تاريحي وتانىنا ورالىپ، بۇگىندە جەرگىلىكتى جۇرتشىلىقپەن ەتەنە ارالاسىپ كەتكەن قانداستارىمىز «نۇرلى كوشتىڭ» شاپاعاتىن كەشە تاعى ءبىر مارتە سەزىندى. وسكەمەن قالاسىنىڭ ىرگەسىندە شەتەلدەن ورالعان اعايىندارىمىزعا ارناپ سالىنعان  شىعىس اۋىلىنىڭ كىشكەنتاي تۇرعىندارى ءۇشىن ءبىلىم كۇنى قارساڭىندا جاڭا مەكتەپ پەن بالاباقشا پايدالانۋعا بەرىلدى.

مىنە، سول اۋىلدىڭ 163 بالعىنى جاڭا مەكتەپ تابالدىرىعىن اتتاپ وتىر. مەكتەپ پەن بالاباقشانىڭ اشىلۋ سال-
تاناتىنا وبلىس اكىمى بەردىبەك ساپارباەۆ پەن ج.ەرمان، ۇ.ەسداۋلەت، ق.ءجۇمادىلوۆ، ت.مولداعاليەۆ، گ.سالىق-باەۆا، ت.مەدەتبەك سىندى تانىمال اقىن، جازۋشىلار قاتىستى.

جاڭا مەكتەپتىڭ تۇساۋكەسەرىنە  شىعىس اۋىلىنىڭ تۇرعىندارى مەن مەكتەپتىڭ بولاشاق شاكىرتتەرى جينالدى. ولاردى جاڭا ءبىلىم ورداسىنىڭ اشىلۋىمەن وبلىس باسشىسى قۇتتىقتادى.

تاريحي وتانىنا ورالىپ، بۇگىندە جەرگىلىكتى جۇرتشىلىقپەن ەتەنە ارالاسىپ كەتكەن قانداستارىمىز «نۇرلى كوشتىڭ» شاپاعاتىن كەشە تاعى ءبىر مارتە سەزىندى. وسكەمەن قالاسىنىڭ ىرگەسىندە شەتەلدەن ورالعان اعايىندارىمىزعا ارناپ سالىنعان  شىعىس اۋىلىنىڭ كىشكەنتاي تۇرعىندارى ءۇشىن ءبىلىم كۇنى قارساڭىندا جاڭا مەكتەپ پەن بالاباقشا پايدالانۋعا بەرىلدى.

مىنە، سول اۋىلدىڭ 163 بالعىنى جاڭا مەكتەپ تابالدىرىعىن اتتاپ وتىر. مەكتەپ پەن بالاباقشانىڭ اشىلۋ سال-
تاناتىنا وبلىس اكىمى بەردىبەك ساپارباەۆ پەن ج.ەرمان، ۇ.ەسداۋلەت، ق.ءجۇمادىلوۆ، ت.مولداعاليەۆ، گ.سالىق-باەۆا، ت.مەدەتبەك سىندى تانىمال اقىن، جازۋشىلار قاتىستى.

جاڭا مەكتەپتىڭ تۇساۋكەسەرىنە  شىعىس اۋىلىنىڭ تۇرعىندارى مەن مەكتەپتىڭ بولاشاق شاكىرتتەرى جينالدى. ولاردى جاڭا ءبىلىم ورداسىنىڭ اشىلۋىمەن وبلىس باسشىسى قۇتتىقتادى.

- وسىدان ءبىر جىل بۇرىن بۇل جەر جازىق دالا ەدى. بۇگىن مىنە، تۇرعىن ۇيلەر پايدا بولىپ، مەكتەپ، بالاباقشا  اشىلىپ جاتىر. مۇنىڭ بارلىعى - «نۇرلى كوش» باعدارلاماسىنىڭ جەمىسى. ءبىزدىڭ ەڭ باستى ماقساتىمىز - بۇل جەردە كىشكەن-تاي قالاشىق تۇرعىزۋ. بۇگىندە تاعى 500-دەي تۇرعىن ءۇي سالىنىپ جاتىر. وسى-نىڭ بارلىعى ەلىمىزدىڭ ەكونوميكالىق قۋاتىنىڭ ارقاسىندا جاسالىپ جاتقان دۇنيە. جاڭا وقۋ جىلىن بالالارىمىز جاڭا مەكتەپتە قارسى الاتىن بولدى. ولارعا تەك قۋانىش، دەنساۋلىق تىلەيمىن. ۇستازدارى جاقسى ءتالىم-تاربيە مەن ءبىلىم نارىمەن سۋسىنداتسىن. ەرتەڭگى كۇنى ولار سىزدەردى قۇتتىقتاي كەلگەن اعالارىمىز سياقتى ەلىنە ەلەۋلى، حالقىنا قالاۋلى ازاماتتار  بولسىن، - دەدى ايماق باسشىسى بەردىبەك ساپارباەۆ.

