سارسەنبى, 30 قىركۇيەك 2020
COVID-19 قازاقستاندا. جۇقتىرعاندار — 107908. جازىلعاندار — 102874. قايتىس بولعاندار — 1725
46 - ءسوز 1189 2 پىكىر 30 مامىر, 2020 ساعات 12:32

"پارلامەنتتىك وپپوزيتسيا" ەمەس، "پارلامەنتتىك ازشىلىق" دەگەن دۇرىس!

قازىرگى پارلامەنتتە وپپوزيتسيا جوق ەكەنىن ءبارى مويىندايدى.

بيلىكتىڭ ساياسي رەفورماعا كىرىسپەۋىنە قاراعاندا 10 ايدان كەيىن ءوتۋى ءتيىس پارلامەنت سايلاۋىنان كەيىن ونىڭ قۇرامىنا بيلىكتىڭ ساياسي قارسىلاستارى ەنۋى دە ەكىتالاي بولىپ تۇر عوي. وتكەن پرەزيدەنت سايلاۋىنان سوڭ اۋزى كۇيگەن بيلىك ەندىگى جەردە ساياسات سۋىن ۇرلەپ ەمەس، توڭازىتقىشقا سالىپ، مۇز ەتىپ، قاتىرىپ قوياتىن شىعار!

بۇگىنگى پارلامەنتتەگى "نۇروتاننىڭ ساتەلليتى سانالاتىن ەكى پارتيانىڭ قاي جەرى وپپوزيتسيا؟ ال فورمالدى تۇردە ازشىلىق ەكەنى راس (ايتپەسە، قاي كەزدە ولار حالىقتىڭ ءسوزىن سويلەپ ەدى؟!)

ولاي بولسا، كەشە سەنات ماقۇلداعان زاڭدى "پارلامەنتتىك وپپوزيتسيا تۋرالى" دەپ اتاماي، "پارلامەنتتىك ازشىلىق تۋرالى" دەپ اتاۋ كەرەك ەدى.

PS. ايتپاقشى، "نۇروتان" ازىرشە قولدا بيلىگى بار كەزدە بۇل زاڭدا پارلامەنتتىك ازشىلىققا جاقسىلاپ جاعداي جاساپ قويسىن، ويتكەنى كۇنى ەرتەڭ ءوزى سول ازشىلىق بوپ قالۋى مۇمكىن! سوندا "مىنا زاڭعا نەگە انانى، مىنانى قوسپادىق؟", - دەپ، بارماقتارىن تىستەپ، وپىق جەپ جۇرمەسىن!

ءامىرجان قوساننىڭ جەلىدەگى جازباسى

Abai.kz

2 پىكىر