بەيسەنبى, 28 ناۋرىز 2024
انە، كوردىڭ بە؟ 5403 18 پىكىر 21 اقپان, 2020 ساعات 13:34

اقتاۋ اۋەجايىن كىم ساتىپ الماقشى؟

رەسەيلىك وليگارح قازاقستان مەن وزبەكستاننان اۋەجاي ساتىپ الۋدى جوسپارلاپ وتىر-مىس. ورىس اقپاراتى وسىلاي دەپ جاتىر.

ۆيكتور ۆەكسەلبەرگ ۋكراين تۋماسى، ورىس وليگارحى. ونىڭ بايلىعى 11,5 ميلليارد دوللاردى قۇراعان. ول رەسەيدەگى توپ 20 كاسىپكەردىڭ ىشىندە 11-ورىندا تۇرعان ادام. جاڭاعى ۆەكسەلبەرگتىڭ يەلىگىندەگى دۇنيە-مۇلىكتىڭ ءبىرى «رەنوۆا» كومپانياسى.

اتالمىش كومپانيانىڭ («رەنوۆا») قۇرامىنا كىرەتىن «اەروپورتى رەگيونوۆ» دەيتىن رەسەيلىك حولدينگ بار ەكەن. مىنە، وسى حولدينگ قازاقستان مەن وزبەكستاننان اۋەجاي ساتىپ الۋدىڭ قامىن جاساپ جاتقان كورىنەدى.

دالىرەك ايتساق، ۆەكسەلبەرگتىڭ كوزدەپ وتىرعانى اقتاۋ اۋەجايى دەيدى.

كursiv.kz سايتىنىڭ دەرەگىنە سەنسەك، اقتاۋ اۋەجايى قازىر تۇرىك ينۆەستورلارىنا تيەسىلى ەكەن. تۇرىكتىڭ ATM Group دەيتىن كومپانياسىنا اقتاۋ اۋەجايىن 2035 جىلعا دەيىن باسقارۋ قۇقىعى بەرىلگەن.

اقتاۋ حالىقارالىق اۋەجايى

اۋەجايدىڭ رەسمي سايتىنداعى دەرەكتەرگە سۇيەنسەك، «اقتاۋ حالىقارالىق اۋەجايى» اق 1996 جىلعى قاراشا ايىندا قۇرىلعان. ال اۋەجاي 1983 جىلدان باستاپ جۇمىس جاساپ كەلەدى. ازاماتتىق اۆياتسيادا پايدالانىلاتىن بارلىق ۇشاق تۇرلەرىن قابىلداۋعا قاۋقارلى.

2007 جىلى «اقتاۋ حالىقارالىق اۋەجايى» اق-نىڭ 100% اكتسياسىنا تەندەر ويناتىلعان. ونى تۇرىك كومپانياسى جەڭىپ الادى. ءسويتىپ، سەنىمگەرلىك باسقارۋ قۇقىعى «ATM Grup Uluslararası Havalimanı Yapım Yatırım ve Işletme limited» دەيتىن تۇرىك كومپانياسىنا 28 جىلعا بەرىلگەن.

2007 جىلى ماڭعىستاۋ وبلىسى اكىمدىگى مەن جاڭاعى تۇرىك كومپانياسى اراسىندا كەلىسىم شارت تۇزىلەدى. ول بويىنشا تۇرىك كومپانياسى اۋەجايعا كۇردەلى جوندەۋ جۇمىستارىن جۇرگىزۋى ءتيىس بولعان. ونىڭ ىشىندە ۇشىپ-قونۋ جولاعىن ۇزارتۋ، جۇرگىزۋ جولاعىن جانە پەرروندى قايتا جاڭارتۋ، اۋەجايدىڭ بارلىق تەحنيكالىق جاعدايىن يكاو حالىقارالىق ستاندارتتارىنا لايىقتاۋ كەرەك بولادى. قايتا جوندەۋ جۇمىستارى 2009 جىلى اياقتالىپتى.

