قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسىنىڭ ءۇشىنشى وتىرىسى 27 مامىر كۇنى وتەدى. بۇل تۋرالى پرەزيدەنت كەڭەسشىسى ەرلان قارين ءوزىنىڭ Telegram پاراقشاسىندا جازدى.

ونىڭ ايتۋىنشا، كەزەكتى وتىرىس ونلاين فورماتتا وتەدى، وعان ءتۇرلى وڭىرلەر قوسىلادى دەپ جوسپارلانىپ وتىر.

- ۇلتتىق كەڭەس مۇشەلەرىنىڭ ۇسىنىسى بويىنشا الداعى وتىرىستىڭ كۇن ءتارتىبى ادامي كاپيتالدى دامىتۋ، اتاپ ايتقاندا ءبىلىم سالاسىن دامىتۋ ماسەلەلەرىنە ارنالادى، - دەپ جازدى ەرلان قارين.

اقپان ايىنان بەرى ۇلتتىق كەڭەس مۇشەلەرى ەلدەگى ءبىلىم جۇيەسىن دامىتۋ بويىنشا ۇسىنىستار مەن كەڭەستەردى قاراستىرىپ كەلەدى. ونىڭ بارلىعى الداعى وتىرىس بارىسىندا تالقىلانادى.

Abai.kz