«الماتى-بىشكەك» اۆتوجولىنىڭ «التىن وردا» بازارى ماڭىنداعى 16-19 شاقىرىمىن جوندەۋ جۇمىستارى 2020 جىلدىڭ جەلتوقسان ايىندا اياقتالادى. قازىر نىساندا الداعى قۇرىلىس ماۋسىمىنا دايىندىق شارالارى جۇرگىزىلىپ جاتىر. 

جوبا 2017 جىلى ىسكە اسىرىلا باستادى. بۇگىنگى تاڭدا ونداعى جۇمىستار 90% اياقتالعان. اتاپ ايتقاندا، جەر جۇمىستارىنىڭ 85% ورىندالدى. جولدىڭ 34,6 مىڭ شارشى مەترى اۋماعىندا نەگىزدەمەنىڭ جوعارعى قاباتى، 32,1 مىڭ شارشى مەترىندە نەگىزدەمەنىڭ تومەنگى قاباتى توسەلدى. «تاعا» تيپىندەگى ەستاكادا قۇرىلىسىنىڭ 78%، باستى ماگيسترال ارقىلى وتەتىن ەستاكادا قۇرىلىسىنىڭ 35% اياقتالدى. سونداي-اق، اقساي وزەنى ارقىلى وتەتىن كوپىردەگى جۇمىستار 90%  ورىندالسا، جاياۋ جۇرگىنشىلەرگە ارنالعان جەرۇستى وتپەلەرىنىڭ 30% سالىندى.  

ەسكە سالا كەتەيىك، جوبا اياسىندا جول 10 جولاققا كەڭەيتىلەدى. دالىرەك ايتقاندا، نىسان قوعامدىق، جەرگىلىكتى جانە ترانزيتتىك كولىكتەر ءۇشىن 2 باعىتتا 5 جولاققا ۇلعايتىلادى. جوبانىڭ باس مەردىگەرى – «داۋلەت-دورستروي» جشس. اۆتورلىق قاداعالاۋدى «استاناسترويپروەكتسەرۆيس-م» كومپانياسى جۇزەگە اسىرسا، ينجەنەرلىك قىزمەتتى «يپتس «اليانس» جشس اتقارادى. «الماتى- بىشكەك» جولىنىڭ 16-19 شاقىرىمىن كۇردەلى جوندەۋ الماتىدان «التىن وردا» بازارىنا دەيىنگى جولداعى كولىك كەپتەلىسى ماسەلەسىن شەشۋگە مۇمكىندىك بەرمەك. 

مۇنىمەن قوسا، «اسىل ارمان» اۋدانىندا كولىكتىك جول ايىرىعىنىڭ قۇرىلىسى باستالعاندىعىن ايتۋ كەرەك. بۇگىنگى تاڭدا «داۋلەتدورستروي» جانە «قوستاناي جولدارى» كومپانيالارى جەلىلەردى قايتا قۇرۋ جانە شىعارۋ جۇمىستارىنا دايىندالىپ جاتىر. سونىمەن قاتار، ەستاكادانىڭ ەكى تىرەگىندە بۇرعىلاۋ جۇمىستارى جۇرگىزىلۋدە. جالپى، جوبا اياسىندا ءتۇرلى دەڭگەيدە «قۇبىر» تۇرىندە ۇزىندىعى 550 مەتردى قۇرايتىن 4 جولاقتى قوزعالىستى قامتاماسىز ەتەتىن جول ايرىعى مەن جاياۋ جۇرگىنشىلەرگە ارنالعان 1 جەرۇستى كوپىرىنىڭ قۇرىلىسى قاراستىرىلعان. نىسان 2021 جىلدىڭ قاڭتارىندا پايدالانۋعا بەرىلەدى دەپ جوسپارلانعان.   

Abai.kz