«مەملەكەتتىك ءتىل» قوعامدىق قوزعالىسى ۇلتتىق، تىلدىك مۇددەلەرگە قارسى شىققان ادامدارعا ارناپ «شىرىگەن جۇمىرتقا» اتتى سىيلىق ويلاپ شىعارعان بولاتىن. بيىلعى جىلى ءار ازاماتتىڭ قوعام الدىنداعى بەدەلىن بەس تيىنعا دەيىن قۇلدىراتاتىن بۇل سىيلىقتىڭ «مەملەكەتتىك ءتىلدى قولداۋ» اكتسياسىنا ەرەكشە كەدەرگى كەلتىرگەن ادامدارعا بەرىلۋى ابدەن مۇمكىن...

ۇيىمداستىرۋ كوميتەتى

«شىرىگەن جۇمىرتقا» سىيلىعىنا ۇسىنىلا باستاعان كانديداتتار

«مەملەكەتتىك ءتىل» قوعامدىق قوزعالىسى ۇلتتىق، تىلدىك مۇددەلەرگە قارسى شىققان ادامدارعا ارناپ «شىرىگەن جۇمىرتقا» اتتى سىيلىق ويلاپ شىعارعان بولاتىن. بيىلعى جىلى ءار ازاماتتىڭ قوعام الدىنداعى بەدەلىن بەس تيىنعا دەيىن قۇلدىراتاتىن بۇل سىيلىقتىڭ «مەملەكەتتىك ءتىلدى قولداۋ» اكتسياسىنا ەرەكشە كەدەرگى كەلتىرگەن ادامدارعا بەرىلۋى ابدەن مۇمكىن...

ۇيىمداستىرۋ كوميتەتى

«شىرىگەن جۇمىرتقا» سىيلىعىنا ۇسىنىلا باستاعان كانديداتتار

ۇستىمىزدەگى جىلدىڭ 2-قازان كۇنى الماتى قالاسىندا قالالىق اكىمشىلىكتىڭ رۇقساتىمەن مەملەكەتتىك ءتىلدى قولداۋعا قاتىستى ميتينگ وتكەلى جاتقانى بەلگىلى. ۇيىمداستىرۋ كوميتەتى دايىندىق جۇمىستارىن باستاعالى بەرى ءتۇرلى قيىندىقتارعا تاپ بولۋدا. بىلتىرعى وتكەن «مەملەكەتتىك ءتىلدى قولداۋ» اكتسياسىندا دا جوعارعى جانە ارناۋلى وقۋ ورىندارىنىڭ باسشىلارى ستۋدەنتتەردى اكتسياعا جىبەرمەۋگە جانىن سالىپ باقتى. بيىلعى جىلى دا ولاردىڭ كەيبىرەۋلەرى سونداي مىنەز كورسەتۋدە. اسىرەسە، تىلەكتەس ەسپولوۆ باسقاراتىن قازاق ۇلتتىق اگرارلىق ۋنيۆەرسيتەتىندە ستۋدەنتتەرگە «مەملەكەتتىك ءتىلدى قولداۋ» اكتسياسىنا بارساڭ ساباقتان جانە جاتاقحانادان  قۋىلاسىڭ» دەپ قىسىم كورسەتىپ جاتقانى بەلگىلى بولدى. ميتينگىگە شاقىرىپ جۇرگەن جۇرگەن ستۋدەنتتەردىڭ ۇنپاراقتارىن فاكۋلتەت دەكاندارى تارتىپ الىپ، ولاردى تۇسىنىك جازۋعا ماجبۇرلەگەن.

«مەملەكەتتىك ءتىلدى قولداۋ» اكتسياسى وتەتىن 2-قازان كۇنى  عالىمقايىر مۇتانوۆ باسشىلىق ەتەتىن ءال-فارابي اتىنداعى قازاق ۇلتتىق ۋنيۆەرسيتەتى جاتاقحانالارىندا  بۇرىن جوسپارلانباعان ستۋدەنتتەر فەستيۆالىن وتكىزۋدى  قولعا الىپتى. مۇنداعى نەگىزگى ماقسات جاستاردى ۇلت، ءتىل مۇددەسىنە ارالاستىرماۋ. ع.مۇتانوۆ سەكىلدى رەكتورلاردىڭ اتىنا مۇحتار شاحانوۆ ءوتىنىش حات جازسا دا،  مەملەكەتتىك ءتىلدى قولداۋ جيىنى الماتى قالالىق اكىمشىلىگىنىڭ رۇقساتىمەن وتكەلى جاتقانىن ۋنيۆەرسيتەت باسشىلارى قاپەرگە الماۋدا. مىنە، وسىنداي ماسقاراشىلىق بىرىنەن سوڭ ءبىرى كورىنىس بەرۋدە. كانديداتتار ءتىزىمى جالعاسا بەرەدى...