- كوش دەگەن ءسوز مەنىڭ جانىما وتە جاقىن. شەتەلدە تۇرىپ جاتقان اعايىندارىمىزدىڭ ءومىرى جايلى «سوڭعى كوش» دەگەن ەكى تومدىق رومان جازعان بولاتىنمىن. مەن دە ورالمانمىن. تەك ايىرماشىلىعىم، سىزدەردەن كوپ جىل بۇرىن شەكارا استىم. بىراق بۇگىنگى كوش كەشەگى كوشتەن وزگەرەك. بۇگىنگى كوشتىڭ ءورىسى كەڭەيدى. شىنىمەن دە نۇرلى كوشكە اينالدى. بۇگىن، مىنە، بالالارىمىز ءوز ەلىنىڭ اۋاسىمەن تىنىستاپ، ءوز ەلدەرىنىڭ مەكتەبىنىڭ تابالدىرىعىن اتتايتىن بولدى، - دەپ قازاقستاننىڭ حالىق جازۋشىسى قابدەش ءجۇمادىلوۆ اعامىز قانداستارىمىزدى تەبىرەنىسپەن قۇتتىقتادى.

600 ورىنعا لايىقتالىپ سالىنعان مەكتەپتىڭ ءىشى كىرسە-شىققىسىز. مەكتەپ قۇرىلىسىنا 875 ميلليون تەڭگەدەن استام قارجى جۇمسالعان.

وقۋشىلاردىڭ زامان تالابىنا ساي ءبىلىم الۋلارى ءۇشىن بارلىق جاعداي جاسالعان. نەبارى ءبىر جىلدىڭ اينالاسىندا سالىن-ىپ، پايدالانۋعا بەرىلگەن ءبىلىم ورداسىنىڭ تابالدىرىعىن بۇل كۇنى 163 وقۋشى اتتاپ وتىر. وسكەمەن قالاسى ءبىلىم ءبولىمىنىڭ باستىعى ا.كۋزنەتسوۆتىڭ ايتۋىنشا، الداعى ۋاقىتتا بالالار سانى ەسكى احمەر اۋىلىنىڭ  بالالارى مەن قونىستانۋشىلار ەسەبىنەن كوبەيمەك.

ەڭبەكپەن قامتۋ ماسەلەسى قانداستارى-مىزدى ءبىراز مازالاعان ەدى. الايدا بۇگىن
بۇل ماسەلە دە رەتىمەن ءوز شەشىمىن تاپقان سىڭايلى. مۇنداعى ەڭبەككە جارامدى حالىق-تىڭ 80 پايىزى ەڭبەكپەن قامتىلعان ەكەن. جاڭا مەكتەپكە دە نەگىزىنەن قانداستارىمىز تارتىلدى. مەكتەپ ديرەكتورى دوعدىربەك اساۋباەۆتىڭ ايتۋىنشا، مۇندا ەڭبەك ەتەتىن 35 ادامنىڭ 32-ءسى -  قانداستارىمىز. ءبىر ايتا كەتەرلىگى، ولاردىڭ دەنى قازاقستاننىڭ وقۋ ورىندارىن بىتىرگەن ماماندار.

مەكتەپتىڭ ىرگەسىندە بوي كوتەرگەن «نۇر شۋاق» بالاباقشاسى بۇلدىرشىندەرگە ەسىگىن ايقارا اشۋعا دايىن. 280 ورىنعا ارنالىپ سالىنعان بالاباقشاعا ازىرگە 118 ءبۇلدىرشىن بارادى ەكەن. بۇل اۋىل تۇرعىندارىنىڭ قازىرگى كۇنگى سانىنا بايلانىستى. بىراق «نۇرلى كوشتىڭ» اياسىندا مۇندا ءالى تالاي جاس وتباسى قونىس تەبەتىندىگىن ەسكەرسەك، ەرتەڭگى كۇنى بالاباقشا تاربيەلەنۋشىلەرىنىڭ سانى كۇن ساناپ ارتاتىندىعى راس.

اۋىل تۇرعىندارىنىڭ، اسىرەسە كىشكەنتاي بۇلدىرشىندەردىڭ قۋانىشىندا شەك جوق. سەبە-ءبى، ەرتەڭ ولار اسەم عيمارات ىشىندە اسىر سالىپ وينايدى، بالالىق بال داۋرەننىڭ قۋانىشىنا كەنەلەدى. ال بالاباقشا بالالارعا قۋانىش سىيلاۋعا بارلىق جاعىنان ءازىر.

- قىزىم العاش رەت بالاباقشاعا بارماق. قازىرگى كۇننىڭ وزىندە بالاباقشاعا قاشان بارام دەپ سۇراپ الەك. مەنىڭ ەل اعالارىنا العىسىم شەكسىز. وتانىمىزعا ورالىپ، ەل قاتارىنا قوسىلىپ جاتىرمىز. باسىمىزدا باسپانامىز بار. ەندى، مىنە، ءدال ءۇيىمىزدىڭ ىرگەسىندە اسەم بالاباقشا اشىلدى. ەندى بالالارىمىزدى ەش الاڭسىز سوندا اپارىپ، قولىمىز دا بوساپ قالاتىن بولدى. بۇل جۇمىس ىستەۋگە مۇمكىنشىلىك تۋدىرىپ وتىر، -  دەيدى قانداسىمىزدىڭ ءبىرى گۇلميرا سايران.

الىستا جۇرگەن اعايىندارىن ءبىر شاڭىراق استىنا توپتاستىرىپ، قانداسىم دەپ باۋىرىنا تارتقاندىعى «نۇرلى كوشتىڭ» عانا ەمەس، قازاقتىڭ دا  قاسيەتتىلىگى بولار.

«اباي-اقپارات»