ءباسپاسوز حابارلاماسى
«قازاقستان» رەسپۋبليكالىق تەلەارناسىنىڭ تولىق قازاق تىلىنە حابار تاراتۋعا كوشۋىنە، «مادەنيەت» تەلەارناسىنىڭ تۇساۋكەسەرىنە جانە «بالاپان» تەلەارناسىنىڭ 1 جىلدىعىنا ارنالعان
ءباسپاسوز حابارلاماسى
2011 جىلى 26 قىركۇيەك كۇنى ساعات 16:00-دە تاۋەلسىزدىك سارايىندا «قازاقستان» ۇلتتىق ارناسىنىڭ قىركۇيەك ايىنان باستاپ تولىق مەملەكەتتىك تىلدە حابار تاراتۋعا كوشۋىنە، وتاندىق تەلەۆيزيا تاريحىنداعى تۇڭعىش مادەني-اعارتۋ «مادەنيەت» ارناسىنىڭ تۇساۋكەسەرىنە جانە «بالاپان» تەلەارناسىنا 1 جىل تولۋىنا ارنالعان مەرەكەلىك شارا وتەدى.
سالتاناتتى شاراعا قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى ماۋلەن اشىمباەۆ، قازاقستان رەسپۋبليكاسى بايلانىس جانە اقپارات ءمينيسترى اسقار جۇماعاليەۆ جانە تانىمال قوعام قايراتكەرلەرى مەن اقىن-جازۋشىلار، باق وكىلدەرى قاتىسادى.
«قازاقستان» رەسپۋبليكالىق تەلەارناسىنىڭ تولىق قازاق تىلىنە حابار تاراتۋعا كوشۋىنە، «مادەنيەت» تەلەارناسىنىڭ تۇساۋكەسەرىنە جانە «بالاپان» تەلەارناسىنىڭ 1 جىلدىعىنا ارنالعان
ءباسپاسوز حابارلاماسى
2011 جىلى 26 قىركۇيەك كۇنى ساعات 16:00-دە تاۋەلسىزدىك سارايىندا «قازاقستان» ۇلتتىق ارناسىنىڭ قىركۇيەك ايىنان باستاپ تولىق مەملەكەتتىك تىلدە حابار تاراتۋعا كوشۋىنە، وتاندىق تەلەۆيزيا تاريحىنداعى تۇڭعىش مادەني-اعارتۋ «مادەنيەت» ارناسىنىڭ تۇساۋكەسەرىنە جانە «بالاپان» تەلەارناسىنا 1 جىل تولۋىنا ارنالعان مەرەكەلىك شارا وتەدى.
سالتاناتتى شاراعا قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى ماۋلەن اشىمباەۆ، قازاقستان رەسپۋبليكاسى بايلانىس جانە اقپارات ءمينيسترى اسقار جۇماعاليەۆ جانە تانىمال قوعام قايراتكەرلەرى مەن اقىن-جازۋشىلار، باق وكىلدەرى قاتىسادى.
مەملەكەت باسشىسى ن.ءا.نازارباەۆتىڭ بيىلعى اقپان ايىندا رەسپۋبليكاداعى جەتەكشi بۇقارالىق اقپارات قۇرالدارى وكiلدەرiمەن وتكiزگەن سۇحباتىندا «قازاقستان» تەلەارناسىنا تولىق قازاق تiلiندە حابار بەرۋگە كوشۋi قاجەتتiگiن جۇكتەگەن بولاتىن. وسىعان سايكەس قىركۇيەك ايىنان باستاپ، «قازاقستان» ارناسى تولىق قازاق تىلىندە حابار تاراتۋعا كوشتى. جارتى عاسىردان استام تاريحى بار ۇلتتىق ارنانىڭ جاڭا ءداۋىرى باستالماق. «قازاقستان» ۇلتىق ارناسى ەلىمىزدىڭ اقپارات كەڭىستىگىندە ۇلتتىق سانامىز بەن ءتىلىمىزدىڭ بولاشاعىنا جاڭا سەرپىن اكەلەرى ءسوزسىز. جاڭا ماۋسىمداعى جاڭا جوبالار:
- «ساز تولعاۋ» مۋزىكالىق-تانىمدىق توك-شوۋى
- «داۋا» مەديتسينالىق باعدارلاماسى
- «الاڭ» پىكىرتالاس كلۋبى
- «يمان ايناسى» حابارى
- «وتانداستار» دەرەكتى فيلمدەر توپتاماسى
- «تاۋەلسىزدىك شەجىرەسى» دەرەكتى فيلمدەر جيىنتىعى
