جۇما, 29 ناۋرىز 2024
3241 4 پىكىر 18 اقپان, 2020 ساعات 10:55

قىتايدا سي ءتسزينپيننىڭ قىزمەتىنەن كەتۋىن تالاپ ەتكەن بەلسەندى ۇستالدى

حۋبەي پروۆينتسياسىنداعى مەديتسينالىق پالاتا. 16-اقپان، 2020 جىل.

قىتايدا توراعا سي ءتسزينپيننىڭ قىزمەتىنەن كەتۋىن تالاپ ەتكەن قۇقىق قورعاۋشى، بەلسەندى سيۋي چجيۋن ۇستالدى. بۇل تۋرالى جەرگىلىكتى قۇقىق قورعاۋشىلار حابارلادى.

ولار ديسسيدەنتتىڭ ۇستالۋىن ءسوز ەركىندىگىن شەكتەۋ جانە كوروناۆيرۋس تۋرالى مالىمەتتەردى باقىلاۋ بويىنشا قىتاي بيلىگىنىڭ كەزەكتى ساياساتى دەپ باعالاپ جاتىر.

"جاڭا ازاماتتار قوزعالىسى" دەپ اتالاتىن الەۋمەتتىك كامپانيانىڭ باستاماشىسى سيۋي چجيۋن گۋانچجوۋ پروۆينتسياسىندا ارىپتەسى يان ءبيندىڭ ۇيىندە ۇستالعان.

جەكسەنبى كۇنى ونى جاسىرىپ كەلگەنى ءۇشىن ءۇي يەسى مەن ونىڭ ۇلى ۇستالىپ، كوپ وتپەي بوساتىلعان. "امەريكا داۋىسى" جاڭالىقتار قىزمەتى حابارلاعانداي، پوليتسيا جۋرناليستەرگە بۇل وقيعا بويىنشا جاۋاپ بەرۋدەن باس تارتقان.

قىتاي پوليتسياسى بىلتىر جەلتوقساندا فۋتسزيان پروۆينتسياسىنداعى جاسىرىن كەزدەسۋگە قاتىسۋشىلاردى ىزدەي باستاعان. ءىس-شاراعا قاتىسقان 20-عا جۋىق بەلسەندى جانە قۇقىق قورعاۋشىلار اراسىندا سيۋي چجيۋن دا بولعان.

اقپان ايىنىڭ باسىندا سي تسزينپين كوروناۆيرۋس ەپيدەمياسى مەن گونكونگتاعى نارازىلىق اكتسيالارىن توقتاتا الماي تۇرعاندىعى جازىلعان سيۋي چجيۋننىڭ ەسسەسى جاريالانعان.

وسىعان دەيىن چجيۋن ىشكى ميگرانتتاردىڭ قۇقىقتارىن قورعاعان كامپانياعا قاتىسقانى جانە شەنەۋنىكتەردىڭ بايلىعى تۋرالى اقپاراتقا جەتۋگە ارەكەت ەتكەنى ءۇشىن ءتورت جىلعا سوتتالىپ شىققان.

اقش-تا تۇراتىن قىتايلىق قۇقىق قورعاۋشى تەن بياو قازىرگى ەپيدەميا بيلىك ءۇشىن قوعامدى كۇشەيتۋگە سىلتاۋ بولىپ جاتىر دەيدى. ول امەريكاعا كوشىپ بارعانعا دەيىن قىتايدا بىرنەشە رەت قاماۋعا الىنعان.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544