سارسەنبى, 27 مامىر 2020
COVID-19 قازاقستاندا. جۇقتىرعاندار — 9304. جازىلعاندار — 4613. قايتىس بولعاندار — 37
ويدان-قىردان 1449 4 پىكىر 4 ءساۋىر, 2020 ساعات 14:05

COVID-19. كورشىلەر قالاي كۇرەسىپ جاتىر؟

Worldometers.info سايتىنىڭ مالىمەتىنشە، بۇگىندە COVID-19 پاندەمياسى الەم بويىنشا 1 ميلليون 1 ءجۇز مىڭنان اسا ادامنان انىقتالعان. سالدارىنان 60 مىڭعا جۋىق ادام قايتىس بولىپ، 229,157 ادام جازىلىپ شىققان. /سوڭعى مالىمەت/

قازاقستان

ال، قازاقستاندا سوڭعى مالىمەت بويىنشا، 500 ادامنىڭ ىندەت جۇقتىرعانى انىقتالدى. 29 ادام جازىلىپ شىعىپ، 4 ادام قايتىس بولدى.

كۇن سايىن ۇدەپ بارا جاتقان قاۋىپتى ىندەتپەن كۇرەسۋ ءۇشىن پرەزيدەنت قاسىم-جومارت توقاەۆ قازاقستان دا توتەنشە جاعداي جاريالاپ، تج كەزىندەگى قابىلدانعان شارالار تۋرالى مالىمدەمە جاسادى.

تج كەزىندە پرەزيدەنت قانداي شارالار قابىلدادى؟

- پاندەميامەن كۇرەستە الدىڭعى شەپتە جۇرگەن دارىگەرلەر مەن مەديتسينا قىزمەتكەرلەرىنە 3 اي بويى قوسىمشا ۇستەماقى تولەنەدى. سونىمەن قاتار، ولاردىڭ ءومىرىن ساقتاندىرۋ ماسەلەسى دە ءوز شەشىمىن تاپپاق.

- زەينەتاقى، مەملەكەتتىك جاردەماقى مەن اتاۋلى الەۋمەتتىك كومەك الاتىن ازاماتتاردىڭ تابىسىن ارتتىرۋ ءۇشىن مەملەكەت تاراپىنان 200 ملرد. تەڭگەدەن استام قاراجات بولىنەدى.

- تابىسىنان ايىرىلعان ازاماتتارعا ەلدەگى ەڭ تومەنگى جالاقى 42 500 تەڭگە مولشەرىندە كومەك كورسەتىلەدى. جانە ونى ءوزىن-ءوزى جۇمىسپەن قامتىعاندار مەن رەسمي تىركەلمەي جۇمىس ىستەپ جۇرگەن ازاماتتار دا الادى. توقاەۆتىڭ ايتۋىنشا، اتالعان قاراجات ەلىمىز بويىنشا 3 ميلليون ادامعا بەرىلمەك.

- مۇگەدەك جانە جۇمىسسىز رەتىندە تىركەلگەن 800 مىڭنان استام ادامعا تۇرمىسقا قاجەتتى زاتتار مەن ازىق-تۇلىك تەگىن تاراتىلادى.

- ءمامس بويىنشا، ساقتاندىرىلماعان ازاماتتاردىڭ مەديتسينالىق كومەك الۋ ۋاقىتى 1 ساۋىردەن 1 شىلدەگە دەيىن ۇزارادى.

- شاعىن جانە ورتا بيزنەس وكىلدەرى 1-قازانعا دەيىن ەڭبەكاقى تولەۋ قورىنان ۇستالاتىن سالىقتان بوساتىلادى. ال، اۋىلشارۋاشىلىعىمەن اينالىساتىن كاسىپكەرلەرگە بيۋدجەتتەن 70 ملرد.تەڭگە بولىنەدى.

ودان بولەك، قر ۇكىمەتىنە جانارمايدىڭ باعاسىن 15%-عا ارزانداتىپ، 165 تەڭگەگە دەيىن تومەندەتۋ مىندەتى جۇكتەلدى.

