"ۆاليۋتا نارىعىندا بارلىعى، كۆازيمەملەكەتتىك سەكتور دا، ۆاليۋتانى قارىزدى جابۋ نەمەسە قۇرال-جابدىق ساتىپ الۋ كەزىندە عانا الۋى ءتيىس. ۆاليۋتانى ساقتاۋ ءۇشىن ساتىپ الۋعا تىيىم سالىنعان", - دەدى شولپانقۇلوۆا.
جەرگىلىكتى اقپارات قۇرالدارىنىڭ حابارلاۋىنشا، الماتى، نۇر-سۇلتان جانە شىمكەنت قالالارىنداعى ايىرباس پۋنكتەرىندە شەتەل ۆاليۋتاسى ساۋداسىن ۋاقىتشا توقتاتتى. الماتى مەن نۇر-سۇلتاندا ءبىر دوللار قۇنى 385-394 تەڭگە ارالىعىندا قۇبىلىپ تۇر، ال شىمكەنتتە - 390-393 تەڭگە.
وپەك+ كەلىسىمى بولماي قالعان سوڭ، الەم بيرجالارىندا مۇناي باعاسى قۇلدىرادى. ودان سوڭ Forex بيرجاسىندا رەسەي ءرۋبلىنىڭ دوللار مەن ەۆروعا شاققانداعى باعامى تومەندەدى. بۇل جاعداي قازاقستان ۆاليۋتاسىنا دا اسەر ەتتى.
قازاقستان پرەمەر-ءمينيسترى اسقار ءمامين ۇلتتىق بانكپەن بىرگە مالىمدەمە تاراتىپ، ۇكىمەت بيۋدجەت شىعىنىن قىسقارتاتىنىن جاريالادى. ەل پرەزيدەنتى قاسىم-جومارت توقاەۆ ۇكىمەتكە ارنايى داعدارىسقا قارسى شتاب قۇرۋدى تاپسىردى.
Abai.kz
