قازاقستاندا 16 بالاسى بار اتا-انالار 177 792 تەڭگە الادى. «اzattyq-ruhy.kz» سايتى جازدى. بيىل مامىردا پرەزيدەنت توقاەۆ 8 جانە ودان دا كوپ بالاسى بار وتباسىلارعا ارنايى بەرىلەتىن جاردەماقى مولشەرىن بەلگىلەگەن زاڭعا قول قويعان ەكەن. ول بويىنشا:

- 8 بالاعا - 88 896 تەڭگە

- 9 بالاعا – 100 008 تەڭگە،

- 10 بالاعا – 111 120 تەڭگە،

- 11 بالاعا – 122 232 تەڭگە،

- 12 بالاعا – 133 344 تەڭگە،

- 13 بالاعا – 144 456 تەڭگە،

- 14 بالاعا – 155 568 تەڭگە،

- 15 بالاعا – 166 680 تەڭگە،

- 16 بالاعا – 177 792 تەڭگەدەن بەرىلەدى.

ەڭبەك رەسۋرستارىن دامىتۋ ورتالىعى تاراتقان اقپاراتتا وسىلاي دەپ جازىلعان. سونىمەن، كوپ بالالى وتباسىلارعا بەرىلەتىن كومەك اقشانى ءوسىرۋ الگوريتمى وسىلاي ءتۇزىلىپتى.

وسى جىلدىڭ 1 قاڭتارىنان باستاپ كوپبالالى وتباسىلارعا جاردەماقى تاعايىندالعان بولاتىن. ول بويىنشا، 4-تەن 15-كە دەيىن بالاسى بار وتباسىلار ءار بالاعا 11 مىڭ تەڭگە كولەمىندە جاردەماقى الاتىن. ەندى بۇل ساناتقا 16 بالاسى بارلار دا ەنگىزىلىپ وتىر. ءسويتىپ، 1 شىلدەدەن باستاپ جاردەماقى وتباسىنداعى بالالاردىڭ سانىنا قاراي تولەنەدى.

ەستەرىڭىزدە بولسا، بۇعان دەيىن قازاقستاننىڭ ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ 15 بالاسى بارلارعا 159 مىڭ تەڭگە تولەنەتىنىن ايتقان ەدى. سول كەزدە جەلىدەگى ءبىراز جۇرت ءمينيستردىڭ بۇل ايتقاندارىن كۇلە قابىلداپ، «15 بالاعا 159 مىڭ تەڭگە عانا بەرەدى ەكەن»، - دەسكەن. ەسكى ەسەپ بويىنشا، ءار بالاعا 10 600 تەڭگەدەن اينالعان. ەندى، 16 بالانىڭ ارقايسىسىنا 11 074 تەڭگە تولەمەك كورىنەدى.

الگى 15 بالانىڭ اڭگىمەسى شىققاندا، قازاقستاندا كامەلەتكە تولماعان 15 بالاسى بار 1 عانا وتباسى بار ەكەنى ايتىلعان. دەمەك، الگى 159 مىڭ تەڭگە قازاقستاندا ءبىر عانا وتباسىنا تولەنەتىن.

ەندى بالا سانىن 16-عا كوتەرىپ، جاردەمپۇلعا «باقانداي» 474 تەڭگە قوسىپتى. تاقىرىپقا تۇزدىق ءۇشىن: قازاقستاندا 177 مىڭ تەڭگەگە ۇمىتكەر وتباسى بار ما؟

Abai.kz