ال، اتالعان ىندەتپەن كۇرەس كورشى ەلدەردە قالاي ءجۇرىپ جاتىر؟

پۋتين پودپيسال ۋكاز و نەرابوچەي نەدەلە يز-زا كوروناۆيرۋسا - ريا ...

رەسەي

بۇگىندە رف-دا كوروناۆيرۋس جۇقتىرعاندار سانى 4,149 ادام بولعان. سالدارىنان 34 ادام قايتىس بولىپ، 281 ادام جازىلىپ شىقتى.

ال، ىندەتتىڭ الدىن الۋ ءۇشىن رەسەي قاڭتار ايىنان باستاپ قىتايمەن جانە موڭعوليامەن شەكارالارىن جاۋىپ، اۋە قاتىناسىن شەكتەدى، ۆيزا بەرۋدى توقتاتتى. 20 اقپاننان باستاپ قىتاي ازاماتتارىنا رەسەي تەرريتورياسىنا كىرۋگە تولىعىمەن تىيىم سالدى. ۆيرۋس انىقتالعان ەلدەردەن كەلگەن ازاماتتار ءۇشىن كارانتيندىك ايماقتار قۇرىلدى.

سونداي-اق، ەلدە كوروناۆيرۋستىڭ الدىن الۋ بويىنشا جەدەل شتاب قۇرىلدى. ونى ۆيتسە-پرەمەر تاتيانا گوليكوۆا باسقاردى. 30 قاڭتاردان - 2 اقپانعا دەيىن قىتاي مەن رەسەي اراسىنداعى اۆتوموبيلدەر مەن جاياۋ جۇرگىنشىلەر جولى جابىلدى. ال، اقپان ايىندا ونىڭ مەرزىمى 1 ساۋىرگە دەيىن ۇزارتىلاتىنى ايتىلدى. سونداي-اق، 31 قاڭتاردان باستاپ ماسكەۋ-پەكين پويىزىن قوسپاعاندا، قىتايمەن تەمىرجول قاتىناسى دا توقتاتىلدى.

ال، تارالعان ىندەتكە بايلانىستى 2 ءساۋىر كۇنى رف پرەزيدەنتى ۆلاديمير پۋتين حالىققا ۇندەۋ جولدادى.

چيسلو زابولەۆشيح كوروناۆيرۋسوم ۆ روسسي موجەت بىت ۆىشە ...

وندا رەسەيدەگى كارانتين ۋاقىتى 30 شى ساۋىرگە دەيىن ۇزارتىلاتىنىن مالىمدەدى. الايدا، ازاماتتاردىڭ جالاقىسى ساقتالادى دەدى.

سونىمەن قاتار، ءپۋتيننىڭ جارلىعىمەن فەدەراتسيا سۋبەكتىلەرى مەن قۇرىلتايشىلارىنىڭ باسشىلارىنا قوسىمشا وكىلەتتىكتەر بەرىلەدى. ولار ەلدەگى دەنساۋلىق، ادام قاۋىپسىزدىگى، ەكونوميكا جانە نەگىزگى ينفراقۇرىلىمنىڭ تۇراقتىلىعىن قامتاماسىز ەتۋ شارالارىن قولعا الماق.

ال، ەلدە ۇزدىكسىز ءوندىرىسى بار كاسىپورىندار، مەديتسينالىق مەكەمەلەر مەن ءدارىحانالار، دۇكەندەر جۇمىس ىستەي بەرەدى.

مەكتەپتەر قاشىقتان وقىتۋ فورماتىنا اۋىسقان. ۇستازدار مەن وقۋشىلار iSpring Suite ديزاينەرىنە تەگىن كىرۋ ارقىلى ەلەكتروندى وقۋ ادىسىنە كوشكەن. بۇل 2020 جىلدىڭ 30 ساۋىرگە دەيىن جالعاسپاق.

قىتاي

سي تسزينپين زاياۆيل و جەلاني يزبەجات تورگوۆوي ۆوينى س سشا ...

