الماتى وبلىسىندا بلوك-بەكەتتەر قايتا ورناتىلمايدى
الماتى وبلىسىندا بلوك-بەكەتتەر قايتا ورناتىلاتىنى جايلى اقپارات تاراعان بولاتىن. بىراق وبلىس اكىمدىگى بۇل اقپاراتتى جوققا شىعاردى.
- كوروناۆيرۋس ينفەكتسياسىنىڭ تارالۋىن بولدىرماۋ جونىندەگى ۆەدومستۆاارالىق كوميسسيا شەشىمىنە سايكەس، الماتى وبلىسىندا بلوك-بەكەتتەر ورناتىلمايدى، - دەپ حابارلادى الماتى وبلىسىنىڭ اكىمدىگى.
- ءجۇزۋ ماۋسىمى 13 ماۋسىمدا باستالۋىنا بايلانىستى، وتكەن دەمالىس كۇندەرى ءبىز قاپشاعاي سۋ قويماسى جاعالاۋىندا ادامداردىڭ كوپ شوعىرلانعانىن بايقادىق،
سول ءۇشىن قاپشاعاي سۋ قويماسى جاعالاۋىنا كىرەتىن بارلىق جولدار جابىلادى. بۇل – جەتىگەن جاقتان كەلەتىن جولعا ءبىر ءموبيلدى پوست قويىلادى. وندا پوليتسيا قىزمەتكەرلەرى تۇرادى جانە سۋ قويماسىنا ىرگەلەس جاتقان تاس جولدا ەكىنشى پوست بولادى. قالعان جاعدايدا ءبارى بۇرىنعىداي قالىپتا جۇمىس ىستەي بەرەدى، - دەيدى اكىمدىك.
Abai.kz
