الەمدە كۇردەلى وزگەرىستەر ءجۇرىپ جاتىر. XX-عاسىردىڭ الەۋمەتتىك-ەكونوميكالىق پاراديگمالارى ەسكىرۋدە. ءبىزدىڭ ەلىمىزدە، وكىمەتتىڭ قىزمەتىنە باعا بەرگەندە، ىشكى جالپى ءونىمنىڭ ء(ىجو) ءوسىم پايىزىن ينديكاتور رەتىندە الادى. ال سول ءىجو حالىق اراسىنداعى تەڭ ءبولىنۋ اسپەكتىسى سىرتتا قالادى.

ءىجو، قاراپايىم حالىققا، قولمەن ۇستاپ سەزىنۋ مۇمكىن ەمەس. كىلتيپان وسىندا. ەگەر وتكەن جىلى ءىجو 4,5% وسسە، بارشا حالىق وسى ءوسىمدى "كاشولەگىندە" سەزىنۋى ءتيىس. ال شىنىندا، ولاي بولماي شىعادى.

سوندىقتان، ەءلىمىزدىڭ دامۋ قارقىنىن انىقتاعاندا، ءىجو ورنىنا، ادام دامۋ يندەكسىن نەگىزگى ينديكاتور جاساۋ كەرەك.

1) ادامنىڭ ورتاشا ءومىر ءسۇرۋ جاسى.

2) الەۋمەتتىك اۋرۋلارعا ( جۇرەك- تامىر، تۋبەركۋلەز، وبىر) شالدىعۋ جيىلىگى.

3) ورتاشا جالاقى مولشەرى، جالاقىنىڭ جوعارى- تومەن ولشەمدەرىنىڭ تەپە- تەڭدىگى( زاۋىت ديرەكتورى 1 ملن تگ، جۇمىسشى 70 مىڭ تگ الاتىن جاعداي كوپ)

4) جۇمىسسىزدار سانى، ولاردىڭ تۇرمىس دەڭگەيى.

5) اۋدان، اۋىلداعى جول، الەۋمەتتىك ينفراقۇرىلىم جاعدايى. (ينتەرنەت، تەلەفون بايلانىسى).

6) ەڭبەك قاۋىپسىزدىگى ساقتاۋ دارەجەسى.

سوندا، ءبىزدىڭ ەلىمىزدىڭ الەۋمەتتىك جاعدايى، حالىقتىڭ ناقتى تۇرمىس- تىرشىلىگى بەلگىلى بولادى.

ازىرشە، ءىجو ينديكاتورى سىلدىر سۋ جانە ىشۋگە دە توت ساسىپ كەتكەن...

ەرلان سايروۆتىڭ الەۋمەتتىك جەلىدەگى جازباسىنان

Abai.kz