كوروناۆيرۋستىڭ وشاعى بولعان قىتايدا بۇگىنگى كۇنى جاعداي ءبىراز تۇراقتالعان. ەلدە ۆيرۋس جۇقتىرعاندار سانى 81 639. ولاردىڭ 3,326 ادام قايتىس بولسا، 76,755 ادام جازىلىپ شىققان.

2020 جىلدىڭ ءبىرىنشى توقسانىندا COVID-19 ەپيدەمياسىنىڭ سالدارىنان قىتاي ەكونوميكاسىنا شامامەن 143 ميلليارد دوللار شىعىن كەلۋى مۇمكىن ەكەنى ايتىلدى.

Ukranews.com سايتىنىڭ مالىمەتىنشە، قىتايدا كوروناۆيرۋسپەن كۇرەسۋ ءۇشىن بىرقاتار شارالار قابىلدانعان.

كيتاي ۆۆەل وبششەناتسيونالنىە مەرى بوربى پروتيۆ كوروناۆيرۋسا ...

اتاپ ايتقاندا، ولار ىندەتتىڭ ءارى قاراي تارالماۋى ءۇشىن كەدەن بەكەتتەرىندەگى كارانتيندىك باقىلاۋدى كۇشەيتكەن. ياعني، كەدەن ورگاندارى ەلدىڭ بارلىق شەكارالارىندا مەديتسينالىق كومەك كورسەتۋ بويىنشا جەدەل جوسپاردى جۇزەگە اسىرۋدى باستاعان. قالالارعا كىرۋ جانە شىعۋ، سونداي-اق جولاۋشىلار تەمپەراتۋراسىن قاتاڭ باقىلاۋ ءۇشىن مەديتسينالىق دەكلاراتسيالاۋ جۇيەسىن قايتا ىسكە قوستى.

اۋىر نەمەسە ورتاشا جاعدايداعى ناۋقاستار ءۇشىن ء“تورت كونتسەنتراتسيا” قاعيداسى ىسكە قوسىلعان. وعان: پاتسيەنتتەردىڭ شوعىرلانۋى، مەديتسينالىق ساراپشىلار، قاجەتتى رەسۋرستار جانە ارنايى ورتالىقتارداعى ەمدەۋ جۇمىستارى جاتادى.

سونداي-اق، كوروناۆيرۋس العاش تىركەلگەن ۋحانداعى ناۋقاستاردى ەمدەۋگە قولداۋ كورسەتۋ ءۇشىن بۇكىل قىتايدىڭ مەديتسينالىق رەسۋرستارى جۇمىلدىرىلعان.

ال، Chinadaily.com سايتىنىڭ مالىمەتىنشە، ەلدە كوروناۆيرۋس جۇقتىرعان ناۋقاستار ءۇشىن مەديتسينالىق ساقتاندىرۋ تولەمى مەملەكەتكە جۇكتەلەدى.  سونىمەن قاتار، مەديتسينالىق ماتەريالداردىڭ قول جەتىمدىلىگىن جاقسارتۋ، جەكە قورعانىس قۇرالدارىمەن، زارداپ شەككەن ادامدار ءۇشىن نەگىزگى قاجەتتىلىكتەرمەن قامتاماسىز ەتۋ جۇمىستارى جۇرگىزىلگەن.

ودان بولەك، ەل ۇكىمەتى وندىرىستەردى قالپىنا كەلتىرىپ، قازىرگى قولدانىستاعى وندىرىستەردەن بىرنەشە ەسە قۋاتتى كاسىپورىنداردى ۇيىمداستىردى. يمپورت كولەمىن كەڭەيتۋ ءۇشىن جەرگىلىكتى كاسىپورىندارعا قولداۋ كورسەتتى. مەديتسينالىق زاتتاردى يمپورتتاۋعا كومەكتەسۋ جانە ولاردىڭ تاسىمالدانۋىنا جاعداي جاساۋ ءۇشىن ترانسشەكارالىق ەلەكتروندى ساۋدا پلاتفورمالارى مەن كاسىپورىندارىن ىسكە قوستى.

