بۇل جونىندە تۇركىمەنستاننىڭ اقپارات اگەنتتىگى حابارلادى.

"ومىرلىك ەنەرگياڭىز بەن كۇش جىگەرىڭىزدىڭ ارقاسىندا بۇل ىندەتتى تەزىرەك جەڭىپ شىعاتىنىعىزعا سەنەمىن. قيىن كۇندەرى سىزگە بارىنشا قولداۋ كورسەتىپ، كەرەك بولسا كومەكتەسۋگە دايىن ەكەنىمدى جەتكىزگىم كەلەدى", – دەگەن تۇركىمەن پرەزيدەنتى نازارباەۆقا جولداعان جەدەل حاتىندا.

قازاقستاندى 30 جىل بيلەپ، بىلتىر ءوز ەركىمەن وتستاۆكاعا كەتكەن نۇرسۇلتان نازارباەۆتىڭ كوروناۆيرۋس جۇقتىرعانى وتكەن اپتادا حابارلانعان.

دەنساۋلىق ساقتاۋ ءمينيسترى ەلجان ءبىرتانوۆتان COVID-19 ۆيرۋسى انىقتالعاننان كەيىن قازاقستاننىڭ بىرقاتار شەنەۋنىكتەرى وقشاۋلانعان. ءماجىلىس سپيكەرى نۇرلان نىعماتۋليننىڭ دە ۆيرۋس جۇقتىرعانى حابارلاندى.

ال تۇركىمەنستان بيلىگى ەلدە كوروناۆيرۋس جوق دەپ كەلەدى.

Abai.kz