كەزىندە پۋشكين: «ادامدى ماقتاۋدان گورى داتتاۋ جەڭىل» دەسە، اباي دانىشپان: «قازاقتىڭ ءتىرىسىنىڭ وسەكتەن امانى جوق، دۇنيەدەن وتكەنىنىڭ جامانى جوق» دەگەن ەكەن. اققا قارا كۇيە جاعۋ قاشاندا وڭايدىڭ وڭايى. «ەسەپتە بار جىگىت وسەكتە دە بار» دەگەندەي، ەل باسقارىپ جۇرگەن ازاماتتاردىڭ ارتىنان قاڭقۋ ءسوز ەرىپ جۇرەدى، «جاقتىم كۇيە، جاپتىم جالا» دەۋشىلەر تابىلادى.

بيىلعى جىلدىڭ 14 اقپانىندا Abai.kz اقپاراتتىق پورتالىندا سەرىكقازى نۇرقاسىموۆ دەگەن ازاماتتىڭ «ورازباەۆ ويىنا كەلگەنىن ىستەي بەرە مە؟» دەگەن ماقالاسى جاريالاندى.

«شىعىس قازاقستان وبلىسى، اياگوز اۋدانىنىڭ اكىمى دىلدابەك ورازباەۆ ويىنا كەلگەنىن ىستەۋدەن جالىعار ەمەس. دىلدابەك ورازباەۆ بىزگە باسشىلىققا كەلگەلى جىلعا تاياپ قالدى. وسى ۋاقىت ىشىندە اۋدان ەكونوميكاسىن كوتەرىپ، حالىقتىڭ ءال-اۋقاتىن جاقسارتۋدا ەشقانداي پارمەندى جۇمىس اتقارىپ وتىرعان جوق. بۇدان بۇرىن تارباعاتاي اۋدانىندا 5 جىلداي اكىم بولعاندا كوزبوياۋشىلىققا سالىنىپ، ماڭايىنا توپ جيناپ، ەل ىشىنە ىرىتكى سالىپ، جالعان جارناما جاساپ، ءوزىن-ءوزى ماداقتاتۋدان باسقا تۇك بىتىرمەگەن ادەتىن مۇندا دا جالعاستىرىپ وتىر» - دەيدى ماقالا اۆتورى.

دىلدابەك ورازباەۆ اياگوز اۋدانىنا اكىم بولىپ بارعالى جىلعا جۋىق ۋاقىت بولسا، سول كىسىنىڭ باسشىلىعىمەن بۇل وڭىردە اتقارىلىپ جاتقان يگىلىكتى ىستەردى كورمەۋ، باعالاماۋ جەڭىلدەتىپ ايتقاندا «كورمەس - تۇيەنى دە كورمەس» دەگەندى ەسكە تۇسىرەدى. كورەالماۋشىلىق دەگەن وسى. «جەر بەتىندە ەڭ اۋەلى جاسالعان قىلمىس پەن كۇنا كورەالماۋشىلىقتىڭ سالدارىنان بولدى» دەيدى عۇلامالار.

تارباعاتاي اۋدانىندا 5 جىلدان استام باسشىلىق قىزمەتتە بولعاندا دىلدابەك ورازباەۆ جەرگىلىكتى كادرلارمەن، قاراپايىم حالىقپەن ورتاق ءتىل تابىسىپ، اۋىل ومىرىنە تىڭ جاڭالىقتار اكەلىپ، اۋدان ورتالىعىنان باستاپ كوركەيتىپ، كوگالداندىرىپ، مەملەكەتتىك باعدارلامالار ارقىلى ءوندىرىستى دامىتىپ، ەلدى ەڭبەككە جۇمىلدىرىپ، كوپتىڭ قۇرمەتىنە بولەندى.

