سەيسەنبى, 25 اقپان 2020
1146 3 پىكىر 23 قاڭتار, 2020 ساعات 10:55

پۋتين 2024 جىلدان كەيىن "جەتەكشى" رولدەن باس تارتپاق

رەسەي پرەزيدەنتى ۆلاديمير پۋتين 2024 جىلى وكىلەتتىگى اياقتالعاننان كەيىن "جەتەكشى" رولدەن باس تارتادى. ول وسىلاي دەپ سوچيدەگى "سيريۋس" ءبىلىم بەرۋ ورتالىعىندا ستۋدەنتتەرمەن كەزدەسۋ كەزىندە مالىمدەدى.

"جەتەكشى" ءرولى تۋرالى ستۋدەنتتىڭ ءبىرى سۇرادى. پۋتين مەملەكەت باسشىسىنان جوعارى تۇراتىن ينستيتۋتتىڭ بولۋى "قوس بيلىك تۋعىزىپ، ەلدى قۇردىمعا اپارادى" دەپ جاۋاپ بەردى.

پۋتين ليپەتسك وبلىسى تۇرعىندارىمەن دە كەزدەسكەن. وندا ول پارلامەنتتىك باسقارۋ ءتيىمدى دەپ ەسەپتەمەيتىنىن مالىمدەگەن.

پرەزيدەنتتىڭ پىكىرىنشە، ەلدە كوپجىلدىق تاجىريبەسى بار پارتيا جوق. "پارتيالاردىڭ دەنى ناقتى تۇلعامەن بايلانىستى. مىسالى جيرينوۆسكي بار، لدپر بار، جيرينوۆسكي جوق...", – دەگەن پۋتين.

پرەزيدەنت سونىمەن بىرگە رەسەي ءىرى تەرريتورياسىمەن مىقتى پرەزيدەنتتىك بيلىكتى قاجەت ەتەدى دەپ، باسقا باسقارۋ جۇيەسىمەن تاجىريبە جاساماعان ابزال دەگەن.

پۋتين ءبىر اپتا بۇرىن كونستيتۋتسياعا وزگەرىس ەنگىزۋدى ۇسىندى. ول مەملەكەتتىك كەڭەستى قايتا جاڭعىرتۋ ءرولىن ۇسىندى. قازىرگى وپپوزيتسيا پۋتين 2024 جىلى بيلىكتەن كەتسە، مەملەكەتتىك كەڭەستى باسقارىپ بيلىكتە قالا بەرگىسى كەلەدى دەپ قاۋىپتەنەدى.

Abai.kz

3 پىكىر