قر سەناتىنىڭ سپيكەرى داريعا نۇرسۇلتانقىزى نازارباەۆا پاكىستاندىق يسلام زەرتتەۋ ينستيتۋتى كەڭەسىنىڭ اتىنان «Paigham-e-Pakistan 2020» بەيبىتشىلىك سىيلىعىنا يە بولدى. بۇل تۋرالى zakon.kz سايتى جازدى. 

بەيبىتشىلىك سىيلىعى داريعا نۇرسۇلتانقىزىنا ۇلتتىق ىنتىماقتاستىق پەن  كەلىسىمدى جانە الەۋمەتتىك ادىلەتتىلىكتى نىعايتۋداعى جەتىستىكتەرى ءۇشىن بەرىلگەن.

«بۇل ماراپات دىنارالىق جانە وركەنيەتارالىق بايلانىستى ىلگەرىلەتۋگە، الەمدىك جانە ءداستۇرلى دىندەر ليدەرلەرىنىڭ سەزىن وتكىزۋگە كۇش سالعانى ءۇشىن بەرىلەدى»، - دەلىنگەن يسلام زەرتتەۋ ينستيتۋتى كەڭەسىنىڭ حاتىندا.

«Paigham-e-Pakistan» - زورلىق-زومبىلىققا، ەكسترەميزمگە جانە تەرروريزمگە قارسى سىيلىق. وعان بارلىق يسلام مەكتەپتەرىندەگى 5000-نان استام عۇلامالار اقىلداسا وتىرىپ، قول قويعان ەكەن.

ەستەرىڭىزگە سالا كەتەيىك، وسىعان دەيىن لوندون سوتى «كۇماندى اقشاعا ساتىپ العان» دەگەن كۇدىككە ىلىنگەن، قۇنى 100 ميلليون دوللاردى قۇرايتىن ءزاۋلىم سارايدىڭ بەنەفيتسيارى - قر سەنات سپيكەرى مەن بالاسى ەكەنىن ايتقان بولاتىن. ال، الەمدىك باق  نازارباەۆا مەن اليەۆ الگى سارايدى زاڭدى اقشاعا العانىن دالەلدەۋ قاجەت دەپ جازدى. ەگەر دالەلدەي الماسا، ول سوت شەشىمىمەن تاركىلەنىپ، اشىق ساۋداعا قويىلدى ەكەن.

ال، 2016 جىلى نازارباەۆا مەن ونىڭ ۇلى ءنۇرالى اليەۆتىڭ وفشورداعى شوتتارى تۋرالى «پاناما قۇجاتتارىندا» اتالعان بولاتىن.

Aba.kz