كومپوزيتور ەركەعالي راحماديەۆتىڭ ەستەلىگىنەن:

عابيت مۇسىرەپوۆ باياعىدا، وتىز جەتىنشى جىلداردا، قازاقتىڭ ارداگەر ازاماتتارىنىڭ باسىنا كۇن تۋىپ، اركىم ءوزدى-ءوزىن عانا قورعاشتاعان قىستالاڭ شاقتا: "بي اعام جاۋ بولسا، مەن دە جاۋمىن" دەپ، ءوز باسىن قاۋىپ-قاتەرگە تىگىپ، بەيىمبەت مايلينگە ارا تۇسكەن عوي. سول ءۇشىن ونى پارتيادان شىعارىپ جىبەرگەن.

انادا بىرەۋ سۇراق قويادى، وسى ەلدىڭ ءبارىن ۇستاپ جاتقاندا عابيت قالاي امان قالدى دەپ. ونىڭ ار جاعىندا ول نەگە ۇستالمادى، ول نەگە اتىلىپ كەتپەدى دەگەن سۇراق تۇر عوي. عابيتتىڭ ءتىرى كەزىندە، ونان مەن "سەن نەگە امان قالدىڭ؟" — دەپ سۇراق قويۋعا قاقىم جوق، ءارى ۇيات قوي. ونىڭ ۇستىنە وتە قيىن سۇراق.

كەيىنىرەك، ءوزىم مينيستر بولىپ جۇرگەن كەزىمدە ادەيىلەپ كگب-نىڭ ارحيۆىمەن ءبىراز تانىستىم. وندا سول كەزدەگى جازۋشىلاردىڭ اراسىنداعى جاعداي، كىمنىڭ ۇستىنەن كىمدەر ارىز جازدى دەگەن تۇرعىداعى تىزىمدەر بار. ءبىرىن-ءبىرى كورسەتكەندەر ىشىندە عابەڭ جوق.

اسەت اقمولدانىڭ الەۋمەتتىك جەلىدەگى جازباسىنان

Abai.kz