سونداي-اق، قىتايدىڭ دەنساۋلىق ساقتاۋ كوميسسياسى كۇن سايىن ىندەت تۋرالى حابارلاپ، تۋىنداعان ماسەلەلەرگە جاۋاپ بەرۋ ءۇشىن ءار كۇنى ءباسپاسوز كونفەرەنتسيالارىن وتكىزەدى.

ۇكىمەت سونىمەن قاتار ارنايى مامانداردى COVID-19 تۋرالى عىلىمي زەرتتەۋلەرىمەن بولىسۋگە جانە قوعامدىق ماسەلەلەردى شەشۋگە جۇمىلدىرادى.

ال، ەرىكتىلەر وقشاۋلانعان تۇرعىنداردى كۇندەلىكتى قاجەتتىلىكتەرىمەن قامتاماسىز ەتۋگە كومەكتەسەدى.

وزبەكستان

شاۆكات ميرزيوەۆ دال پونيات، چتو ۋزبەكيستان ۆستۋپيت ۆ ەاەس كاك ...

وزبەكستاندا كوروناۆيرۋس جۇقتىرعانداردىڭ سانى 227-گە جەتكەن. 2 ادام ءولىمى تىركەلىپ، جۇقتىرعان ناۋقاستاردىڭ 25-ءى جازىلىپ شىققان.

16 ناۋرىزدان باستاپ وزبەكستان باسقا ەلدەرمەن اۋە جانە اۆتوموبيل قاتىناسىن جاۋىپ، ناۋرىز مەرەكەسىندەگى ءىس-شارالاردى توقتاتتى.

ال، 3 ءساۋىر كۇنى وزبەكستان پرەزيدەنتى شاۆحات ميرزيوەۆ كارانتين كەزىندە كاسىپكەرلەر مەن حالىققا قوسىمشا قولداۋ كورسەتىلەتىنىن مالىمدەدى.

سونىمەن، ميرزيوەۆ قول قويعان جارلىققا سايكەس:

بىرىنشىدەن، تۋريزم جانە قوناق ءۇي قىزمەتىمەن اينالىساتىن كاسىپكەرلەر وسى جىلدىڭ سوڭىنا دەيىن جەر سالىعى مەن مۇلىك سالىعىن تولەۋدەن بوساتىلادى. ولار ءۇشىن الەۋمەتتىك سالىق ستاۆكاسى قازىرگى 12 پايىزدان 1 پايىزعا دەيىن تومەندەتىلدى. بۇل ارقىلى تۋريستىك قىزمەت كورسەتەتىن كومپانيالار 1 مىڭنان استام سۋبەكتىنى پايدالانا الادى.

ەكىنشىدەن، كارانتين كەزىندە قىزمەتىن توقتاتا تۇرۋعا ءماجبۇر بولعان جەكە كاسىپكەرلەر ءۇشىن جەكە تابىس سالىعى مەن الەۋمەتتىك سالىقتىڭ بەلگىلەنگەن مولشەرىن ەسەپتەۋ توقتاتىلادى. بۇل شامامەن 150 مىڭ جەكە كاسىپكەرگە كومەكتەسەدى.

ۇشىنشىدەن، كىرىسى الدىڭعى ايمەن سالىستىرعاندا 50 پايىزعا تومەندەگەن شاعىن بيزنەس سۋبەكتىلەرىنە سالىق، جەر سالىعى، مۇلىك سالىعى، الەۋمەتتىك جانە سۋ سالىعى بويىنشا سالىق تولەۋدى وسى جىلدىڭ 1 قازانىنا دەيىن كەيىنگە قالدىرۋ قۇقىعى بەرىلدى. كاسىپكەرلەر بۇل تۋرالى ۇيدەن شىقپاي-اق سالىق ورگانىنا حابارلاي الادى.

تورتىنشىدەن، 2020 جىلدىڭ 1 ساۋىرىنەن باستاپ زاڭدى تۇلعالارعا گاز بەن ەلەكتر قۋاتى ءۇشىن الدىن-الا تولەم جاساۋ بويىنشا مىندەتتى تالاپ قازىرگى 100 پايىزدان 30 پايىزعا دەيىن تومەندەتىلدى.

