۇلى قابا 1963 جىلى 14 اقپاندا الماتى وبلىسى نارىنقول اۋدانى (قازىرگى رايىمبەك اۋدانى) سارىباستاۋ اۋىلىندا دۇنيەگە كەلگەن. ورتا مەكتەپتى 1980 جىلى تامامداپ، ەڭبەك جولىن اتالعان اۋداننىڭ لەنين ۇجىمشارىندا باستاعان. كازگۋ-ءدىڭ جۋرناليستيكا فاكۋلتەتىن بىتىرگەننەن سوڭ "اراي-زاريا" جۋرنالىندا ءتىلشى بولدى. "لەنينشىل جاس" (قازىرگى "جاس الاش") گازەتىنىڭ جاۋاپتى حاتشىسى، باس رەداكتور ورىنباسارى، "ايقىن" گازەتى باس رەداكتورىنىڭ ءبىرىنشى ورىنباسارى، ء"تىل جانە قوعام" جۋرنالىنىڭ رەداكتورى، قر باس پروكۋراتۋراسى ءباسپاسوز قىزمەتىنىڭ باسقارما باسشىسى، ءباسپاسوز قىزمەتىنىڭ جەتەكشىسى قىزمەتتەرىن اتقارعان.

2012-2018 جىلدار ارالىعىندا ادىلبەك قابا پارلامەنت سەنات ءباسپاسوز قىزمەتى جەتەكشىسىنىڭ ورىنباسارى قىزمەتىن اتقارىپ كەلدى. ال بىلتىر ءباسپاسوز قىزمەتىنىڭ جەتەكشىسى بولدى.

دەرەككوز: Baq.kz

Abai.kz

5 پىكىر