پرەزيدەنت اكىمشىلىگىنىڭ كەلىسىمىمەن الماس ماديەۆ جامبىل وبلىسى اكىمىنىڭ ورىنباسارى بولىپ تاعايىندالدى. 

بۇعان دەيىن ماديەۆ جامبىل وبلىسى اكىمى اپپاراتىنىڭ باسشىسى بولعان. ەندى ول وبلىستاعى كاسىپكەرلىك پەن يندۋستريالىق دامۋ، الەۋمەتتىك قورعاۋ جانە جۇمىسپەن قامتۋ، ەڭبەكتى قورعاۋ جانە تابيعي رەسۋرستار سالالارىنا جەتەكشىلىك ەتپەك.

ەڭبەك جولىن 1994 جىلى جامبىل تەحنولوگيالىق ينستيتۋتىنىڭ وقىتۋشىسى بولىپ باستاعان. ءار جىلدارى جامبىل وبلىسى اكىمىنىڭ كومەكشىسى، جامبىل وبلىسى اكىمدىگىنىڭ ەكونوميكا جانە بيۋدجەتتىك جوسپارلاۋ باسقارماسىنىڭ جەتەكشى مامانى، جامبىل وبلىسى اكىمى اپپاراتىنىڭ قارجى جانە الەۋمەتتىك قورعاۋ ءبولىمىنىڭ مەڭگەرۋشىسى، جامبىل وبلىسى اكىمدىگىنىڭ ەكونوميكا جانە بيۋدجەتتىك جوسپارلاۋ، كاسىپكەرلىك جانە ونەركاسىپ باسقارمالارىنىڭ باستىعى قىزمەتتەرىن اتقاردى.

2009-2014 جىلدارى - "وڭتۇستىك "اكك "ۇك" اق قارجى ديرەكتورى، باسقارۋشى ديرەكتورى، باسقارما توراعاسىنىڭ ورىنباسارى، "قازاقستاننىڭ ينۆەستيتسيالىق قورى" اق قارجى دەپارتامەنتىنىڭ ديرەكتورى، "پاۆلودار "اكك" ۇك"اق باسقارما توراعاسى.

2014-2017 جىلدارى-جامبىل وبلىسى اكىمدىگىنىڭ كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى، الماتى قالاسى كاسىپكەرلىك جانە يندۋستريالدى-يننوۆاتسيالىق دامۋ باسقارماسىنىڭ باسشىسى.

2017 جىلعى قىركۇيەكتەن 2019 جىلعى اقپانعا دەيىن - الماتى قالاسى اكىمىنىڭ ورىنباسارى، 2019 جىلعى اقپاننان باستاپ شىلدەگە دەيىن - "الماتى" اكك اق باسقارما توراعاسى قىزمەتتەرىن اتقارعان.

2020 جىلعى اقپاننان قازىرگى ۋاقىتقا دەيىن - جامبىل وبلىسى اكىمى اپپاراتىنىڭ باسشىسى بولعان.

Abai.kz