- «دامۋ» يندۋستريالاندىرۋ توك-شوۋى
- «ەكى جۇلدىز» مۋزىكالىق ويىن-ساۋىق شوۋىنىڭ 4-ءشى كەزەڭى
- «بولاشاق» وتاندىق تەلەسەريالى
- «وزەكجاردى» جوباسى
«قازاقستان» رترك بازاسىندا بىلتىر 27 قىركۇيەكتە «بالاپان» تەلەارناسى اشىلعانى بەلگىلى. قۇرىلعانىنا جىلدىڭ ءجۇزى عانا بولعان جاڭا ارنا ءتۇرلى جانرداعى قىزىقتى باعدارلامالار مەن الەمنىڭ ۇزدىك انيماتسيالىق تۋىندىلارىن كورسەتىپ، كىشكەنتاي كورەرمەندەردىڭ كوڭىلىنەن شىعا ءبىلدى. اتالمىش ارنا وسكەلەڭ ۇرپاقتى بيىك ماقساتتارعا، ادامي قۇندىلىقتارعا جەتەلەيتىن وتاندىق تەلەتۋىندىلارمەن ءالى دە قۋانتا بەرمەك. جىل بويى ەفيردەن «شەبەرحانا»، «كەل، وينايىق»، «ءان سالايىق»، «ايجۇلدىز»، «ايگولەك، «ەركەتاي» «تولاعاي» سىندى باعدارلامالارىمىز كورسەتىلسە، جاڭا ماۋسىمدا مىناداي جاڭا جوبالار قوسىلدى:
- «ساناماق» تانىمدىق باعدارلاماسى
- «جۇزدەن جۇيرىك» تانىمدىق، سپورتتىق، ويىن-ساۋىقتىق باعدارلاماسى
- «تەنتەگىم» ءازىل-سىقاق باعدارلاماسى
- «Hello, بالاپان!» وقۋ-تانىمدىق باعدارلاماسى
- «باۋىرساق» تانىمدىق باعدارلاماسى
- «قۇلىنشاق» باعدارلاماسى
- «بالدىرعان» مۋلتسەريالى
ۇدايى كورەرمەننىڭ ۇدەسىنەن شىعا ءبىلۋدى نازارعا العان «قازاقستان» رترك بيىل «مادەنيەت» تەلەارناسىنىڭ تۇساۋىن كەسپەك. 26 قىركۇيەكتەن ەفيرگە جول تارتاتىن مادەني-اعارتۋعا باعىتتالعان جاڭا ارنا 80 % مەملەكەتتىك تىلدە، 20% وزگە تىلدەردە حابار تاراتاتىن بولادى. ارنانىڭ العا قويعان ماقساتى: اۋديتوريانى وتاندىق جانە الەمدىك مادەنيەتتىڭ باي ءارى مول قورىمەن تانىستىرۋ، قازاقستان حالقىنىڭ تاريحي جانە مادەني مول مۇراسىن ساقتاپ قالۋ، قازاق ءتىلىن، رۋحاني-ادامگەرشىلىك قۇندىلىقتاردى ناسيحاتتاۋ. قازاق اۋديتورياسى سپۋتنيك ارنالارى ارقىلى تەلەەنتسيكلوپەديالاردى، ەڭ ۇزدىك قازاق كينوسىن، كەڭەس وداعى تۇسىندا شىعارىلعان كوركەم تۋىندىلاردى، دەرەكتى فيلمدەردى، الەمدىك كينەماتوگرافيانىڭ بىرەگەي تۋىندىلارىن، تاريحتان جانە اتاقتى تۇلعالاردىڭ ءومىربايانىنان سىر شەرتەتىن باعدارلامالاردى، عىلىمي-اعارتۋشىلىق باعدارلامالاردى، وپەرا جانە كونتسەرتتىك باعدارلامالاردى، تەلەسپەكتاكلدەر مەن بالەت قويىلىمدارىن تاماشالايتىن بولادى. تەلەدۇنيا الەمىنە ءتاي-ءتاي باسقان جاڭا ارنادان كەلەسى جوبالار جارىق كورمەك:
- «اقساراي» مۋزىكالىق-تانىمدىق حابارى. باعدارلامادا ەلىمىزدىڭ ءداستۇرلى جانە كلاسسيكالىق تەاترلارىنىڭ سۇبەلى تۋىندىلارى تەلەترانسلاتسيا ارقىلى كورەرمەنگە جول تارتادى
- «سول جىلدار» تانىمدىق باعدارلاماسى. باعدارلاما زەرتتەۋ جانرىندا قۇرىلادى. نەگىزگى كەيىپكەرلەرى: وتاندىق مادەنيەتتىڭ قالىپتاسۋىنا، دامۋىنا ات سالىسقان تۇلعالار.
