استانادا وتكەن ءبىر توپ ساياساتكەرلەر مەن ساراپشىلاردىڭ جيىنىندا وسىنداي شەشىم قابىلداندى.

«نۇر وتان» جاقتاستارى ليگاسىن» قۇرۋدىڭ باستاماشى توبى اتالعان يدەيانىڭ قوعام تاراپىنان قولداۋ تاباتىنىنا سەنىمدى.

بەلگىلى ساياساتتانۋشى ەرلان سايروۆ:

«قازاقستانداعى دەموكراتياعا ۇمتىلىس نيەتى رەۆوليۋتسيالىق جولدى ەمەس، ەۆوليۋتسيالىق جولدى تاڭداۋى ءتيىس دەپ سانايمىز».

ءبىز قانداي دا ءبىر نارازىلىق، الەۋمەتتىك قايشىلىق پەن تولقۋلار كونسترۋكتيۆتى تاسىلمەن شەشىلۋى قاجەت دەگەن قاعيدانى ۇستانامىز. سەبەبى، مەملەكەتتىڭ، قوعامنىڭ ماسەلەسى اسۇيدە نەمەسە كوشەدە، كوپىرمە سوزبەن نەمەسە كوزسىز ارەكەتپەن شەشىلمەيدى. مۇنداي ماسەلەلەر اشىق تالقىلاۋلار مەن شىنايى سىنمەن جانە سول ماسەلەلەردى تۇپكىلىكتى شەشۋگە باعىتتالعان ناقتى ۇسىنىستار مەن مەملەكەتشىل ۇستانىمدار نەگىزىندە عانا شەشىلەدى.

«نۇر-وتان» پارتياسىنىڭ جاقتاستارى ليگاسى» اۋزىن قۇر شوپپەن سۇرتپەي، ەلىمىزدە قوردالانىپ قالعان ماسەلەلەردى ەڭسەرۋدىڭ ەڭ لايىقتى فورمۋلاسىن ۇسىناتىن بولادى. قوعامدا شىن مانىندەگى الەۋمەتتىك ادىلدىكتى، تەڭدىكتى، ساياساتتا ۇرپاقتار ساباقتاستىعىن قالىپتاستىرۋدى، ەكونوميكادا تۇراقتىلىق پەن ءوسىمدى قامتاماسىز ەتۋدى باسشىلىققا الادى.

Abai.kz