تەڭگە باعامىنىڭ قۇلدىراۋى، جەكەلەگەن قالالار مەن تۇتاستاي وڭىرلەردە كارانتين ەنگىزۋ – وسىنىڭ ءبارى ازىق-تۇلىك ونىمدەرىنە سۇرانىستىڭ ارتۋىنا ىقپال ەتتى. ال بۇل بيلىكتىڭ بارلىق كۇش-جىگەرىنە قاراماستان، باعانىڭ وسۋىنە اسەر ەتپەي قويمادى. ناتيجەسىندە ءبىر اي ىشىندە قازاقستاندا ازىق-تۇلىك تاۋارلارىنىڭ باعاسى 1,7%-عا ءوستى. ناۋرىز ايىندا باعا ءوسىمىنىڭ باستى درايۆەرى ازىق-تۇلىك تاۋارلارى بولدى.

سوڭعى رەت ازىق-تۇلىك 2016 جىلدىڭ سوڭىندا قىمباتتاعان ەدى. سول ۋاقىتتا قاراشادا ءوسۋ قارقىنى 2% دەڭگەيىندە، جەلتوقساندا 1,7% بولدى. ال سوڭعى 12 ايدا باعانىڭ ءوسۋى 9,3% قۇرادى، بۇل جالپى ينفلياتسيا قارقىنىنان ءبىر جارىم ەسە تەز.

2020 جىلدىڭ I توقسانىندا ازىق-تۇلىك باعاسى 3,6%-عا ءوستى. بىراق بۇل 2019 جىلمەن سالىستىرعاندا از: سول جىلى قاڭتار-ناۋرىزدا بۇل كورسەتكىش 3,8%-دى قۇراعان بولاتىن.

ازىق-تۇلىك ءونىمىنىڭ قايسىسى بارىنەن جىلدام كوتەرىلدى؟

ءبىرىنشى كەزەكتە –  كوكونىستەر. ناۋرىزدا ولاردىڭ باعاسى 8,5%-عا ءوستى (جىل باسىنان بەرى - 21,1%-عا). بۇل كوكتەمنىڭ العاشقى ايى ءۇشىن ادەتتەگىدەن گورى كوپ: ناۋرىز ايىنداعى باعانىڭ وسىلاي قاتتىقىمباتتاۋى سوڭعى 10 جىلدا بولعان جوق. ەڭ قىمباتتاعانى كارتوپ، ونىڭ باعاسى 14,4%-عا ءوستى. سونىمەن بىرگە، پاۆلودار وبلىسىندا ول بىردەن 43,9%-عا، نۇر-سۇلتاندا - 36,8%-عا ارتتى. بىراق اقتوبە وبلىسىندا باعا ءوسىمى بار بولعانى 1,3%-دى قۇرادى.

جەمىس-جيدەكتەرگە كەلەتىن بولساق، يمپورتقا تاۋەلدىلىكتىڭ جوعارى بولۋىنا قاراماستان، باعانىڭ كۇرت وسۋىنە جول بەرىلمەدى. ولاردىڭ ءوسىمى  1,6%-عا ارتتى. بۇل رەتتە ەكى وڭىردە، قوستاناي جانە شىعىس قازاقستان وبلىستارىندا، ولار ءتىپتى قولجەتىمدى بولدى (تيىسىنشە 0,5% جانە 0,3%-عا عانا ارتقان).

باكالەيا ونىمدەرىنىڭ باعاسىن ۇستاپ تۇرۋ مۇمكىن بولدى... بىراق بارلىق ازىق-تۇلىكتىڭ ەمەس....

قازاقستاندا قانت 2019 جىلدىڭ ماۋسىمىنان 2020 جىلدىڭ اقپانىن قوسا العاندا توعىز اي قاتارىنان ارزاندادى، ول ءوز باعاسىن 26,5%-عا جوعالتتى. بىراق ناۋرىز ايىندا ديناميكا وزگەردى، بۇل رەتتە تولقۋلار ماڭىزدى ءرول اتقاردى. ءبىر اي ىشىندە ونىڭ قۇنى 8,5%-عا ارتتى. سونىمەن قاتار، سوڭعى 10 جىلدا قانت باعاسىنىڭ ءۇش رەت ءوسۋ قارقىنى قازىرگىگە قاراعاندا جوعارى بولدى. سوڭعى رەت باعا 2016 جىلدىڭ شىلدەسىندە كوتەرىلدى (+11,3%، بىراق كەلەسى 10 ايدا ولار 14,5%-عا تومەندەدى). وڭىرلەر اراسىندا باعانىڭ ءوسۋى بويىنشا پاۆلودار وبلىسى (+28,9%) جانە شىمكەنت (+18%) كوش باستادى، ال بۇل قىمباتشىلىق ماڭعىستاۋ وبلىسىنا دەيىن جەتكەن جوق، مۇندا قانت باعاسى كەرىسىنشە تۇسۋدە (-0,9%).

ەسەسىنە باكالەيا ونىمدەرىنىڭ باعاسىن ۇستاپ تۇرۋ مۇمكىن بولدى. جالپىلاي العاندا جارما 0,8%-عا قىمباتتادى، ال جوعارى سۇرانىسقا يە كۇرىش ناۋرىز ايىندا ءتىپتى 0,7%-عا ارزاندادى. ءتورتىنشى اي قاتارىنان ونىڭ باعاسى ءتۇستى. سۇرانىسى جوعارى قاراقۇمىق جارماسى 2,5%-عا قىمباتتادى. بۇل دا ازداپ كوتەرىلگەن: 2019 جىلدىڭ IV توقسانىندا، ەشقانداي جاعدايلارسىز قاراقۇمىق باعاسى ¼-گە وسكەن.

ماكارون ونىمدەرىندە باعا ءوسىمى ايتارلىقتاي كوپ بولعان جوق، قىمباتشىلىق ءبىر ايدىڭ قورىتىندىسى بويىنشا 1,4%-دى قۇرادى، ال 2019 جىلدىڭ ناۋرىزىندا ول 0,3پايىزعا جوعارى بولدى. سونىمەن قاتار، جۇمىرتقا باعاسىنىڭ ماۋسىمدىق تومەندەۋى جالعاسۋدا، ولار 0,4%-عا ارزاندادى.

نازەركە التايقىزى

Abai.kz