جاننا يمانقۇلوۆا. قازاق ءتىلى - بىزگە كەرەك

ۇستىمىزدەگى جىلدىڭ 2 قازانىنداعى مەملەكەتتىك ءتىلدى قولداۋ اكتسياسىنا ءبارىمىز جۇمىلا، جانتالاسا، اشىنا بارۋعا ءتيىستىمىز. قازاق توپىراعىندا ءتىل ماسەلەسى تاۋەلسىزدىك العاننان كەيىن دە تولعاقتى تۇردە كەلە جاتقانىنا دا از بولمادى. شاكارىم قاجىنىڭ «بۇل ءان بۇرىنعى اننەن وزگەرەك» دەگەن ويىنىڭ ىزىمەن «بيىلعى ءتىل تۋرالى حالىق قوزعالىسى بۇرىنعىلاردان وزگەرەك» دەپ پايىمداۋىمىزعا تولىق نەگىز بار. بۇعان ۇستىمىزدەگى جىلدىڭ 29 تامىزىندا «اباي.كز» اقپاراتتىق پورتالىندا جارىق كورگەن، ۇلت زيالىلارى باستاپ 138 ادام قول قويعان پرەزيدەنتكە، ۇكىمەت باسىنا،  حالىققا ارنالعان اشىق حاتتان سوڭعى قازاقستان اقپارات قۇرالدارىنداعى ءالى كۇنگە دەيىن تولاستاماي كەلە جاتقان داۋ-داماي دالەل. قازاقتىلدىلەردىڭ بۇل باستاماسىنا قارسى شۋ كوتەرىپ شىققان ءورىستىلدى ماقالالاردىڭ سانىنىڭ ءوزى وسى قىسقا ۋاقىت ارالىعىندا 400-گە جۋىقتاعان. ولاردىڭ تاراپىنان ورىن العان بۇنداي قارسىلىقتار سوڭعى ساتتەگى تۇياق سەرپەرگە ۇقساپ باعادى. قازاق ءتىلىن ءوز جەرىندە كيەلى قۇتتى ورنىنا قوندىرۋعا باعىتتالعان تولقىن جاڭا لەپتى، كەڭ تىنىستى بولسىن دەپ تىلەيىك.

ءتىل، ۇلت بوپ ۇيىسقان قالىڭ توپتىڭ قاجەتتىلىگىن اتقارعاندا عانا بار بولادى دەدىك. ۇلت بولىپ قالىپتاسۋ مەن دامۋدىڭ ىشكى تۇيتكىلدەرىنە بۇكىل ۇلت وكىلدەرى تەرەڭ تامىر جىبەرىپ قۇرمەت تۇتۋ كەرەك. ال، بۇل پروتسەسس قازىرگى جاھاندانۋ داۋىرىندە بارىنەن دە قيىن، قيۋى قاشىپ تۇرعان ەڭ ءبىرىنشى ماسەلەگە اينالدى. ال، تاريحتا مۇنداي      اۋمالى-توكپەلى كەزەڭدەردە تۋعان حالقى مەن انا ءتىلىنىڭ اساقاق رۋحىن بويىنا تولىعىمەن دارىتقان تۇلعالار عانا ۇلتىن ساقتاي الدى، ساقتايدى جانە كەلەر ۋاقىتتاردا دا سولاي بولماق...

شىندىعىندا زيالى، ۇلتىن سۇيگەن پاراساتتى جۇرەك يەلەرىنىڭ حالقىن العا سۇيرەگەن جايتتارىن سان-سالالى تاريحتىڭ قاي قويناۋىنان بولسىن كەزدەستىرەمىز. سوندىقتان دا ۇلت زيالىلارى كوش باستاعان جاڭا سەرپىندى بۇل تولقىن كەڭ تىنىستى بولسىن دەلىك!

قازاقستان - جالعىز عانا، ول بولىنبەيدى! قازاقتار بىرگە بولعاندا عانا كۇشكە يە! قازاقتار جۇزگە، رۋعا، دىنگە، جەرگە،  اۋىلدىق، قالالىق، دالالىق، باي، كەدەي دەپ بولىنبەي 16 ملن. عانا ازعانتاي حالىق ەكەنىمىزدى مىقتاپ ەستەن شىعارمايىق. قازاق سەن ەڭ الدىمەن ءوزىڭنىڭ قانداسىڭا كومەكتەس، باۋىرىڭا جاردەم بەر، قارىنداسىڭدى قورعا! ءوز ۇلتىڭنىڭ دوستارىن قادىرلە! سەنىڭ وتانىڭ - قازاقستان! ساعان ودان باسقا وتان جەر بەتى قانشا كەڭ بولسا دا ەش جەردەن تابىلمايدى! ءاربىرىمىز ءوز وتانىمىزدىڭ قورعاۋشىسى، جوقتاۋشىسى، ءۇمىتى، تىرەگى بولا بىلەيىك!

ەڭ الدىمەن، ءوز ءتىلىڭدى قۇرمەتتە! ءوز تىلىڭدە ويلا! ءوز تىلىڭدە سويلە! ءتىل ۇلتتى ۇستاپ تۇرعان ەڭ باستى كۇش. ءوز حالقىڭنىڭ رۋحانياتى مەن ماتەريالدىق بايلىعىن وسى كۇيدە بىزگە جەتكىزگەن حالقىمىزدىڭ قاھارمان ۇل-قىزدارىنىڭ بارلىعىن ەرەكشە قۇرمەت تۇت! سونداي-اق، ءوز وتانىن، ءوز ءتىلىن، ءوز ءدىنىن ساتقانداردىڭ بوتەن جاۋدان دا قاۋىپتى ەكەنىن ەستەن شىعارما! ولاردى جەك كور!

ۇلت - جاندى قۇبىلىس. ونىڭ دەنى ساۋ بولۋى ءۇشىن اركىم وزىنەن باستاسىن! قازاق ۇلتىنىڭ رۋحانياتتارىنا مۇرنىن شۇيىرە قارايتىن، ءتىلىن مەنسىنبەيتىن، ماتەريالدىق بايلىعىن عانا تالان-تاراجعا سالىپ جۇرگەندەردىڭ بارلىعى دا حالىقتىڭ قازىناسىنان بايىعان ۇلكەن ماندەگى ۇرلىقشىلار. ولاردىڭ بارلىعى ءوز ورنىن بىلەتىن ۋاقىت جەتتى!