بەسىنشىدەن، كاسىپكەرلىكتى دامىتۋ قورىنان كاسىپكەرلەرگە كورسەتىلەتىن كومەك اۋقىمى كەڭەيەدى. قازىرگى ۋاقىتتا اتالعان قور كاسىپكەرلەرگە بەرىلگەن نەسيەلەر بويىنشا شىعىنداردىڭ 8 پايىزىن وتەيدى، ولاردىڭ پايىزدىق مولشەرلەمەسى 24 پايىزدان اسپايدى.

التىنشىدان، قيىن جاعدايعا تاپ بولعان حالىقتىڭ، جەكە كاسىپكەرلەردىڭ جانە كاسىپورىنداردىڭ 12 تريلليون سۋم نەسيەلەرىن تولەۋ مەرزىمى ۇزارتىلادى.

جەتىنشىدەن، حالىقتى، اسىرەسە الەۋمەتتىك از قامتىلعانداردى قولداۋ بويىنشا بىرقاتار شارالار قابىلدانعان.

اتاپ ايتقاندا، وسى جىلدىڭ سوڭىنا دەيىن ۇن، وسىمدىك مايى، ەت جانە ءسۇت ونىمدەرى، قانت، گيگيەنا ونىمدەرى سياقتى نەگىزگى تۇتىنۋشىلىق تاۋارلاردىڭ يمپورتىنان كەدەندىك باج سالىعى مەن اكتسيز سالىعى الىنبايدى.

سونىمەن بىرگە، بالالى وتباسىلارعا جاردەماقى تولەۋ، بالا كۇتىمى جانە ماتەريالدىق كومەك اعىمداعى جىلدىڭ ناۋرىز-ماۋسىم ايلارىندا اياقتالادى. ودان ءارى،جارجەماقى تولەۋ قۇجاتتاردى تاپسىرۋ قاجەتتىلىگىنسىز اۆتوماتتى تۇردە 6 ايدان 1 جىلعا دەيىن ۇزارتىلادى. بۇل جاردەماقى باسقا مۇقتاج وتباسىلارعا دا تولەنبەك.

كارانتين كەزەڭىندە جالعىز باستى قارت ادامدار مەن مۇگەدەكتەرگە 18 ءتۇرلى نەگىزگى تاماق ونىمدەرى مەن گيگيەنا قۇرالدارى تەگىن بەرىلەدى.

سەگىزىنشىدەن، ۇيدە وتكىزىلەتىن ءىس-شارالاردى قولداۋ كەڭەيتىلەدى.

ميريزيوەۆ وزبەكستانداعى ءوندىرىس كولەمى مەن جۇمىس ورىندارىن ساقتاۋ، كاسىپورىنداردىڭ جۇمىسىن جالعاستىرۋ اسا قاجەت ەكەنىن باسا ايتتى.

سونداي-اق، وزبەكستان مينيسترلەر كابينەتىنىڭ ءباسپاسوز قىزمەتى اقشاسى تولەنبەگەن جاعدايدا دا ەكى اي ينتەرنەت پەن ءموبيلدى بايلانىس وشىرىلمەيتىنىن ايتتى.

قىرعىزستان

جەەنبەكوۆ سدەلال وبراششەنيە ك كىرگىزستانتسام ۆ سۆيازي س ...

سوڭعى مالىمەت بويىنشا ەلدە ۆيرۋس جۇقتىرعاندار سانى 144-كە جەتتى. 6 ادام جازىلىپ، 1 ادام قايتىس بولعان.

قىرعىزستاندا كوروناۆيرۋسپەن كۇرەس دارىگەرلەر مەن ءدارىحانالاردى مەديتسينالىق ماسكا، قولعاپتارمەن قامتاماسىز ەتۋدەن باستالدى. ءارى قاراي بۇل ارەكەت قورعانىس كوستيۋمدەرى، مەحانيكالىق ۆەنتيلياتورلار، سىناق جۇيەلەرىمەن تولىقتىرىلدى.