- «وركەنيەت» باعدارلاماسى. قازاقتىڭ زيالى قاۋىم وكىلدەرىنىڭ پىكىرتالاسى. باعدارلامانىڭ نەگىزگى ارقاۋى: قارىشتاپ دامىعان زاماناۋي مادەنيەتتىڭ ارتىقشىلىعى، جاھاندانۋ ماسەلەلەرى.
- «قىل قالام» حابارى - قازاقستان سۋرەتشىلەرىنىڭ انتولوگياسىن ۇسىنادى.
- «عاسىرلار پەرنەسى» باعدارلاماسى. باعدارلاما بارىسىندا قازاقتىڭ عاجايىپ ءداستۇرلى مۋزىكالىق شىعارمالارى مەن تۇركى مادەنيەتىنىڭ وزىق ونەر تۋىندىلارى ورىندالادى.
- «التىن كومبە» باعدارلاماسى. باستى ماقساتى - كىتاپقا دەگەن سۇيىسپەنشىلىكتى وياتۋ. وتباسىلىق كوماندالاردى سايىستىرۋ ارقىلى كىتاپ وقۋدى وتباسىلىق داعدىعا اينالدىرۋعا كۇش سالۋ.
- «ءالى ەسىمدە» باعدارلاماسى. جوبانىڭ نەگىزگى كۇرەتامىرى - قازاقتىڭ ەسترادالىق مۋزىكاسىنىڭ تاريحى بولماق.
- «كىتاپحانا» باعدارلاماسى. نەگىزگى وزەگى - قازاق ادەبيەتىنىڭ تانىمال شىعارمالارى مەن قۇندى تاريحي باسىلىمدارى.
- «جۇزدەسۋ» حابارى. شىعارماشىلىق يەلەرى بۇرالاڭى كوپ ونەر جولىنداعى بەلەستەرىن ءباياندايدىى.
- «اباي» 5 سەريالى دەرەكتى ءفيلمى. قازاقتىڭ كەمەڭگەر ۇلى اقىنى ابايدىڭ ءومىر جولى، شىعارماشىلىعى جايلى دەرەكتى فيلم.
- «قازاق دالاسىنىڭ قۇپيالارى» 10 سەريالى دەرەكتى فيلمدەر تسيكلى
- «كوكجيەك» تەلەلەكتسيا فورماتىنداعى عىلىمي-تانىمدىق جوباسى
- «مادەنيەت» باعدارلاماسى - ەلىمىزدە ءوتىپ جاتقان مادەني شارالارعا شولۋ جانە وسى سالاداعى جاڭالىقتارعا كەڭىنەن توقتالۋ
- «لەگەندى ي ميفى وپەرنوگو» - وپەرا جانە بالەت ونەرىنىڭ ساڭلاقتارى تۋرالى مۋزىكالىق-تانىمدىق جانرداعى باعدارلامالار تسيكلى
- «راسكرىتايا پارتيتۋرا» حابارى. ماقساتى - كورەرمەنگە كلاسسيكالىق مۋزىكا جاۋھارلارىن جانە ەلىمىزدەگى مۋزىكالىق توپتاردى تانىستىرۋ.
- «نەسلۋچاينىە ۆسترەچي» حابارى. مادەنيەت جۇلدىزدارىمەن كەلەلى اڭگىمە.
جاڭا ارنا «قازاقستان» رەسپۋبليكالىق تەلەراديوكورپوراتسياسىنىڭ نەگىزىندە اشىلىپ، ەفيرگە سپۋتنيك، ينتەرنەت جانە كابەلدىك جەلى ارقىلى تارالادى.
تەل.: (7172) 93 08 23, 93 08 13
