قر پرەزيدەنتى ق. توقاەۆ جاستار جىلىنىڭ جابىلۋ سالتاناتىندا 2020 جىلدىڭ قاڭتارىنان باستاپ جوعارى وقۋ ورىندارى مەن كوللەدج ستۋدەنتتەرىنىڭ ستيپەندياسى 25 پايىزعا كوتەرىلەتىنىن مالىمدەدى. قر ءبىلىم جانە عىلىم مينيسترلىگى جەرگىلىكتى اتقارۋشى ورگاندارمەن بىرلەسە وتىرىپ، مەملەكەت باسشىسىنىڭ تاپسىرماسىن ورىنداۋ بويىنشا شارالار قابىلدادى.

بۇگىندە ەلىمىزدىڭ 30-دان استام جوعارى وقۋ ورنى ستۋدەنتتەردىڭ ستيپەندياسىن 25%-عا جوعارىلاتتى. جەرگىلىكتى اتقارۋشى ورگاندار تاراپىنان كوللەدج ستۋدەنتتەرىنە ستيپەنديا تولەنە باستادى. وسىلايشا 179 مىڭ جوو ستۋدەنتى مەن 136 مىڭ كوللەدج ستۋدەنتى ستيپەندياسىنىڭ كولەمى ارتادى.

ايتا كەتكەن ءجون، باكالاۆريات ستۋدەنتتەرىنىڭ ستيپەندياسى 20 949 تەڭگەدەن 26 186 تەڭگەگە دەيىن، ينتەرناتۋرا–37 945 تەڭگەدەن 47 431 تەڭگەگە دەيىن، ماگيستراتۋرا–53530 تەڭگەدەن 66 913 تەڭگەگە دەيىن، دوكتورانتۋرا–81 998 تەڭگەدەن 102 498 تەڭگەگە دەيىن ءوستى. كوللەدج ستۋدەنتتەرىنىڭ ستيپەندياسى 16 759 تەڭگەدەن 20 948 تەڭگەگە ارتتى.

Abai.kz