بۇگىندە قىرعىزستانعا ونعا جۋىق مەملەكەتتەن كومەك كورسەتىلگەن. ولار: شۆەيتساريا، ءباا، گەرمانيا، قىتاي، رەسەي، اقش، جاپونيا، كۋۆەيت، وزبەكستان، تۇركيا. سونىمەن قاتار، مەملەكەتكە حالىقارالىق ۇيىمدار قولداۋ كورسەتۋدە.

24KG سايتىنىڭ مالىمەتىنشە، USAID (اقش-تىڭ حالىقارالىق دامۋ اگەنتتىگى) قىرعىزستانداعى كوروناۆيرۋسپەن كۇرەسۋ ءۇشىن 66 ميلليون سوم ءبولدى. كۋۆەيتتىڭ «اس سافا» قايىرىمدىلىق قورى 200 مىڭ دوللار جۇمسادى، ونىڭ 2 ميلليون سومى قىرعىز رەسپۋبليكاسى قارجى مينيسترلىگىنىڭ ارنايى شوتىنا اۋدارىلدى. گەرمانيا ۇكىمەتى كوروناۆيرۋسپەن كۇرەسكە 500 مىڭ ەۆرو ءبولدى. “سوروس قىرعىزستان” 100 مىڭ دوللارلىق قور قۇردى.

سونىمەن قاتار، Alibaba كومپانياسىنىڭ نەگىزىن قالاۋشى ميللياردەر دجەك ما قاراجاتى كوروناۆيرۋستىق پاندەميامەن كۇرەستە جەتى ەلگە كومەك بەرەدى. بۇل تىزىمگە وزبەكستان، بۋتان، ءۇندىستان، قازاقستان، قىرعىزستان، ءازىربايجان جانە ۆەتنام كىرەدى.

بۇگىندە قىرعىزستاندا اتالعان ىندەتتىڭ سالدارىنان تۋىنداعان ماسەلە وتە وتكىر. ەل بيلىگى بيۋدجەت تاپشىلىعىن جابۋ ءۇشىن بار مۇمكىندىكتى قاراستىرۋدا. ولاردىڭ ايتۋىنشا، ەل قازىناسى 27-28 ملرد. شىعىنعا باتۋى مۇمكىن.

سوندىقتان قىرعىز بيلىگى بۇل تىعىرىقتان شىعۋدىڭ جالعىز جولى – قارجىلىق ۇيىمداردىڭ “دونورلىعىنا” جۇگىنۋ دەپ بىلەدى.

ازىرگە قىرعىزستانعا حالىقارالىق ۆاليۋتا قورى 120,9 ميلليون دوللار نەسيە ءبولدى.

سونداي-اق، قىرعىز بيلىگى كوروناۆيرۋسپەن كۇرەسۋگە ارنايى شوت اشقان. وعان ساياساتكەرلەر، ءىرى بيزنەس وكىلدەرى، شەنەۋنىكتەر، مەملەكەتتىك كومپانيالار، جەكە تۇلعالار مۇمكىندىگىنشە اقشا اۋدارادى. ۇكىمەت بۇل قورداعى اقشانىڭ قالاي جۇمسالاتىنى تۋرالى مالىمەتتەر اشىق بولاتىنىن ايتقان. بۇگىندە شوتقا 50 ميلليون 969 مىڭ سوم اقشا اۋدارىلدى. بىراق وسى ۋاقىتقا دەيىن ەسەپشوتتان ءبىر تيىن جۇمسالماعان ەكەن.

ال، قاراپايىم قىرعىز ازاماتتارىنا مەملەكەت ەمەس، جەكەلەگەن تۇلعالار مەن ءىرى كومپانيالاردىڭ قايىرىمدىلىق قورلارى كومەكتەسۋدە. جانە دارىگەرلەر مەن پوليتسيا وكىلدەرىنە، ازىق-تۇلىك اسا قاجەت بولعان ادامدارعا دا سولار كومەكتەسەدى. ال، مەملەكەت ازىرگە تەك وسال توپتارعا كومەكتەسۋگە ۋادە بەرىپ، 10 مىڭ توننا ۇن بولگەن.

