ەلورداداعى «استانا وپەرا» وپەرا جانە بالەت تەاترىندا ۇلى ابايدىڭ 175 جىلدىق مەرەيتويىنىڭ رەسمي اشىلۋىنا ارنالعان سالتاناتتى شارا ءوتىپ جاتىر. سالتاناتتى جيىنعا ەل پرەزيدەنتى قاسىم-جومارت توقاەۆ پەن «نۇر وتان» پارتياسىنىڭ توراعاسى نۇرسۇلتان نازارباەۆ قاتىسۋدا. 

مادەنيەت جانە سپورت ءمينيسترى اقتوتى رايىمقۇلوۆا قۇتتىقتاۋ ءسوزىن سويلەدى.

- بيىل ءبىز حالقىمىزدىڭ كورنەكتى اقىنى، ويشىلى اباي قۇنانباەۆتىڭ مەرەيتويىن اتاپ وتەمىز. اباي فيلوسوفياسى ءبىزدىڭ مادەني جانە ۇلتتىق بىرەگەيلىگىمىزدىڭ اجىراماس بولىگىنە اينالدى. اقىن ءوز ۋاقىتىنان وزىپ، تاريحتىڭ كۇردەلى كەزەڭدەرىندە حالىقتى ۇلتتىق قۇندىلىقتار، انا ءتىلى مەن مادەنيەتى توڭىرەگىندە بىرىكتىرگەن كوزقاراستار جۇيەسىن قالىپتاستىردى. قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆ ابايدىڭ تەرەڭ ويلارى مەن پايىمداۋلارى ءبىزدىڭ كۇندەلىكتى ىستەرىمىزدىڭ نەگىزىنە جاتۋى ءتيىس ەكەنىن بىرنەشە رەت اتاپ ءوتتى. بۇل دانا وسيەتتەرگە ادالدىق پەن ءبىزدىڭ ۇرپاعىمىزدىڭ ۇلت مۇعالىمىنىڭ جادىنا دەگەن بورىشىنىڭ دالەلى بولادى، - دەدى مينيستر.

ايتا كەتەيىك، 2019 جىلدىڭ مامىرىندا قر پرەزيدەنتى قاسىم-جومارت توقاەۆتىڭ 2020 جىلى قازاق حالقىنىڭ ۇلى اقىنى، اعارتۋشىسى اباي قۇنانبايۇلىنىڭ 175 جىلدىق مەرەيتويىن جوعارى ۇيىمداستىرۋشىلىق جانە مازمۇندىق دەڭگەيدە مەرەكەلەۋدى قامتاماسىز ەتۋ ماقساتىندا قاۋلىسى جارىق كورگەن بولاتىن. قاۋلىعا سايكەس، اباي مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيا قۇرىلىپ، جالپىرەسپۋبليكالىق جوسپار بەكىتىلدى.

Abai.kz