ايەلدەردىڭ قۇقىعىن قورعاۋدى كۇشەيتۋ كەرەك!
ءبىز قاي عاسىردا ءومىر ءسۇرىپ جاتىرمىز؟ ايەلىن ەكى قىزىمەن تىرىدەي ورتەپ جىبەرۋ، بۇل نە دەگەن قاراڭعىلىق؟ نازىك جاندىلاردىڭ قۇقىعى قاشان قورعالادى؟
وتباسى شايقالسا، ايەل كىنالى، كۇيەۋى ءىشىپ كەتسە ايەل كىنالى، قىز تۋسا ايەل كىنالى، زورلانسا دا ايەل كىنالى ەتەگىن جيناپ جۇرمەيدى مە دەيدى!
سوندا ءبىزدىڭ قازاقتىڭ ەر ازاماتتارى سۇتتەن اق، سۋدان تازا ما؟
ورالدا ورىن العان وقيعا، ءىشىپ كەلىپ ۇرىپ سوققان، كولىگىنىڭ الدىنا سالىپ قۋعان، تەپكىلەگەن قورلاعان. ءبىر قىزىعى ءبارىن كورشىلەرى ، پوليتسيا قىزمەتكەرلەرى، تۋىسقاندىرى بىلگەن، بىراق ەشقانداي شارا كورمەگەن!
ايەلى كىنالى، اناۋ ەكى پەرىشتە نەگە كىنالى بولدى ەكەن؟
قۇداي بىلەدى "وتباسىڭدى ساقتاپ قال، قايتىپ كەلسەڭ ۇيات بولادى"- دەگەن سوزگە بولا ۇندەمەي جۇرگەن شىعار!
قازاق قىزدارىن "ەركەكتەن ءبىر ساتى تومەن بول"- دەپ تاربيەلەيدى بارلىق ۇيدە! ءبىر ساتى تومەن بولۋ دەگەن قۇل بولۋ ەمەس شىعار، ونىڭ ۇرعان سوققان قورلىعىن كوتەرەتىن!
قازاق قىزدارىنىڭ قۇقىعى قاشان زاڭدى جانە رۋحاني تۇرعىدا قورعالادى؟
ءبىزدىڭ ەر ازاماتتار شىنىندا ءالسىز بولىپ كەتكەن بە؟ الدە كەيبىر مۇسىلمان ەلدەرىندەگىدەي ايەلدەر ءبىلىم الماي ۇيدە وتىرىپ قۇل بولعانى كەرەك پە؟ كەرەك ەمەس كەزدە ولتىرە سالاسىڭ نەمەسە ورتەي سالاسىڭ!
ارينە بارلىعى دەمەيمىن، بىراق قازاق ايەلدەرىنىڭ جالعىز بالا باعىپ جۇرگەندەرى، تاياق جەپ قورلانىپ جۇرگەندەرى كوبەيىپ كەتتى!
ايەلدەردىڭ قۇقىعىن قورعاۋدى كۇشەيتۋ كەرەك!
ايگۇل ورىنبەكتىڭ الەۋمەتتىك جەلىدەگى جازباسى
Abai.kz