2018 جىلى اقسۋاتتا بولعان حالىقارالىق اقىندار ايتىسىندا اتاقتى جانسايا مۋسينامەن ايتىسقان شۇعايىپ سەزىمحان ەل مەن جەردى، ازاماتتاردىڭ جارقىن ىستەرىن جىرعا قوسا كەلىپ:

اقسۋات باياعىدان ءدۇر ەل ەدى،
اقىن، باتىر تۋعازعان ءىرى ەل ەدى.
سەندەگى بىرلىكپەنەن بەرەكەگە،
دوس قۋانىپ، دۇشپانىڭ تۇنەرەدى.
بۇگىنگى دىلدابەكتەي اكىمدەرىڭ،
اۋدان دەپ اۋزىن ايعا بىلەپ ەدى.
ءوڭىردىڭ ءوسىپ-ءونىپ وركەنەۋى،
تىكەلەي اكىمگە كەپ تىرەلەدى.
سەبەبى، گۇلدەندىرىپ اقسۋاتتى،
قىس كەلسە كوشە قارى كۇرەلەدى.
جاز كەلسە كوشەتتەر مەن گۇل ەگەدى.
ايتىسپەنەن كۇرەسكە قولداۋ بولدى،
قازاقتىڭ ولمەسىن دەپ بۇل ونەرى.
دىلدابەكتەي اكىمىڭ بۇل قارقىنمەن،
حالىقتىڭ ورىندالىپ تىلەگى ەندى،
اۋىلدى اۋدان قىلىپ جىبەرەدى،
اۋداندى وبلىس قىپ جەبەرەدى،- دەپ شارقادى.

جوعارىدا اتالعان ماقالاعا 31 پىكىر جازىلعان ەكەن. ولاردىڭ باسىم كوپشىلىگى ماقالا اۆتورىنىڭ ايتقانىمەن كەلىسپەيتىندىگىن ايتادى.

مىسالى، پىكىر بىلدىرگەن ءبىر ازامات: مىنا دايەكسىز، كىسى كۇلەرلىكتەي فاكتىلەردىڭ يەسى س.نۇرقاسىموۆ كەزىندە اۋداندى سىرتتان كەلىپ، باسقارعان توباعابىلوۆتاي ازاماتتىڭ بولعانىن بىلەدى دەيمىسىڭ. دىلدابەك ءتاجىبايۇلى دا سوناۋ شىمكەنتتەن كەلىپ، شىعىستى دامىتۋعا ەلەۋلى ۇلەس قوسىپ جۇرگەن ازامات. اياعىنان شالىپ جاتساڭدار دا، ەل ازاماتقا باعاسىن بەرىپ وتىر. شاۋىلدەگەن كاندەك سياقتى بولماي، يگىلىك ءۇشىن جۇمىس ىستەۋگە ادامعا مۇمكىندىك بەرىڭدەر، -دەپتى. 

ەرعالي مىرزاش 2020-02-20 18:41:43 

وسى سوزدەرى ءۇشىن مىنا سەرىكقازى دەگەن ماڭگۇرتتى جاۋاپقا تارتۋعا بولادى. ەش دالەلى جوق. جالا جاۋىپ قيسىنسىز ورىنسىز اڭگىمە وسەك ەر ادامعا جات نارسە. ەگەر ناق جىگىت ەركەك بولساڭ سونى اۋدان اكىمىنىڭ حالىق الدىندا ەسەپ بەرۋ جيىنىندا كەلىپ بەتىنە ايتپادىڭبا! مەن سەندەيلەردى ەركەكتىڭ سورلىسى دەپ ايتار ەدىم سەرىكقازى..... 

داستان جامانوۆ 2020-02-20 09:34:25 

اقسۋات اۋىلىنىڭ توپىراعىنان شىققان اكىمى جاساماعاندى وسى كىسى جاسادى. بۇرىنعا اقسۋاتپەن قازىرگى اقسۋاتتى سالىستىرۋ مۇمكىن ەمەس. تۇرمىسى دا الدە قايدا جاقسارعان. وسەك ايتپايىق اعايىن. 