قازىر اقتاۋ اۋەجايى، استانا جانە الماتى اۋەجايلارىنان كەيىنگى ءۇشىنشى ورىندا تۇرعان اۋەجاي. وندا قازاقستاندىق جانە شەتەلدىك اۆياكومپانيالار قىزمەت كورسەتەدى. اتاپ ايتقاندا، 8 ىشكى جانە 16 حالىقارالىق رەيستەر بويىنشا جولاۋشىلار تاسىمالدايدى.  اقتاۋ اۋەجايى 2018 جىلى 1 023 900 جولاۋشىعا قىزمەت كورسەتكەن ەكەن.

«اقتاۋ حالىقارالىق اۋەجايى» اق-نىڭ قازىرگى باسقارما توراعاسى - كيلەدجي سەلچۋك دەيتىن تۇرىك ازاماتى. بۇل قىزمەتكە 2008 جىلى تاعايىندالعان. وعان دەيىن اقش، تۇركيا، ۇلىبريتانيادا اۋە قىزمەتى سالاسىندا جۇمىس جاساعان.

ايتپاقشى، تاعى ءبىر رەسەيلىك حولدينگ -  «نوۆاپورت» سامارقان، ۇرگەنىش پەن نامانعانداعى اۋەجايلاردى ساتىپ الۋعى نيەتتى ەكەنىن رەسمي مالىمدەگەن ەكەن.

تاقىرىپقا تۇزدىق. قازاقستانداعى اۋەجايلارعا كىمدەر يەلىك ەتىپ نەمەسە  باسشىلىق جاساپ وتىر؟ كursiv.kz سايتىنىڭ 2019 جىلعى دەرەگىنە سۇيەنسەك:

اقتاۋ اۋەجايى

«ATM Grup Uluslararası Havalimanı Yapım Yatırım ve Işletme limited» كومپانياسى (2035 جىلعا دەيىن).

اتىراۋ اۋەجايى

اتىراۋ وبلىسى اكىمدىگىنىڭ مەنشىگىندە (2019 جىلدان باستاپ).

ورال اۋەجايى

سپك «ورال».

اقتوبە اۋەجايى

اقتوبە وبلىسى اكىمدىگىنىڭ مەنشىگىندە (2019 جىلدان باستاپ).

قوستاناي اۋەجايى

قوستاناي وبلىسى اكىمدىگىنىڭ مەنشىگىندە (2018 جىلدان باستاپ).

پەتروپاۆل اۋەجايى

Airport Management Group.

كوكشەتاۋ اۋەجايى

Airport Management Group.

نۇرسۇلتان نازارباەۆ اۋەجايى (استانا)

قر يندۋستريا جانە ينفراقۇرىلىمدىق دامۋ مينيسترلىگىنىڭ مەنشىگىندە.

پاۆلودار اۋەجايى

پاۆلودار وبلىسى اكىمدىگىنىڭ مەنشىگىندە (2019 جىلدان باستاپ).

سارى-ارقا اۋەجايى (قاراعاندى)

Sky Service, (40% اكتسياسى «ۆەرنىي كاپيتال» گرۋپپاسىنا تيەسىلى).

سەمەي اۋەجايى

«سپك «ەرتىس» اق.

وسكەمەن اۋەجايى

«سپك «ەرتىس» اق.

الماتى اۋەجايى

Venus Airport Investment B.V. (نيدەرلاندى). (Steppe Capital Pte.Ltd ينۆەستيتسيالىق كومپانياسىنىڭ ەنشىلەسى (سينگاپۋر).

اۋليە-اتا اۋەجايى (تاراز)

SCAT اۋەكومپانياسى.

شىمكەنت اۋەجايى

شىمكەنت قالاسى اكىمدىگىنىڭ مەنشىگىندە (2018 جىلدان باستاپ).

قورقىت اتا اۋەجايى (قىزىلوردا)

Airport Management Group.

Abai.kz

18 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3521