الماتى وبلىسى، تالدىقورعان قالاسىندا مايلى داقىلداردى وڭدەيتىن
زاۋىت ىسكە قوسىلدى. اگروكەشەننىڭ اشىلۋىنا قازاقستان رەسپۋبليكاسىنىڭ
ءبىرىنشى پرەمەر-ءمينيسترى سەرگەي تەرەششەنكو، ءوڭىر باسشىسى اماندىق
باتالوۆ قاتىستى. سالتاناتتى شارادا وبلىس اكىمى زاۋىت ۇجىمى مەن
قوناقتاردى ونەركاسىپتىڭ ىسكە قوسىلۋىمەن قۇتتىقتادى.

«الماتى وبلىسىنا، ارگارلىق وڭىرگە كەرەك ءوندىرىس ورنى اشىلىپ
جاتىر. مەن راقمەت ايتقىم كەلەدى. ءبىز سوزىمىزدە تۇردىق. بۇل كىسىلەر
ينۆەستيتسياسىن تارتتى. مىنا 500 گەكتار جەرگە جارىق، سۋ، جول، تەمىرجولى
سالىندى. ەندى وسى جەردە زاۋىتتار سالا باستاۋعا مۇمكىندىك بار. الماتى
وبلىسى اگرارلىق ولكە ەكەنى بارلىعىمىزعا ءمالىم. ال، بولاشاقتا وسىنداي
ونىدىرىستەردىڭ ارقاسىندا اگرارلى-يندۋستريالدىق ايماق بولماق.»-, دەپ اتاپ
ءوتتى ءوڭىر باسشىسى اماندىق باتالوۆ.

شاھاردىڭ شىعىس بولىگىندە ورنالاسقان اگروكەشەننىڭ اۋماعى 19
گەكتار. زاۋىتتى سالۋ جۇمىستارى 2013 جىلى باستالعان. قۇرىلىسىنا جالپى
كولەمى 5,8 ميلليارد تەڭگە قاراجات كەتكەن. سويا، جۇگەرى، راپس، كۇنباعىس
مايلى داقىلدارىن وڭدەۋگە ارنالعان ونەركاسىپ جىلىنا شامامەن 325 مىڭ
توننا ءونىم شىعارۋعا قاۋقارلى. اگروكەشەنگە 100 جاڭا قوندىرعى ساتىپ
الىنعان. ولار اۆتوماتتاندىرىلعان باسقارۋ جۇيەسىنە قوسىلعان. ال،
زەرتحانالاردىڭ سوڭعى ۇلگىمەن تەحنيكالىق جابدىقتالۋى شىعارىلاتىن
مايدىڭ جوعارى ساپالى بولۋىنا كەپىلدىك بەرەدى.

«ەلىمىزدەگى توتەنشە جاعدايعا قاراماستان، الماتى وبلىسى اكىمدىگىنىڭ
قولداۋىمەن بۇگىن وسى ونەركاسىپ ىسكە قوسىلدى. الماتى وبلىسى قىتايمان
شەكارلاس اۋماق. نەگىزگى ءونىمىمىز دە سولارعا جونەلتىلمەك. بىزدەن 2 ميلليون
توننا ماي العىلارى بار. ءبىز سويا، جۇگەرى، راپس، كۇنباعىس داقىلدارىن وڭدەپ،
ماي شىعارامىز. كەيىن، قۇراما جەم وندىرەمىز.»- دەدى، ونەركاسىپتىڭ باس
اكتسيونەرى سەرگەي تەرەششەنكو.

ءوندىرىس ورنىندا 350 ادامعا جۇمىس ورنى قاراستىرىلعان. وندىرىستىك
كەشەن ەلىمىزدىڭ ىشكى سۇرانىسىن قامتاماسىز ەتىپ قانا قويماي، شەتەلگە دە
ءونىم ەكپورتتاماق. باستى ماقسات ساپالى تاۋار ۇسىنىسىنداعى ۇدەدەن شىعۋ.

ايمان اسىل

Abai.kz