اقپاراتقا قاراعاندا، ەلدىڭ سولتۇستىك-باتىcىنداعى شابۋىلدان 350 مىڭعا جاقىن تۇرعىن ءۇي-جايىن تاستاپ كەتۋگە ءماجبۇر بولىپ، ون مىڭداعان ادام تۇركيانىڭ شەكاراسىنا قاراي قاشقان.
جەلتوقساننىڭ ورتاسىندا سيريانىڭ ۇكىمەتتىك كۇشتەرى ورىس اۆياتسياسىنىڭ قولداۋىمەن يدليب پروۆينتسياسىندا شابۋىل جاساعان. ول وپپوزيتسيانىڭ باقىلاۋىنداعى ەۆفرات دارياسىنىڭ باتىس جيەگىندەگى سوڭعى ايماق بولىپ ەسەپتەلەدى. گۋمانيتارلىق ۇيىمداردىڭ اقپاراتىنا قاراعاندا، جەلتوقسانداعى اۋە سوققىسىنان 22 ادام مەرت بولعان. مۇنان بولەك اۋرۋحانالار مەن مەكتەپتەر تالقاندالعان.
ماسكەۋ مەن داماسك بۇل ايىپتاۋلاردى تەرىسكە شىعارىپ، راديكال ەكسترەميستەردىڭ پوزيتسيالارىنا عانا سوققى جاسالىپ جاتقانىن ءبىلدىرىپ كەلگەن.
اقش باسىندا تۇرعان حالىقارالىق كواليتسيا سيرياداعى راديكال يسلامشىلدارعا قارسى كۇرەسىن 2014 جىلى باستاعان. كواليتسيا سيريانىڭ دەموكراتيالىق وپپوزيتسياشىل كۇشتەرىن قولدايدى.
رەسەي بولسا سيرياداعى اسكەري كامپانياسىن 2015 جىلى 30 قىركۇيەكتە باستاعان. كواليتسيا سيريانىڭ پرەزيدەنتى باشار اسادتى قولداعاندىعى ءۇشىن ماسكەۋدى بىرنەشە رەت سىناعان. باتىس ەلدەرى اسادتى ادام قۇقىقتارىن جاپپاي بۇزىپ جاتىر دەپ ايىپتاپ كەلەدى.
Abai.kz
