جۇما, 29 ناۋرىز 2024
انىق-قانىعى 5913 29 پىكىر 28 قاڭتار, 2020 ساعات 19:12

قىتايمەن شەكارانى جابۋعا نە كەدەرگى؟

بۇگىن قر دەنساۋلىق ساقتاۋ مينيستر ەلجان ءبىرتانوۆ قىتايدان كەلگەن ازاماتتاردىڭ 4-ەۋى قاۋىپتى ۆيرۋس بەلگىلەرى بولۋى ىقتيمال دەگەن كۇدىكپەن اۋرۋحانالارعا جاتقىلىنعانىن حابارلاعان.

"بۇگىنگە دەيىن ەلىمىزگە قىتايدان 25 858 ادام كەلدى. ولار - قازاقستان ازاماتتارى مەن شەتەلدىك ازاماتتار.ىستىعى كوتەرىلگەن 23 ناۋقاس كەلدى. ولاردىڭ 4-ەۋى ۆيرۋس بەلگىلەرى بولۋى مۇمكىن دەگەن كۇدىكپەن اۋرۋحاناعا جاتقىزىلدى. سەبەبى، ولاردىڭ دەنساۋلىعىنداعى كەيبىر بەلگىلەر مەن ۆيرۋستىق ينفەكتسيا اراسىندا ناقتى ايىرماشىلىق جوق. سوندىقتان، ولار جرۆي-عا كۇدىكتى رەتىندە اۋرۋحاناعا جاتقىزىلدى. ءۇش كۇن ىشىندە تولىق دياگنوز قويىلادى. ءتيىستى تەراپيا باستالدى", دەگەن ەدى مينيستر ءبىرتانوۆ.

ودان كەيىن الەۋمەتتىك جەلىلەر مەن باق-تا تاعى 6 ادامنىڭ وسىنداي بەلگىمەن اۋرۋحاناعا جاتقىزىلعانى ايتىلدى. ال قازاقستاننىڭ باس سانيتارلىق دارىگەرى جانداربەك بەكشين بۇل اقپاراتتى راستاعان.

"كۇندىز 4 ادامنىڭ اۋرۋحاناعا جاتقىزىلعانى حابارلاندى. ولاردىڭ ەكەۋى ءتيىستى امبۋلاتورلىق ەم قابىلداعان سوڭ، ۇيلەرىنە قايتارىلدى. قازىر الماتى قالاسىندا تاعى ءبىر ادامنىڭ، اقمولا وبلىسىندا 5 ادامنىڭ اۋرۋحاناعا جاتقىلىعانى بەلگىلى بولدى. ولار دا قىتايدا بولعان. ەكى بالانىڭ ىستىعى جوعارى. اقمولا وبلىسىنداعى 5 ادام ءبىر وتباسى مۇشەلەرى. ۇلكەندەرىندە ايتارلىقتاي بەلگىلەر بولماعانىمەن، ولار بالالارمەن قارىم-قاتىناستا بولدى. سوندىقتان بارلىعى اۋرۋحاناعا جاتقىزىلعان", دەدى بەكيش مىرزا.

قىتايدا تاراعان قاۋىپتى ۆيرۋس قازىر قىتاي شەكاراسىنان اسىپ، اقش، كانادا، فرانتسيا، اۆستراليا، گەرمانيا، جاپونيا جانە وڭتۇستىك كورەيا اۋماقتارىنا دەيىن تاراعان. بۇگىن اتالمىش قاۋىپتى ۆيرۋستىڭ بەلگىلەرى بار ازاماتتار قازاقستاندا انىقتالىپ، اۋرۋحانالارعا جاتقىزىلعانى بەلگىلى بولدى.

قازاقستان مەن قىتاي اراسىنداعى مەملەكەتتىك شەكارا ءالى جابىلعان جوق. تەك، ۇكىمەت شەشىمىمەن قورعاس ەركىن ساۋدا ايماعى جۇمىسىن ۋاقىتشا توقتانقان.

قازاقستان مەن قىتاي شەكاراسىن ۋاقىتشا جابۋعا نە كەدەرگى؟ شەكارا نەگە جابىلعان جوق؟ بۇگىن قر سىرتقى ىستەر ءمينيسترىنىڭ ورىنباسارى شاحرات نۇرىشەۆ سەبەبىن تۇسىندىرگەن بولىپتى. "تengrinews.kz" سايتى جازدى.

"شەكارانى جابۋ ءۇشىن دۇنيەجۇزىلىك دەنساۋلىق ساقتاۋ ۇيىمىنىڭ كەپىلدەمەسى كەرەك. ءبىزدىڭ قحر-داعى ەلشىلىگىمىز، باس كونسۋلدىق قىتاي ازاماتتارى ءۇشىن قۇجات راسىمدەۋ تالاپتارىن كۇشەيتتى. سونىڭ ىشىندە، ۆيزا راسىمدەۋ ءۇشىن دەنساۋلىق جاعدايى تۋرالى انىقتاما تالاپ ەتىلەتىن بولدى. 

بىلەسىزدەر، قىتاي ازاماتتار ءۇشىن 72 ساعاتتىق ۆيزاسىز ترانزيتتىك ءجۇرىپ-تۇرۋ رەجيمى ۇكىمەت شەشىمىمەن ۋاقىتشا توقتاتىلعان. سونداي-اق، ەلەكتروندى ۆيزامەن قازاقستانعا، اۋەجايعا كەلگەن قىتاي ازاماتتارىنىڭ قۇجاتتارى راسىمدەلمەيدى. ال شەكارانى جاباتىن بولساق، وندا ءبىز قىتايداعى ءوز ازاماتتارىمىزدى ەلگە جەتكىزى الماي قالامىز", دەگەن شاحرات نۇرىشەۆ.

نۇرىشەۆتىڭ ايتۋىنشا، قىتايدا 1300 قازاقستان ازاماتى بار. ولاردىڭ 635-ءى حاينان ايماعىنداعى تۋريستەر. ەلشىلىك پەن باس كونسۋلدىقتىڭ 204 قىزمەتكەرى جانە ولاردىڭ وتباسىلارى بار. ال تاعى 445 ازامات قىتاي تەرريتورياسىندا قالعان.

Abai.kz

29 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544