مىنە بۇگىن ءيسى يسلام جاماعاتى قادىرلەيتىن رامازان ايى باستالدى. بيىلعى ورازا الەمدى شارپىعىن كوروناۆيۋرس پاندەمياسىنا بايلانىستى قابىلدانعان تيىم – كارانتين جاعادايىندا وتەتىن ءتۇرى بار.

قازاق – تاڭىردەن جاقسى تىلەك تىلەپ، جاقسىلىققا قول جايىپ جۇرەتىن ەل. ءوز باسىنا، وشاعىنا عانا ەمەس، جالپى ەلگە تىنىشتىق، اماندىق تىلەيدى. سول يماني تىلەگىن بۇگىنگى قازاق ەلى بايتاق الەمگە تاڭىپ وتىر. ءداستۇرلى دىندەر مەن ءدىني كونفەسسيا وكىلدەرىنىڭ ەلوردامىزدا بىرنەشە رەت باس قوسىپ، القاقوتان جيىن وتكىزۋى سونىڭ ايعاعى.

ءدىندارلاردىڭ قۇرىلتايىن وتكىزۋدى كوپ كورىپ، وعان جۇمسالعان قارا باقىردى شوتقا سالىپ سويلەيتىندەر دە تابىلادى ارامىزدان، الايدا ءدىني تاتۋلىققا، ادامزات بالاسىن اۋىزبىرشىلىككە ۇندەۋگە ءتيىس ۇلكەن ۇيىمدار ءۇنسىز وتىرعاندا ءبىر ەل باستاما كوتەرۋى كەرەك ەدى عوي. سول ەل ءبىز بولىپپىز. ال ەندى بار عوي، ماقتاندى، پافوستى قويىپ سويلەسەك، تورتكۇل دۇنيە جۇرتىن بەيبىت كەلىسىمگە، جاراسىمدى ءومىر سالتىنا شاقىرعاننىڭ نەسى ايىپ، نەسى ارتىق؟ ەكى ادام قىربايلاسىپ قالسا، قوس تەنتەكتى كەلەگە شاقىرۋ تەگىندە ەستى ادامنىڭ ءىسى ەمەس پە؟ سولاي ەكەن، ەندەشە، ءبىز دە ەلوردامىزدىڭ ءداستۇرلى دىندەر مەن ءدىني كونفەسسيالار اراسىن جاقىنداستىرىپ، دوڭگەلەك ۇستەل باسىنا وتىرعىزعان ىمىراشىل ميسسياسىنا ءمان بەرە جۇرەلىك.

ورازا ادام بويىنداعى ىزگى امالداردى تەرەڭدەتىپ قانا قويمايدى، ويعا جەتەلەيدى. وي – ورازادا وڭاشالانعان ادامنىڭ يگىلىكتى جۇمىسى. ورازا قابىل بولسىن، اعايىن! مىناۋ قارا پالەنىڭ بەتى قايتىپ، ءبارىمىزدى ەسەن-امان جۇزدەستىرۋگە جازسىن ءتاڭىرىم!

داۋرەن قۋاتتىڭ الەۋمەتتىك جەلىدەگى جازباسى

Abai.kz