نە ىستەۋ كەرەك؟

1) حالىقتىڭ ساتىپ الۋ قابىلەتىن ۇستاپ تۇرىپ، كوتەرۋ كەرەك. بۇگىندە، مەملەكەتتىڭ حالىققا ادرەستى كومەگىن جان- جاقتى جاساۋى كەرەك. قوعامدىق جۇمىستاردى كوبەيتىپ، (مىسالى، جەڭىل ونەركاسىپ ونىمدەرىن ءوندىرۋ), مەملەكەت ءار- ءتۇرلى قىزمەت تۇرلەرىن قازىردەن ويلاستىرعانى ءجون.

2) ءىرى قۇرىلىس وبەكتىلەرىن (جالپى حالىقتىق قۇرىلىس) سالۋعا حالىقتىڭ ءار-ءتۇرلى ساناتتارىن ادرەستى تۇردە تارتۋدى ۇيىمداستىرۋ.

3) "تسيفرلى قازاقستان" باعدارلاماسىن جانداندىرۋ ءۇشىن ەلدىڭ تۇكپىر- تۇكپىرىنە كابەل تارتۋ كەرەك. نەگە وسىنداي جۇمىستارعا جەرگىلىكتى حالىقتى تارتپاسقا.

4) ەلىمىزدى گازداندىرۋ وتە وزەكتى ماسەلە. وسىنداي داعدارىس كەزىندە ءىرى ينفراقۇرىلىمدىلىق جوبالار ازاماتتاردىڭ ءۇن-جۇرقاسىن كوتەرىپ، ازاماتتاردىڭ قالتاسىن تولتىرۋعا قابىلەتتى. ەلدى كەشەندى گازداندىرۋدىڭ حالىقتىق باعدارلاماسىن جاساۋ وزەكتى.

5) ميكرو، جانۇيالىق بيزنەستى دامىتۋعا ارزانداتىلعان كرەديتتەر ۇيىمداستىرۋ وتە ماڭىزدى.

6) ەلىمىزگە پايداسى از، بيۋدجەتتەن قىرۋار قارجى جۇمسالاتىن قۇرىلىمداردى جويۋ كەرەك. مىسالى، ءدال قازىر "استانا" قارجى ورتالىعى "بەش تيىنعا" قاجەتى جوق.

7) سامرۇق-قازىنانى دا ترانسفورماتسيالايتىن كەز كەلدى. بۇل كومپانيانى باسەكە ورتاسىنا تەزدەتىپ جىبەرۋ كەرەك. بيۋدجەتتىڭ ماسىلدارى. كۇندەرى ءبىزدىڭ كوپ بالالى انالاردان دا تومەن.

8) مينيسترلىكتەر مەن ۆەدومستۆولاردىڭ تەرريتوريالىق قۇرىلىمدارىن قىسقارتۋ وزەكتى. بيۋدجەتتىڭ قىرۋار بولىگى سولارعا كەتەتىنى بەلگىلى.

ەلىمىزدەگى مەنشىك ماسەلەسىن قايتا قاراۋ كەرەك. بىزدە حالىقتىڭ 95-% مەنشىكتەن جۇرداي، ولاردى ەلىمىزدىڭ قوعامدىق يگىلىگىنىڭ ءبىر "پۇشپاعىنا" يە بولۋعا جاعداي جاساۋ كەرەك. كىشى، ۇساق مەنشىك يەلەرىن قۇراستىرىپ، تاربيەلەۋ وتە ماڭىزدى ونسىز، ەلىمىزدە الەۋمەتتىك تىنىشتىق، تۇراقتىلىق بولمايدى.
بۇل ءىس-شارالار باستاپقى اسپەكت.

ۆيرۋستان كەيىنگى الەۋمەتتىك لاندشافتى وزگەرتۋ وتە تەرەڭ جانە جان- جاقتى وزگەرىستەردى تالاپ ەتەدى.

ەرلان سايروۆتىڭ الەۋمەتتىك جەلىدەگى جازباسى

Abai.kz