ەرشايحوۆ اسەت 2020-02-18 09:48:34 

د.ورازباەۆ اعامىز مىندا ىڭعي پارا الىپ جەپ ۇيرەنگەندەرگە عانا ۇنامايتىن سياقتى. ال بۇرىنعى اۋدان اكىمى باياحمەتوۆ نە جاقسىلىق جاسادى؟ قارا قىتايلاردى اكەپ ناشار كىرپىش جاساپ شىعارعاندا، ورتالىق كوشەگە بازار سالىپ ءوزى عانا پايدا كورىپ وتىرعانى جايلى نەگە ايتپادى 

ەسەن 2020-02-17 14:03:19 

اباي تۋرالى د.ورازباەۆ بىلمەيدى دەگەنگە كىم سەنەدى ،اباي ەسكەرتكىشى اباي ەلىنەن بۇرىن اقسۋاتتا تۇرعىزىلدى. «ايتتىم سالەم قالامقاستى» اباي كىمگە ارنادى؟، «تۇيەنى سوقىر دەسەڭ قۇنانبايعا تيەدى» دەگەن ءتامسىلى ءسوز قايدان شىقتى، بىلمەسەڭ د.ورازباەۆتان سۇراپ الۋىڭا بولادى. 

سايرا مۋرسامباەۆا 2020-02-17 12:51:55 

ديلدابەك ورازباەۆ اكيمينين اتىنا ايتىلىپ جاتكان جاكسى سوزدەرگە مەن دە كوسىلامىن. اتكارىپ جاتكان يستەري كوزگە كورينەرليك، حالىك ۋشين يستەليپ جاتكان جۋمىستارى نەگە جوككا شىگۋ كەرەك. شىندىك كاشاندا جەنەدي.كورە الاۋگىلىك پا نە نارسە بۋل.بۋرىنگى اكيم نە بيتيريپتي.؟ 

Cامەن.وسكەمەن 2020-02-17 09:25:44 

دىلدابەكتى اقسۋاتتىڭ جۇرتى قاتتى ماقتايدى، ىستەگەن شارۋاسى دا كوزگە كورىنىپ تۇر. اياگوزدە بۇرىنعىنىڭ بىلىقتارىن ەندى تۇزەتىپ كەلە جاتىر. ىسكە ءسات! اياگوزدىكتەر، مىنا اكىمنىڭ قادىرىن بىلىڭدەر، وتە قاراپايىم، ەڭبەككەر ادام. 

نادەجدا 2020-02-17 09:06:13 

كايىرلى كۋن قۇرمەتتى ازاماتتار بۋل نە دەگەن ءسوز. نەگە ءبىر جاقسى ادام كەلسە جالا جابۋعا ءدايىڭ وتىراسىندار. وسى ستاتيانى جازعان ادام جينالىسقا ءبىر رەت بولسىن كاتىستىما . كەلىپ قاتىسسىڭ ي سول كىسىنىڭ بەتكە ءايتسىڭ ، əيتپەسە وسى جەردە ءبəرى اكىلدى دا باتىر . قۇرمەتپەن كوپباللالى انا . 

بۇل ماقالادان، قولىنان ءىس ،ەل ءۇشىن ەڭبەك ەتكىسى كەلەتىن ازاماتتى تازا اياقتان شالۋدى كورەمىز.دىلدابەك ورازباەۆتىڭ اياگوز اۋدانىنا اكىم بولىپ تاعايىدالۋىنا ءالى جىل تولا قويعان جوق. ەلدىڭ ويىششا بۇل كىسىنىڭ كىناسى، بۇرىننان قوردالانعان بىلىعى بەلشەدەن كەلەتىن اۋدانعا تاعايىندالىپ، ءوزى جاساماعان، بىراق اكىم رەتىندە ءبارىبىر جاۋاپ بەرۋى ءتيىس پروبلەمالاردىڭ نەدەن تۋىنداپ تۇرعانىنا ەرىكسىزدەن كوڭىل اۋدارۋدا جاتقان سياقتى. ويتكەنى جاڭا اكىمگە ءتيىسۋدى مۇنداعىلار كوپ ۇزاتپاي اق، ول كەلمەي جاتىپ اق باستاپ جىبەرگەن. مۇنداي ءىس قيمىلدىڭ ارتىندا قانداي مۇددە تۇر،ول ءبىر قۇدايعا عانا ەمەس، ەلگە دە ايان بولار. 

