بەيسەنبى, 28 ناۋرىز 2024
بيلىك 3713 8 پىكىر 23 ناۋرىز, 2020 ساعات 15:37

داعدارىسقا قارسى شارالار ءۇشىن 10 ميلليارد دوللار بولىنەدى

قازاقستاندا داعدارىسقا قارسى شارالار ءۇشىن 10 ميلليارد دوللار بولىنەدى. بۇل تۋرالى پرەزيدەنت توقاەۆ مالىمدەدى.

"جالپى انتي-داعدارىستىق شارالار پاكەتىنىڭ قۇنى - سالىقتىق جەڭىلدىكتەر مەن جەرگىلىكتى قولداۋلاردى ەسەپتەمەگەندە 4,4 تريلليون تەڭگە نەمەسە 10 ميلليارد دوللار", - دەدى مەملەكەت باسشىسى.

بۇگىن پرەزيدەنت قاسىم-جومارت توقاەۆتىڭ جەتەكشىلىك ەتۋىمەن اقوردادا توتەنشە جاعداي جونىندەگى مەملەكەتتىك كوميسسيانىڭ وتىرىسى وتكەن.

پرەزيدەنت بايانداماسى اقوردا سايتىندا جاريالاندى. وندا كارانتينگە جابىلعان الماتىدان جاستاردىڭ ايماقتارعا كەتۋىنە بايلانىستى ولارعا ۋاقىتشا جۇمىس تابۋ ماسەلەسى ايتىلىپتى.

جاستاردى ەگىن ناۋقانىنا جۇمىلدىرۋ 

"الماتىدا كارانتين جاريالانۋى - جاستاردىڭ ايماقتارعا ۇدەرە كوشۋىنە اكەلىپ سوقتىردى. باق-تاعى اقپاراتقا سەنسەك، 19-20 ناۋرىزدا 102 مىڭنان استام ادام، 15 مىڭ اۆتوكولىك قالادان شىققان. ولار ستۋدەنتتەر، بازارلارداعى جۇمىسشىلار، قىزمەت جانە ساۋدا سالاسىنىڭ جۇمىسشىلارى. جۇمىسسىز جاستاردى قازىرگى سۋ تاسقىنىنا قارسى جۇمىستارعا، كوكتەمگى ەگىن جۇمىستارىنا، قۇرىلىس ت.ب. سالالارعا جۇمىلدىرۋ كەرەك", - دەدى پرەزيدەنت.

دارىگەرلەر مەن پوليتسەيلەرگە سىياقى

كۇن دەمەي، ءتۇن دەمەي دەمالىسسىز قىزمەت اتقارىپ جۇرگەن دارىگەر، پوليتسيا جانە باسقا سالانىڭ قىزمەتكەرلەرىنە العىسىن بىلدىرگەن مەملەكەت باسشىسى ولارعا ءبىر ايلىق جالاقى كولەمىندە سىياقى بەرۋگە تاپسىرما جۇكتەپتى.

"سىزدەرگە شىنايى العىسىمدى ايتىمىن. ۇكىمەت پەن اكىمدىكتەرگە قوسىمشا قارجى ءبولىپ، كوروناۆيرۋسپەن كۇرەسكە جۇمىلدىرىلعان دارىگەرلەرگە، پوليتسەيلەر مەن باسقا دا ماماندارعا 1 ايلىق ەڭبەكاقى كولەمىندە سىياقى بەرۋدى تاپسىرامىن", - دەدى پرەزيدەنت.

1,5 ميلليون ادامعا جاردەماقى

سونداي-اق، كورونوۆيرۋسكە قاتىستى توتەنشە جاعداي كەزىندە تابىسىنان ايىرىلعان ازاماتتارعا 1 اەك كولەمىندە جاردەماقى تولەنەتىنىن ايتتى.

"كارانتينگە قاتىستى ءبىر عانا الماتىدا 266 مىڭ ادام جۇمىسسىز قالىپ وتىر. جەكە كاسىپكەرلەردىڭ دە جاعدايى وسىنداي. الدىن الا ەسەپتەۋلەر بويىنشا، قازىرگى جاعداي 500 مىڭعا جۋىق ازاماتتىڭ قارجىلىق جاعدايىن قيىنداتادى.

سوندىقتان، توتەنشە جاعداي كەزىندە ايلىق تابىسىنان ايىرىلعان ازاماتتارعا 1 اەك كولەمىندە (42 500 تەڭگە) جاردەماقى تاعايىنداۋدى تاپسىرامىن.

مۇنداي كومەكتى شامامەن 1,5 ميلليونداي ازامات الا الادى", - دەدى مەملەكەت باسشىسى.

پرەزيدەنت توقاەۆ اتىلعان قارجىنى دۇرىس ءارى ۇنەمدى جۇمسايتىن بولساق، بۇل داعدارىستان شىعۋعا بولاتىنىن ايتتى.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3520