بۇل تۋرالى The Guardian گازەتى حابارلادى. گازەت مالىمەتى بويىنشا، بۇۇ ماماندارى رەسەي اسكەريلەرىنىڭ اسكەري قىلمىسقا قاتىسى بارىن ءبىرىنشى بولىپ اشكەرەلەدى.
ارنايى كوميسسيا بايانداماسىندا 2019 جىلى مااررات-ەن-نۋمان قالاسىنداعى بازارعا اۋەدەن جاسالعان شابۋىل تۋرالى تىڭ مالىمەتتەر جاريالاندى. بازارعا ەكى مارتە شابۋىل جاسالعان دەلىنگەن باياندامادا. ەكىنشى شابۋىل كەزىندە العاشقى شابۋىلدان زارداپ شەككەندەرگە كومەكتەسۋگە بارعاندار زارداپ شەككەن. 43 ادام قازا تاپتى، ولاردىڭ اراسىندا ءتورت بالا بار. ال حاس قالاسىنداعى بوسقىندار لاگەرىنە جاسالعان اۋە سوققىسىنان 20 ادام قازا تاپتى.
"رەسەي ۇشاقتارى شابۋىلداردىڭ ەكەۋىنە دە قاتىستى دەۋگە نەگىز بار" دەلىنگەن ەسەپتە.
The Guardian گازەتى ۆاشينگتونداعى تاياۋ شىعىس ينستيتۋتىنىڭ ساراپشىسى چارلز ليستەردىڭ ءسوزىن كەلدىردى. ول بۇۇ ماماندارىنىڭ قورىتىندىسىن وتە ماڭىزدى دەپ اتادى، ويتكەنى بۇل ۇيىم مۇنداي شابۋىلدارعا جاۋاپتىلاردى وتە سيرەك اتايدى.
Abai.kz
