اقپاراتقا قاراعاندا، ەكى ەل ليدەرى سيريانىڭ يدليب ايماعىنداعى جاعدايدى تالقىلايدى. سوڭعى كۇندەرى بۇل ايماقتا تۇرىك اسكەرلەرى مەن سيريا ۇكىمەتى كۇشتەرىنىڭ اراسىندا قارۋلى قاقتىعىس ورىن الىپ جاتىر.
سيرياداعى سوعىستا رەسەي پرەزيدەنت باشار اسادتى، تۇركيا قارۋلى وپپوزيتسيانى قولداپ كەلەدى. 2018 جىلدىڭ قىركۇيەك ايىندا تۇركيا مەن رەسەي ليدەرلەرى ءيدليبتى دەەسكالاتسيا ايماعىنا اينالدىرىپ، بۇل ايماقتا سوعىستى توقتاتۋعا ۋاعدالاسقان. بىراق باشار اساد ارمياسى بىلتىر جىل اياعىندا يدليبكە قايتادان سوققى بەرە باستادى. بۇل شابۋىلدار كەزىندە تۇركيانىڭ باقىلاۋ بەكەتتەرىنە وق ءتيىپ، بىرنەشە تۇرىك اسكەرى قازا تاپقان. بۇعان جاۋاپ رەتىندە انكارا يدليبكە قوسىمشا اسكەر كىرگىزىپ، سيريانىڭ ۇكىمەتتىك كۇشتەرىنە سوققى بەرە باستاعان.
جەكسەنبى كۇنى تۇركيانىڭ اسكەري اۋە كۇشتەرى سيريانىڭ سۋ-24 ۇلگىسىندەگى ەكى ۇشاعىن اتىپ ءتۇسىردى. كوپ وتپەي رەسەي بۇدان ءارى تۇرىك ۇشاقتارىنىڭ سيريانىڭ اۋە كەڭىستىگىندەگى قاۋىپسىزدىككە كەپىل بولا المايدى دەپ مالىمدەدى.
رەسمي اقپاراتقا قاراعاندا، اقپان ايىندا سيريادا 50-دەن استام تۇرىك اسكەرى قازا بولدى. انكارا جاۋاپ رەتىندە اۋە سوققىلارىن جاساپ، اساد ارمياسىنىڭ جۇزدەگەن جاۋىنگەرى ولتىرىلگەنىن حابارلادى.
Abai.kz