Anti - colorados 2020-02-16 13:19:32 

بىرىنشىدەن انتي كولورادس مىناۋ سۋرەتتىڭ قيساسايعانى!، ال شىندىعىندا بارلىق گەومەتريالىق تەپە تەڭدىكتەرى ساقتالعان!، ەكىنشىدەن مىنا جازىلعاندار شىلعي وتىرىك تارباعاتاي اۋدانىنا قاتىستى، ول كىسىنىڭ ەڭبەگى بار تارباعاتاي اۋدانىنا! ەلدەن ەستىگەن وتىرىك وسەكتى فاكتى دەپ جازۋعا جانە جالا جابۋعا بولمايدى عوي! 

تارعىباتاي 2020-02-15 00:22:08 

دىلدابەك ورازبايۇلى تارباعاتاي اۋدانىندا كوپ جاقسى ىستەردى جاسادى.مەكتەپتەر رەمونتتالدى، كوپىرلەر سالىندى. بارلىق اۋىلداردا دەتسادتتار اشىلدى.مال بورداقىلاۋ الاڭدارى جاپاي اشىلدى. اقسۋات ۇلگىگە قوياتىنداي اۋدان ورتالىعىنا اينالدى. سۋارمالى ەگىنشىلىك بولعان جەرلەردە يرريگاتسيا جۇيەسى قالپىنا كەلتىرىلدى. ەگىنشىلىكەن جانە كوكونىس ءوسىرۋد قولعا الىپ، قانشا ورالمان جانە وڭتۇستىكتەن سەميالار كوىشرىلدى. ولار كوكونىستەن اۋدۋاندى تولىق قامتاماسىز ەتىپ، ارتىعىن اياكوز سياقتى كورشىلەرگە ساتتى. ايتا بەرسە ىستەگەنى كوپ. ءوزى شىمكەنتتىڭ تۋماسى، ىسىندە، "جاقسى ادامنىڭ جاتتىعى جوق" دەيتىندەي ادامي قاسيەتى جەتكىلىكتى. كەمشىلىگى بار شىعار، بىراق ازاماتتىڭ جاساعان ىستەرىن كورمەۋ كور سوقىرلىق جانە ادىلەتسىزدىك بولادى. ەندى جاڭا جەرگە بارعاندا ادامنىڭ اياعىنان شالۋ، قايداعىنى فاكتىگە اينالدىرى ارىزددى بوراتۋ، ءسوز جوق، قانداي دا بولماسىن مىقتى ادامنىڭ جۇيكەسىن توزدىراتىن، جىگەرىن قۇم قىلاتىن ءىس. 

شومانوۆا سالتانات 2020-02-14 21:16:03 

كەرىسىنشە ول كىسى جاكسى جۇمىس ىستەپ كەلەدى جولداردى جوندەپ اياگوزدىڭ ءسانىڭ كەلتىرۋدە وسى جولدان تايماسا ەكەن وتە كاراپايىم كىسى 

مىنە، سەرىكقازى نۇرقاسىموۆ نە دەيدى، ەل نە دەيدى؟ سالىستىرىپ، سالماقتاپ، كورىڭىزدەر، قۇرمەتتى وتىرماندار.

حامزا ساتيەۆ

قوسىمشا: Abai.kz اقپاراتتىق پورتالى ەركىن اقپارات الاڭى. مۇندا وي جارىستىرىپ، پىكىر الماستىرۋعا اركىم قۇقىلى. جوعارىداعى سپيكەردىڭ پىكىرى رەداكتسيا ۇستانىمىن بىلدىرمەيدى. الداعى ۋاقىتتا ماقالادا ەسىم-سويلارى اتالعان جەكەلەگەن ازاماتتار رەداكتسيامىزعا جاۋاپ بەرۋگە نيەتتى بولسا، ولاردىڭ دا پىكىرىن بەرۋگە ءازىرمىز. 

Abai.kz