بۇل اقپارات 5 ناۋرىزدا ماسكەۋدە رەسەي جانە تۇركيا پرەزيدەنتتەرى ۆلاديمير پۋتين مەن رەجەپ ەردوعان كەزدەسۋى الدىندا جاريالاندى.

كەزدەسۋ يدليبتە جاعداي ۋشىققان تۇستا وتكەلى جاتىر. سيريا پرەزيدەنتى باشار اساد ارمياسى رەسەي قولداۋىمەن قارۋلى وپپوزيتسياعا قارسى شابۋلدى جالعاستىرىپ جاتىر. قاقتىعىس كەزىندە تۇرىكتىڭ 30-دان استام ساربازى قازا تاپقان. ال تۇركيا بولسا، سيرياداعى قارۋلى وپپوزيتسياعا قولداۋ كورسەتىپ كەلەدى.

Reuters اگەنتتىگى اقپاراتىنا قاراعاندا، بوسفور بۇعازى ماڭىندا رەسەي تەڭىز جانە اۋە كۇشتەرىن كۇشەيتىپ جاتىر. التى كۇن ىشىندە ماسكەۋ بوسفور ارقىلى بەس كەمەسىن جىبەرگەن. بىراق رەسمي تۇردە ەكەۋ دەپ ايتىلادى.

4 ناۋرىزدا تۇركيا پرەزيدەنتى رەجەپ ەردوعان ماسكەۋدەگى كەلىسسوزدەردەن كەيىن يدليبتە سوعىس توقتايدى دەپ ۇمىتتەنەتىنىن جەتكىزدى.

ماسكەۋ دە ءوز كەزەگىندە جاعداي جاقسارادى دەپ ەسەپتەيدى.

Abai.kz