قازاقستان رەسپۋبليكاسى پرەزيدەنتىنىڭ كەڭەسشىسى ەرلان كارين ۇلتتىق قوعامدىق سەنىم كەڭەسىنىڭ مۇشەلەرىمەن كەزدەستى. ول كەزدەسۋ تۋرالى ول الەۋمەتتىك جەلىدەگى پاراقشاسىندا جازعان.

كەشە ۇلتتىق كەڭەستىڭ بىرقاتار مۇشەلەرىمەن كەزدەسىپ پرەزيدەنتتىڭ جۋىردا جاريالاعان جاڭا باستامالارىن قالاي جۇزەگە اسىرىلاتىندىعى تۋرالى اقپارات بەردىم. ۇلتتىق كەڭەستىڭ جەلتوقسان ايىندا وتكەن ەكىنشى وتىرىسى بويىنشا پرەزيدەنت اكىمشىلىگىنىڭ جەتەكشىسى ەرلان جاقانۇلى قوشانوۆتىڭ قولىمەن ارنايى جوسپار بەكىتىلدى، ول جوسپارعا سايكەس ءتيىستى مەملەكەتتىك قۇرىلىمدار جۋىق ارادا ءار باستاما بويىنشا زاڭ جوبالارىن دايىنداۋ قاجەت. جوسپاردىڭ ورىندالۋى پرەزيدەنت اكىمشىلىگىنىڭ قاتاڭ باقىلاۋىندا. ءار اپتادا مەملەكەتتىك ورگانداردىڭ جوسپاردا بەكىتىلگەن مىندەتتەردىڭ ورىندالۋى تۋرالى اقپاراتى تىڭدالۋدا. ودان باسقا، ارىپتەستەرمەن ۇلتتىق كەڭەستىڭ اياسىندا الداعى ۋاقىتتا اتقارىلاتىن جۇمىستاردىڭ جالپى باعىتى بويىنشا تالقىلادىق. ورتاق تۇسىنىك بار. الدا ۇلكەن جۇمىستار كۇتىپ تۇر،- دەدى ول.

Abai.kz