كەشە اقپارات جانە قوعامدىق دامۋ ءمينيسترى ايدا بالاەۆا الماتىداعى جەتەكشى رەسپۋبليكالىق ۇكىمەتتىك ەمەس ۇيىمدارمەن، بەدەلدى قوعام قايراتكەرلەرىمەن جانە بەلسەندى ەرىكتىلەر بىرلەستىكتەرىمەن بىرقاتار كەزدەسۋلەر وتكىزدى.

وتىرىس بارىسىندا ازاماتتىق سەكتوردىڭ جاڭا زاڭنامالىق باستامالاردى، ازاماتتىق قوعامدى دامىتۋ تۇجىرىمداماسىن، «ەستيتىن مەملەكەت» تۇجىرىمداماسىن، ازاماتتىق قوعامنىڭ ەل پرەزيدەنتىنىڭ جولداۋىن ىسكە اسىرۋداعى جانە حالىقپەن كەرى بايلانىس ورناتۋداعى ءرولىن تالقىلاۋعا قاتىسۋ ماسەلەلەرى تالقىلاندى. مينيستر ۇكىمەتتىك ەمەس سەكتوردىڭ توتەنشە جاعدايلار مەن كارانتين جاعدايىندا حالىقتى قولداۋ شارالارىن ىسكە اسىرۋداعى ۇلەسىن اتاپ ءوتتى.

ايدا بالاەۆانىڭ ايتۋىنشا، مينيسترلىك اشىقتىق پەن ازاماتتىق قوعام ينستيتۋتتارىمەن تىعىز ءوزارا ءىس-قيمىل قاعيداتىن ۇستانادى. حالىقپەن كەزدەسۋلەر تۇراقتى، ءارى سالالىق نەگىزدە وتكىزىلەتىن بولادى. مينيسترلىك مەملەكەتتىك باعدارلامالاردىڭ ىسكە اسىرىلۋ بارىسى تۋرالى حالىقتىڭ بارىنشا حاباردار بولۋىنا جانە ازاماتتاردىڭ وسى باعدارلامالارعا قاتىسۋىن ەرەكشە نازاردا ۇستايتىن بولادى.

«ۇكىمەتتىك ەمەس ۇيىمدار قاتىسۋىمەن جۇزەگە اسىرىلاتىن مەملەكەتتىك ورگاندار تاراپىنان جوسپارلاعان الەۋمەتتىك جوبالار، قازاقستاندىقتاردىڭ سۇرانىستارى مەن قاجەتتىلىكتەرىنە نەگىزدەلۋى كەرەك.

سونىمەن قاتار، جوسپارلاۋ، مەملەكەتتىك الەۋمەتتىك تاپسىرىستى قالىپتاستىرۋ، مەملەكەتتىك گرانتتىق قارجىلاندىرۋ ماسەلەلەرى اشىق بولۋعا ءتيىس. مينيسترلىك حالىقتىڭ ءارتۇرلى ماقساتتى توپتارىن (ەرەكشە قاجەتتىلىكتەرى بار ادامدار، NEET ساناتىنداعى جاستار ء(بىلىمى مەن داعدىلارى جوق), كوپ بالالى وتباسىلار جانە ت.ب.) قۇقىقتىق، قارجىلىق، ساندىق ساۋاتتىلىق پەن داعدىلارعا ۇيرەتۋگە باعىتتالعان جوبالاردى ازىرلەيدى »، - دەدى مينيستر.

ايدا بالاەۆا ۇەۇ وتىرىستا ايتىلعان بارلىق ۇسىنىستار ەسكەرىلىپ، مينيسترلىكتىڭ جوسپارىنا ەنگىزىلەتىن بولادى دەپ سەندىردى.

ۇكىمەتتىك ەمەس ۇيىمدار مەملەكەتتىك ورگاندارمەن ءوزارا ءىس-قيمىلدى، ۆولونتەرلىق جانە ارنايى الەۋمەتتىك قىزمەتتەر سالاسىنداعى زاڭنامانى جەتىلدىرۋ بويىنشا ناقتى ۇسىنىستارىن ءبىلدىردى، مينيسترلىكتىڭ اشىق ديالوگ پەن بىرلەسكەن جۇمىسقا دايىن ەكەندىگىن اتاپ ءوتتى.

Abai.kz