«اق جول» پارتياسى دەنساۋلىق ساقتاۋ مينيسترلىگىن كوروناۆيرۋس ىندەتىنىڭ ۋشىعىپ كەتكەنى ءۇشىن سىنعا الدى. وسىنداي دەپۋتاتتىق ساۋال بۇگىن ءماجىلىستىڭ پلەنارلىق وتىرىسىندا ايتىلدى ء(ماتىنى تومەندە بەرىلەدى).

قر پرەمەر-ءمينيسترى
ا.ۇ.مامينگە

قۇرمەتتى اسقار ۇزاقپايۇلى!

«اق جول» فراكتسياسى ۇكىمەتتىڭ ءبىرىنشى كەزەڭدە پاندەمياعا قارسى قولعا العان ءىس-شارالارىن جوعارى باعالايدى. قابىلدانعان شارالار  ارقاسىندا باسقا ەلدەرمەن سالىستىرعاندا  پاندەميا ەداۋىر  باسەڭدەدى.

سونىمەن بىرگە،  كەيبىر وڭىرلەردە شەكتەۋلەردى الىپ تاستاعاننان كەيىن  ۆيرۋس جۇقتىرعانداردىڭ جانە قايتىس بولعاندار سانى كۇرت ءوستى.  

دەپۋتاتتارعا جەرگىلىكتى جەرلەردەن سىرقاتتاردىڭ گوسپيتالداۋدان باس تارتۋ، لىق تولى ەمحانالىق ورتالىقتاردا ەمدەۋ پروتسەدۋرالارىن ورىنداماۋ، مەديتسينالىق قىزمەتكەرلەردىڭ وزدەرىنە كەرەكتى قورعانۋ قۇرالدارىنىڭ تاپشىلىعى تۋرالى شاعىمدار ايتىلۋدا. دەنساۋلىق ساقتاۋ مينيسترلىگىنىڭ «ەل بويىنشا ورتاشا ەسەپتەگەندە» كلينيكالاردا ورىندار جانە قورعانۋ كيىم جابدىقتار جەتكىلىكتى دەپ سەندىرگەندەرى شىندىققا جاناسپايدى. ويتكەنى،  شەنەۋنىكتەر ستاتيستيكاعا سىلتەمە جاسايدى، ال ادامدار بولسا ناقتى جاعدايلارمەن كەزدەسۋدە.

ولار ءبىزدىڭ ازاماتتارىمىز، مەملەكەت ولاردى قورعاۋعا مىندەتتى!

اسىرەسە، باعاسى قىمبات، 15 مىڭ تەڭگە ەكەنىنە قاراماستان كوروناۆيرۋسقا تەكسەرىلەتىن تەستىلەردىڭ جەتىسپەۋشىلىگىنە شاعىمدار تۇسۋدە. دەسە دە، ادامدار سوڭعى ءۇش اي بويى تابىسسىز ءومىر سۇرگەنى بەلگىلى. 

ءتىپتى نۇر - سۇلتان قالاسىنىڭ وزىندە تەست تاپسىرۋعا كەزەك الۋ ءۇشىن كەم دەگەندە ەكى كۇن بۇرىن تۇرۋ قاجەت. تەست قورتىندىلارىدا دەر كەزىندە بەرىلمەيدى. وسىنداي كەزەكتەر تۋرالى شاعىمدار الماتى، شىمكەنت، پاۆلودار، شقو، تۇركىستان جانە باسقا دا وبلىستاردان دا كەلىپ تۇسۋدە. 

ءسوز جوق، ىندەتتىڭ وسىنشا ورشۋىنە ادامداردىڭ قاۋىپسىزدىك تالاپتارىن ءجىتى ەسكەرمەيتىنى دە اسەر ەتتى.  سوندىقتان ءبىز اسا قاۋىپتى وڭىرلەردە كارانتيندى كۇشەيتۋدى قولدايمىز .

سونىمەن بىرگە، وسى جاعدايلار   دەنساۋلىق ساقتاۋ مينيسترلىگى مەن اكىمدىكتەردىڭ كوروناۆيرۋسقا قارسى  شارالاردى ۇيىمداستىرۋىنداعى بيۋدجەتتەن بولىنگەن قىرۋار قاراجاتقا (125 ملرد تەڭگە) جانە العاشقى ايلاردا جيناقتاعان تاجىريبەلەرىنە قاراماستان  جەتكىلىكسىز دەڭگەيىن كورسەتەدى. 

وسىعان بايلانىستى، «اق جول» پارتياسى:

1) بارلىق كوروناۆيرۋستىڭ سيمپتومدىق جۇقتىرعانداردى  گوسپيتالداۋ ءۇشىن شۇعىل شارالاردى  قولعا الۋدى، قاجەت بولسا، شالعاي ەلدى مەكەندەردىڭ تۇرعىندارىن تەستىلەۋ جانە بوس اۋرۋحانالارعا اۋرۋلاردى كوشىرۋ ءۇشىن سانيتارلىق  پوەزدى ۇيىمداسترۋدى;

2) تۇرعىنداردى تەستىلەۋ ءۇشىن جەتكىلىكتى دەڭگەيدەگى كولەمدە تەستىلەرمەن، ونىڭ ىشىندە تۇرعىنداردىڭ از قامتىلعان توپتارىن تەگىن تەستىلەۋمەن  قامتاماسىز ەتىلۋىن;

3) ۇلتتىق دەڭگەيدە قوسىمشا كارانتيندىك شارالاردى ەنگىزۋ مۇمكىندىكتەرىن قاراستىرۋدى سۇرايدى.

«اق جول» قدپ فراكتسياسىنىڭ دەپۋتاتتارى

Abai.kz