تۇركىمەنستان

كوروناۆيرۋس زاستاۆيل پرەزيدەنتا تۋركمەني ۆسپومنيت پرو ونلاين-سمي

دۇنيەجۇزىلىك دەنساۋلىق ساقتاۋ ۇيىمىنىڭ وكىلى گالينا پەرفيلەۆا تۇرىكمەنستاندا ەشقانداي كوروناۆيرۋس جوق ەكەنىن ايتتى.

ال، تۇركىمەنستان بيلىگى ەلدە “كوروناۆيرۋس” ءسوزىن ايتۋعا تىيىم سالدى. ەلدەگى ەشبىر تەلەارنا، باسىلىمدار بۇل ءسوزدى قولدانبايدى. مەكتەپ پەن ەمحانالاردا تاراتىلىپ جاتقان بروشيۋرالاردا دا كوروناۆيرۋس دەگەن ءسوز مۇلدە جوق.

الايدا، ازاتتىقتىڭ تۇركىمەن قىزمەتىنىڭ دەرەككوزدەرى ەلدە كوروناۆيرۋس جۇقتىرعاندار سانى كۇننەن كۇنگە ارتىپ بارا جاتقانىن، الايدا، بيلىك جاسىرىپ وتىرعانىن جازعان.

بۇگىندە بۇل ەلدە 1 ساۋىردەن باستاپ قىزمەت كورسەتۋ ورتالىقتارى مەن ساۋدا ورىندارى، ناۋبايحانالار جابىلعان.

يران

ۆ يرانە پرودليلي وگرانيچەنيا يز-زا كوروناۆيرۋسا

سوڭعى مالىمەت بويىنشا، يراندا كوروناۆيرۋس جۇقتىرعاندار سانى 53,183-كە جەتتى. 3 300-گە جۋىق ادام قايتىس بولىپ، 17,900-دەن استام ادام جازىلىپ شىققان.

يران بيلىگى بۇعان دەيىن حالىقارالىق قاۋىمداستىقتى تەگەراننىڭ سانكتسيالارىن توقتاتا تۇرۋ ءۇشىن اقش-قا ىقپال ەتۋگە شاقىردى دەپ جازادى eadaily.com سايتى. سونداي-اق ولار حالىقارالىق ۆاليۋتا قورىنان 5 ميلليارد دوللار قارىز الۋعا شەشىم قاىلداعان.

سايت مالىمەتىنشە، مۇناي باعاسىنىڭ كۇرت تومەندەۋى - تاياۋ شىعىستا كوروناۆيرۋستىڭ تارالۋ وشاعى بولعان يران ەكونوميكاسىنا ۇلكەن سوققى بولدى. ال، وعان دەيىن يران ۇكىمەتى مەملەكەتتىك قازىنانى تولتىرۋدا ۇلكەن قيىندىقتارعا تاپ بولعان.

كوروناۆيرۋس ۆ يرانە ناپۋگال ۆەس مير: «نيكاكوي زاششيتى» - مك

28 ناۋرىزدا ەل پرەزيدەنتى حاسان رۋحاني ەلدىڭ جىلدىق بيۋدجەتىنىڭ 20% -ى كوروناۆيرۋسپەن كۇرەسكە بولىنگەنىن ايتىپ، يراننىڭ دەنساۋلىق ساقتاۋ جۇيەسى "شەتەلدىك سانكتسيالارعا قاراماستان مىقتى جانە جاقسى جابدىقتالعان" دەدى.

ال، 29 ناۋرىز، جەكسەنبى كۇنى ول يسلام رەسپۋبليكاسىنىڭ قازىرگى ۇكىمەتىن كوروناۆيرۋستىڭ جاڭا ءتۇرىنىڭ تارالۋىنا قارسى قاجەتتى شارالاردى كەشىكتىردى دەپ ايىپتاپ، ءوزىنىڭ ساياسي قارسىلاستارىن سىنعا الدى.

ازىرلەگەن نۇربيكە بەكسۇلتانقىزى

Abai.kz

4 پىكىر