ءوز باسىم كوپ بالالى وتباسىلارىنا قايىرشى قۇساتىپ، ۇكىمەتتەن تامتۇمداپ تيىن تەبەن ۇستاتقانعا قارسىمىن. ءتىپتى قوماقتى قارجى بەرگەندى دە قۇپتامايمىن. اركىم بالانى ءوزى ءۇشىن تۋادى، ءوز باقىتى ءۇشىن تابادى. ونىڭ ورنىنا مەملەكەت تاراپىنان قارايلاسۋدىڭ باسقا فورمالارىن ۇسىنار ەدىم.

1. كوپ بالالى وتباستارىن كوممۋنالدىق تولەمدەردەن تولىقتاي بوساتۋ;

2. مەكتەپ جاسىنداعىلاردى وقۋ قۇرالدارىمەن جانە مەكتەپ كيىمىمەن مەملەكەت ەسەبىنەن قامتاماسىز ەتۋ;

3. 6 بالادان كوپ وتباسىلارىنا اكىمشىلىك تاراپىنان كولىك (ميكرواۆتوبۋس) بەكىتۋ;

4. 4-5 بالاسى بار وتباسىنا قوعامدىق كولىكتە تەگىن جۇرۋگە رۇقسات بەرۋ;

5. وتباسى مۇشەلەرى اۋىرعان جاعدايدا تەگىن مەديتسينالىق
كومەك عانا ەمەس، سونىمەن بىرگە ءدارى-دارمەكتەردىڭ كەز-كەلگەن ءتۇرىن مەملەكەت ەسەبىنەن قامتاماسىز ەتۋ;

6. جىلىنا ءبىر رەت وتاندىق كۋرورتتاردا (الاكول، بۋراباي، سارى-اعاش ت.ب.) وتباسىمەن دەمالۋعا مۇمكىندىك قاراستىرۋ;

7. ءتورت پەن بەسكە وقىعان بالالارىن قالاعان جوعارعى وقۋ ورىندارىنا ەمتيحان مەن ۇبت-سىز گرانتقا قابىلداۋ.

8. ورتاشا نە ناشار وقىعان بالالاردى كاسىبي كوللەدجدەردە تەگىن وقىتۋ;

9. تيىمدىلىگى دالەندەنگەن بيزنەس-جوسپارى بار وتباستارىنا اقشالاي گرانت نەمەسە ۇستەمە اقىسىز كرەديت ءبولۋ;

10. جەكە كاسىپكە بەيىمى جوقتاردى جۇمىسپەن قامتاماسىز ەتۋ;