قازاقستان رەسپۋبليكاسى ۇلتتىق قاۋىپسىزدىك كوميتەتى 2020 جىلدىڭ 14-اقپان كۇنى جەدەل ىزدەستىرۋ شارالارىن ۇيىمداستىرۋ كەزىندە الماتى قالاسىندا جات ءدىني اعىمنىڭ 2 وكىلىن ۇستاپ، سوت سانكتسياسىمەن قاماۋعا الدى. بۇل تۋرالى ۇقك مالىمدەدى. 

ۇستالعان ازاماتتاردىڭ مەكەن-جايلارى بويىنشا تەرگەۋ ءىس-قيمىلدارى جۇرگىزىلدى. ناتيجەسىندە شابۋىلداۋ كوزىلدەگەن نىسانداردىڭ بەينە-فوتو تۇسىرىلىمدەرى بار سمارتفوندار، سۋىق قارۋ، قولدان جاسالعان جارىلعىش قۇرىلعى جانە ونى جاساۋعا ارنالعان قۇرامداس بولىكتەر تابىلعان.

قازىر كۇدىكتى ازاماتتارعا قاتىستى قازاقستان رەسپۋبليكاسى قىلمىستىق كودەكسىنىڭ 255-بابى، تەرروريزم اكتىسىنە دايىندالۋ فاكتىلەرى بويىنشا قىلمىستىق ءىس قوزعالعان.

تەرگەۋ ماتەريالدارى كورسەتكەندەي، ۇستالعان ازاماتتار رەسپۋبليكا اۋماعىندا، ناقىتراق ايتساق، ادامدار كوپ شوعىرلانعان ورىنداردا تەرروريستىك اكتىلەر دايىنداعان. قازىر اتالعان ءىس بويىنشا تەرگەۋ ءجۇرىپ جاتىر.

ايتا كەتەيىك، قازاقستاندا 2004 جىلدان بەرى بىرنەشە لاڭكەستىك، ەكستەرميستىك جانە ءدىني ۇيىمدارعا تىيىم سالىنعان.

اتاپ وتسەك:

1.قر جوعارعى سوتىنىڭ 2004 جىلدىڭ 15-قازانداعى شەشىمى بويىنشا:

«ال-كايدا»

«وزبەكستانداعى يسلامدىق قوزعالىس»

«كۇرد حالىق كونگرەسى»

«شىعىس تۇركىستانداعى يسلامدىق قوزعالىس» ۇيىمدارىنا تىيىم سالىنعان.

2. جوعارعى سوتتىڭ 2005 جىلدىڭ 15-ناۋرىزداعى شەشىمىنە سايكەس:

«براتيا-مۋسۋلمانە»

«اسبات ال-انسار»

«تاليبان» قوزعالىسى»

«لاشكار-ە-تايبا»

«بوز گۋرد»

«الەۋمەتتىك رەفورمالار قوعامى»

«ورتالىق ازياداعى مودجاحەدتەر جاماعاتى» ۇيىمدارىنا تىيىم سالىنعان.

3. ەلوردا سوتىنىڭ 2005 جىلدىڭ 28-ناۋرىزداعى شەشىمى بويىنشا: 

«حيزب-ۋت-تاحرير» ۇيىمىنا تىيىم سالىنعان

4.. استانا قالالىق سوتىنىڭ 2006 جىلعى 17-قاراشاداعى شەشىمىنە سايكەس: 

«شىعىس تۇركىستان ازات ەتۋ ۇيىمى»

«اۋم سينريكيو» ۇيىمدارىنا تىيىم سالىنعان

5. ەلوردا سوتىنىڭ 2008 جىلعى 5-ناۋرىزداعى شەشىمى بويىنشا: 

«تۇركىستان يسلام پارتياسى» ۇيىمىنا تىيىم سالىنعان

6. الماتى قالالىق مامانداندىرىلعان اۋدانارالىق ەكونوميكالىق سوتىنىڭ 2008 جىلعى 22-جنلتوقسانداعى شەشىمىنە سايكەس: 

«الليا-ايات» ۇيىمىنا تيىم سالىندى

7. الماتى قالالىق مامانداندىرىلعان اۋدانارالىق ەكونوميكالىق سوتىنىڭ 2008 جىلعى 22-جنلتوقسانداعى شەشىمىنە بويىنشا: 

«اتا جولى» ۇيىمىنا تىيىم سالىندى.

8. اتىراۋ قالالىق سوتىنىڭ 2001 جىلعى 25-قاراشاداعى شەشىمىنە سايكەس:

«دجۋند-ال-حاليفات» ۇيىمىنا تىيىم سالىندى.

9. شىعىس قازاقستان وبلىسىنىڭ مامانداندىرىلعان اۋدانارالىق سوتىنىڭ 2012 جىلعى 7-ماۋسىمداعى شەشىمى بويىنشا: 

19.«سەنىم. ءبىلىم. ءومىر» رەسپۋبليكالىق قوعامداق بىرلەستىگى ۇيىمىنا تىيىم سالىندى.

10. ەلورداداعى سارىارقا اۋداندىق سوتىنىڭ 2013 جىلعى 26-اقپانداعى شەشىمىنە سايكەس: 

«تابليعي دجاماعات» ۇيىمىنا تىيىم سالىندى.

11. ەلورداداعى سارىارقا اۋداندىق سوتىنىڭ 2014 جىلعى 18-تامىزداعى شەشىمى بويىنشا:

«ات-تاكفير ءۋال-حيدجرا» ۇيىمىنا تىيىم سالىندى

12. ەلورداداعى ەسىل اۋداندىق سوتىنىڭ 2015 جىلعى 15-قازانداعى شەشىمىنە سايكەس: 

«يسلام مەملەكەتى».

«ان-نۋسرا فرونتى» ۇيىمدارىنا تىيىم سالىنعان.

Abai.kz