"وزگە ەلدىڭ سىرتقى ساياسات مەكەمەسىنە قاتىسى بار شەنەۋنىكتىڭ بۇل تاقىرىپقا پىكىر ءبىلدىرۋى - ديپلوماتيا جانە ساياسي ەتيكاعا جاتپايدى. زاڭ قابىلداۋ - زايىرلى مەملەكەتتىك ىشكى شارۋاسى. وزبەكستان ىشكى ساياساتىن ءوز قالاۋىمەن، حالىقارالىق تالاپتاردى بۇزباي جۇرگىزۋگە قۇقىلى", - دەپ جازدى ەلدور تۋلياكوۆ Facebook-تەگى ءوزىنىڭ پاراقشاسىندا.

ونىڭ پىكىرىنشە، 130-دان استام ۇلت پەن ۇلىستى بىرىكتىرگەن وزبەكستانعا قاتىستى وسىنداي ء"جونسىز پىكىر ءبىدىرۋ" - حالىقارالىق زاڭ تالاپتارىنا قايشى كەلەدى.

ەسكە سالايىق، 14 مامىردا وتكەن بريفينگتە رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا وزبەكستاندا ءىس قاعازدارىن مەملەكەتتىك تىلىندە جۇرگىزۋ جونىندەگى زاڭ جوباسىن جاقتاۋشىلار "جوقتىڭ قاسى" دەپ مالىمدەگەن.

"اقپارات قۇرالدارىندا وسى زاڭ جوباسىنان تۋىنداعان پىكىر-تالاسقا نازار اۋداردىق. ونى قولداۋشىلار تىم از ەكەنىن اڭعاردىق. پىكىر جازعانداردىڭ دەنى ورىس تىلىندە ءىس جۇرگىزىلە بەرۋىن قالاعان", - دەگەن زاحاروۆا.

بيىل ءساۋىر ايىندا وزبەكستاننىڭ ادىلەت مينيسترلىگى "اكىمشىلىك جاۋاپكەرشىلىك كودەكسىنىڭ 42-بابىنا وزگەرىس ەنگىزۋ تۋرالى" زاڭ جوباسىن دايىندادى.

قۇجاتقا سايكەس، مەملەكەتتىك ورگاندار مەن ۇيىمداردا ءىس قاعازدارىن مەملەكەتتىك تىلدە جۇرگىزبەيتىن شەنەۋنىكتەرگە ايىپپۇل سالىنادى.

Abai.kz