نەگىزى، كۇلەتىن نارسە ەمەس

رەسەيدەگى وزگەرىستەن ەشتەڭە كۇتپەيمىن. فرانتسۋزدىڭ «Plus ca change, plus c’est la meme chose» دەيتىن ەجەلگى ماقالى بار، ءبىزدىڭ تىلىمىزدە «دۇنيە نەعۇرلىم وزگەرگەن سايىن، سوعۇرلىم بۇرىنعى قالپىندا قالادى» دەگەندى بىلدىرەدى. اۆتوريتارلىق مەملەكەتتەگى وزگەرىس تەك كوزبوياۋشىلىققا يا حالىقتىڭ قايناعان اشۋىنا سۋ بۇركۋ ءۇشىن جاسالادى.

جاقىندا بىزدە دە ءبىراز اۋىس-ءتۇيىس بولادى، سەبەبى ارمەنيادان اعىلعان كولىكتەردىڭ يەلەرى جەر-جەردە جينالىپ، تالاپتارىن قويا باستادى. بۇل بيلىككە جاسالعان ۇلكەن چەللەندج. كولىكتىڭ دەنى باتىس وڭىردە، دەمەك قولامتا كورىكتىڭ دەمىنە تۇسسە وتە قيىن شيەلەنىسكە اپارادى. ودان بولەك ەلىمىزدىڭ ءار وڭىرىندە ساڭىراۋقۇلاقشا قاپتاعان "سەرگەك" دەيتىن سەرگەلدەڭ جارانىڭ بەتىنە تۇز سەپكەندەي رەاكتسيا تۋدىردى. كوپبالالى انالاردىڭ اشۋىن، باسقا تولقۋلاردى جيىپ قويعاننىڭ وزىندە، تەك كولىكتىڭ ءوزى كوپ كۇرمەۋدىڭ شەشىمى جوقتىعىن بىلدىرەدى.

بىلتىر "كەرەمەت" روكيروۆكامەن ەلدى ءبىر ءدۇر سىلكىنتكەن بيلىك بيىل دا ء"سيۋرپريزسىز" قالدىرماس دەگەن "ۇكىلى ۇمىتتەمىن".

داۋرەن داريابەكتىڭ الەۋمەتتىك جەلىدەگى جازباسىنان

Abai.kz