بۇل جونىندە وزبەكستاننىڭ جوعارعى سوتىنىڭ ءباسپاسوز قىزمەتى حابارلادى.
ۇكىمگە سايكەس، گۇلنارا كاريموۆا بوپسالاۋ، اقشانى جىمقىرۋ، قىلمىسپەن كەلگەن قارجىنى زاڭداستىرۋ باپتارى بويىنشا ايىپتى دەپ تانىلىپ، 13 جىل جانە 4 ايعا سوتتالدى.
"قىلمىستىق كودەكسكە سايكەس، جازاسىن وتەۋ مەرزىمى 2015 جىلدىڭ 21 تامىزىنان ەسەپتەلەدى", - دەلىنگەن حابارلامادا.
سوت سونىمەن بىرگە بۇل ىسكە قاتىسى بار دەپ ن.سادىكوۆانى 20 جىلعا، و.سۆيريدوۆانى 17 جىلعا، ا.ەرگاشەۆانى 18 جىلعا، ش.سابيروۆانى 17 جىلعا، گ.اۆاكياندى 5 جارىم جىلعا باس بوستاندىعىنان ايىردى.
ج. ابدۋراحمانوۆ پەن ب. تەشاباەۆ مەرزىمى ءوتىپ كەتۋىنە بايلانىستى قىلمىستىق جاۋاپكەرشىلىكتەن بوساتىلعان.
Abai.kz
