نۇر-سۇلتانداعى قاۋىپتى ۆيرۋستان قايتىس بولعان ايەلمەن جاقىن قاتىناستا بولعان تاعى 7 ادام الماتى وبلىسىندا انىقتالعان.

الماتى وبلىسى اكىمدىگىنىڭ ءباسپاسوزىنىڭ حابارلاۋىنشا، مارقۇممەن بايلانىستا بولعان الماتى وبلىسىنىڭ تۇرعىندارى قازىر كارانتينگە جاتقىزىلعان.

"مارقۇممەن تىكەلەي بايلانىستا بولعان 7 ادامدى انىقتادىق. ولاردىڭ بارلىعى وقشاۋلاندىرىلىپ، ارنايى ساراپتامالار جاسالدى. 27 ناۋرىزدا 4 ساراپتامانىڭ قورىتىندىسى شىقتى. تەكسەرۋ ناتيجەسىندە ۆيرۋس بەلگىلەرى انىقتالعان جوق. دەگەنمەن، ولار ءالى باقىلاۋدا (كارانتيندە) بولادى. قالعان 5 ادامنىڭ ساراپتامالارى تەكسەرىلۋدە. ناتيجەسىن قوسىمشا حابارلايمىز", - دەلىنگەن ساراپتاما قورىتىندىسىندا.

ەستەرىڭىزگە سالا كەتەيىك، 26 ناۋرىز كۇنى نۇر-سۇلتان قالاسىندا 64 جاستاعى ايەل كوروناۆيرۋستەن قايتىس بولعانى حابارلانعان. كەيىن انىقتالعانداي، مارقۇم الماتىعا قۇدالىققا كەلىپ-كەتكەن ەكەن. ال ول قۇدىلاقتا الماتى وبلىسىنىڭ دا ازاماتتارى بولعان.

الماتى وبلىسى ازاماتتارىنىڭ اراسىندا مارقۇممەن تىكەلەي بايلانىستا بولعان جالپى 9 ادام انىقتالدى. بۇل 9 اداممەن بايلانىستا بولعاندار دا تۇگەل انىقتالعان. ولار قازىر كارانتيندە.

Abai.kz