"قىتايداعى ديپلوماتتارىمىز قازاقستاندىقتاردى ەۆاكۋاتسيالاۋ جولىن قاراستىرىپ جاتىر. كارانتين جاريالانعان العاشقى كۇنى رەسمي حات جولدادىق. قىتاي بيلىگى ءالى بىردە-ءبىر مەملەكەتكە رۇقسات بەرمەدى", – دەدى سمادياروۆ. ونىڭ سوزىنشە، "قىتاي بيلىگى ۋحان قالاسىن جاۋىپ تاستاعان، ەشكىمدى شىعارمايدى".

ۋحاندا 230 قازاق ستۋدەنتى بار. ەندى ستۋدەنتتەردىڭ قاشان ورالاتىنى بەلگىسىز.

جاپونيا مەن اقش بيلىگى ازاماتتارىن ەۆاكۋاتسيالاۋ جونىندە مالىمدەمە جاسادى.

ۋحاندا قىرعىزستاننىڭ 15 ازاماتى بار. ولاردىڭ 14-ءى ستۋدەنت. بۇل قالادا تاجىكستاننان دا ونداعان ستۋدەنت وقيدى. بىرنەشە وزبەكستاندىق وتانىنا ورالىپ ۇلگەردى.

قازاقستاننىڭ باس سانيتار دارىگەرى جانداربەك بەكشين قىتايداعى ستۋدەنتتەرگە تەك ءسىم ارقىلى عانا كومەكتەسە الامىز دەگەن.

سوڭعى مالىمەت بويىنشا، 2019-nCoV كوروناۆيرۋسىمەن اۋىرعاندار سانى 2,8 مىڭ ادامعا جەتكەن. 81 ادام كوز جۇمعان. اۋستراليا، ۆەتنام، مالايزيا، نەپال، كورەيا، سينگاپۋر، اقش، تايلاند، فرانتسيا جانە جاپونيادا ۆيرۋستى جۇقتىرعاندار انىقتالدى. دۇنيەجۇزىلىك دەنساۋلىق ساقتاۋ ۇيىمى ۆيرۋستىڭ تارالۋىن ۇلتتىق توتەنشە جاعداي دەپ مويىندادى، حالىقارالىق دەپ ازىرگە جاريالاي قويمادى.

Abai.kz