سەيسەنبى, 4 تامىز 2020
COVID-19 قازاقستاندا. جۇقتىرعاندار — 93820. جازىلعاندار — 65132. قايتىس بولعاندار — 1058
2339 5 پىكىر 26 مامىر, 2020 ساعات 13:26

قازاقستاندا جاڭا مۇناي وڭدەۋ زاۋىتى سالىنادى

قازاقستاندا 200 ادامدى جۇمىسپەن قامتاماسىز ەتەتىن تاعى ءبىر زاۋىت پايدا بولادى،- دەپ حابارلايدى LS سايتى. 

اتاپ ايتقاندا، ماڭعىستاۋ وبلىسىندا كومىرسۋتەكتى قايتا وڭدەۋ كەشەنىن سالۋ جوسپارلانىپ وتىر. كەشەننىڭ قۇنى 12,1 ملرد تەڭگە.

جوبانى قازاقستاندىق كومپانيا جۇزەگە اسىرادى. ول 2021 جىلدىڭ II توقسانىندا ىسكە قوسىلادى دەپ جوسپارلانعان.

«جوبانىڭ قۇنى - 12,1 ملرد.تەڭگە. كومپانيا 200 ادامدى جۇمىسپەن قامتۋدى   جوسپارلاپ وتىر»، - دەلىنگەن حابارلامادا.

زاۋىتتىڭ قۋاتتىلىعى جىلىنا 350 مىڭ توننا ديزەل وتىنى مەن اي-92, اي-95 بەنزينىن قۇرايدى.

ەستەرىڭىزگە سالا كەتەيىك، ەلىمىزدە وسىنداي ءۇش جوبانى ىسكە قوسۋ جوسپارلانعان. ولار: باتىس قازاقستان وبلىسىندا قۇنى 420 ميلليون دوللاردى قۇرايتىن مۇناي وڭدەيتىن زاۋىت. ەكىنشىسى - تۇركىستان وبلىسىندا 114 ميلليارد تەڭگەگە مۇناي وڭدەۋ زاۋىتى سالىنۋدا. ونىڭ قۋاتتىلىعى - جىلىنا 1 ميلليون توننا ءونىم. سونىمەن قاتار، قىزىلوردا  وبلىسىندا 4,1 ملرد تەڭگەگە وسىعان ۇقساس جوبا سالىنباق. زاۋىتتىڭ قۋاتتىلىعى جىلىنا 300 مىڭ توننا شيكى مۇنايدى قۇرايدى.

Abai.kz

5 پىكىر