نۇرسۇلتان نازارباەۆ حالىقارالىق اۋەجايىندا 38 رەيس كەشىكتىرىلىپ، 11 رەيس توقتاتىلدى،-دەپ حابارلايدى Tengrinews.kz

ۇشاقتىڭ باسقا قالالاردان كەش ۇشۋى جانە اۋا رايىنىڭ قولايسىزدىعىنا بايلانىستى 22 اۋە رەيسى كەيىنگە قالدىرىلدى. ولار:

-«ەير استانا» اۆياكومپانياسىنىڭ 9 رەيسى (سونىڭ ىشىندە ومسك، تاشكەنت، ماسكەۋ جانە كيەۆتەن حالىقارالىق رەيستەر بار),

- SCAT اۆياكومپانياسىنىڭ 8 رەيسى (سونىڭ ىشىندە ۋلان-باتوردان، ماسكەۋ مەن پراگادان حالىقارالىق ۇشۋلار بار),

- Qazaq Air - الماتى مەن قوستانايعا 2 رەيسى،

- Fly Arystan اۆياكومپانياسىنىڭ پاۆلودار، الماتى جانە قوستاناي قالالارىنا 3 رەيسى.

ۇشاقتىڭ باسقا قالالاردان كەش كەلۋىمەن جانە اۋەجايدا اۋا-رايىنىڭ قولايسىزدىعىنان 16 رەيس كەشەۋىلدەيدى. ولار:

-«ەير استانا» اۆياكومپانياسىنىڭ 6 رەيسى (سونىڭ ىشىندە تاشكەنت پەن كيەۆكە حالىقارالىق رەيستەر بار),

- SCAT اۆياكومپانياسىنىڭ 6 رەيسى (سونىڭ ىشىندە ماسكەۋ مەن پراگاعا حالىقارالىق رەيستەر بار),

- Qazaq Air جانە Fly Arystan اۆياكومپانيالارىنىڭ 4 رەيسى كەشىگەدى.

سونىمەن قاتار، Lufthansa (فرانكفۋرتقا), Turkish Airlines (ستامبۇلعا), لوت ( ۆارشاۆاعا), ەير استانا، Qazaq Air, SCAT كومپانيالارىنىڭ 11 رەيسى توقتاتىلدى.

قازىر نۇرسۇلتان نازارباەۆ حالىقارالىق اۋەجايى قالىپتى رەجيمدە جۇمىس ىستەپ جاتقانى ايتىلادى.

بۇعان دەيىن «نۇر-سۇلتان» اۋەجايىندا اۋا-رايىنىڭ قولايسىزدىعىنا بايلانىستى 32 رەيس كەشىكتىرىلگەنى حابارلانعان بولاتىن.

Abai.kz