دۇنيەدە نە بولسا دا كەزدەيسوق ەمەس. سىرتقى تۇرپاتى كەزدەيسوق كورىنەتىن نارسەنىڭ استارىندا سالدار مەن سەبەپ زاڭدىلىعى تۇرادى.

جىل باسىندا كورىپكەل باقىت جۇماتوۆا اقتوبە تۋراسىندا ارنايى توقتالىپ، الدەبىر وقىس وقيعانىڭ بولارىن ەسكەرتىپ ەدى. دەمەك، ول كىسى اللا بەرگەن قاسيەتى ارقىلى الگى زاڭدىلىققا سۇعىنا الىپ، ونى بىزگە جاراتقاننىڭ مۇمكىندىگىمەن ەسكەرتكەن-ءدى. ارينە، ءومىرىمىزدى كورىپكەلدەرگە جۇگىنىپ سۇرەيىك دەگەن سوزدەن اۋلاقپىز، ونىڭ ۇستىنە (پايعامبارلاردىڭ كەيبىرىنە رۇقسات ەتىلەتىن) اقپاراتتىڭ ادامزاتقا تارالاتىن بولىگىنىڭ 20 پايىزى جاراتقاننىڭ اسا مول قورعانىسى بار «سەرۆەرىندە» جاسىرۋلى، 80 پايىزىنا عانا مىقتى كورىپكەلدەر سۇعىنۋىنا مۇمكىندىك بار. اللانىڭ «سەرۆەرىن» ەشبىر «حاكەر» بۇزىپ، اقپارات ۇرلاي الماس.

الايدا، اقتوبە، اتىراۋ، تاراز قالالارىنداعى جارىلىستاردىڭ مالىمەتى اللا تاعالانىڭ جاسىرۋلى اقپاراتتارىنا جاتپادى. ويتكەنى، مۇنداي جاعدايدىڭ ءپىسىپ كەلە جاتقانىن كورىپكەلدەر عانا ەمەس، ساياساتشىلار مەن ساياساتتانۋشىلار، الەۋمەتتانۋشىلار ءبىلۋى كەرەك ەدى. ولاردىڭ ءبىزدىڭ ەلدە اجەمنىڭ ساندىعىنداعى تىقپا ماتاسىنداي كۇي كەشكەنىنە دە كۋامىز. ەلدە دەنى دۇرىس ساياساتتانۋ مەن الەۋمەتتانۋ جوق! ستراتەگيالىق زەرتتەۋلەر ينستيتۋتى دەگەن اتاعىنان ات ۇرىكپەس تۇگىل، ارلاندى ايدالاعا بەزدىرەتىن قۇرىلىمداردىڭ نە ىستەپ، نە قويىپ جۇرگەنىن ءبىر تاڭىردەن باسقا ەشكىم بىلمەيدى.

دۇنيەدە نە بولسا دا كەزدەيسوق ەمەس. سىرتقى تۇرپاتى كەزدەيسوق كورىنەتىن نارسەنىڭ استارىندا سالدار مەن سەبەپ زاڭدىلىعى تۇرادى.

جىل باسىندا كورىپكەل باقىت جۇماتوۆا اقتوبە تۋراسىندا ارنايى توقتالىپ، الدەبىر وقىس وقيعانىڭ بولارىن ەسكەرتىپ ەدى. دەمەك، ول كىسى اللا بەرگەن قاسيەتى ارقىلى الگى زاڭدىلىققا سۇعىنا الىپ، ونى بىزگە جاراتقاننىڭ مۇمكىندىگىمەن ەسكەرتكەن-ءدى. ارينە، ءومىرىمىزدى كورىپكەلدەرگە جۇگىنىپ سۇرەيىك دەگەن سوزدەن اۋلاقپىز، ونىڭ ۇستىنە (پايعامبارلاردىڭ كەيبىرىنە رۇقسات ەتىلەتىن) اقپاراتتىڭ ادامزاتقا تارالاتىن بولىگىنىڭ 20 پايىزى جاراتقاننىڭ اسا مول قورعانىسى بار «سەرۆەرىندە» جاسىرۋلى، 80 پايىزىنا عانا مىقتى كورىپكەلدەر سۇعىنۋىنا مۇمكىندىك بار. اللانىڭ «سەرۆەرىن» ەشبىر «حاكەر» بۇزىپ، اقپارات ۇرلاي الماس.

الايدا، اقتوبە، اتىراۋ، تاراز قالالارىنداعى جارىلىستاردىڭ مالىمەتى اللا تاعالانىڭ جاسىرۋلى اقپاراتتارىنا جاتپادى. ويتكەنى، مۇنداي جاعدايدىڭ ءپىسىپ كەلە جاتقانىن كورىپكەلدەر عانا ەمەس، ساياساتشىلار مەن ساياساتتانۋشىلار، الەۋمەتتانۋشىلار ءبىلۋى كەرەك ەدى. ولاردىڭ ءبىزدىڭ ەلدە اجەمنىڭ ساندىعىنداعى تىقپا ماتاسىنداي كۇي كەشكەنىنە دە كۋامىز. ەلدە دەنى دۇرىس ساياساتتانۋ مەن الەۋمەتتانۋ جوق! ستراتەگيالىق زەرتتەۋلەر ينستيتۋتى دەگەن اتاعىنان ات ۇرىكپەس تۇگىل، ارلاندى ايدالاعا بەزدىرەتىن قۇرىلىمداردىڭ نە ىستەپ، نە قويىپ جۇرگەنىن ءبىر تاڭىردەن باسقا ەشكىم بىلمەيدى.

ايتپاقشى، ءاربىر اكىمنىڭ قاراۋىندا وبلىستان قالا-اۋدانعا دەيىنگى قۇرىلىمداردا اقشا تاراتىپ، قوعاممەن قويىنداسۋعا ءتيىستى ىشكى ساياسات دەپارتامەنتتەرى مەن باسقارمالارى، بولىمدەرى قاي ايدى قاراپ، قانشا جۇلدىز ساناعانىن يت تۇگىلى، سايتان دا بىلمەيدى! سول اتاعى دۆپ بولىپ ورىسشا تارالعان دەپارتامەنتتەردىڭ ماماندارىنىڭ، باسشىلارىنىڭ وزدەرى ەلدىڭ ءتىلىن ەمەس، شەتەلدىڭ ءتىلىن مەڭگەرگەندەر مەن ماڭگىرگەندەر - قازاقشا سالەم بەرسەڭ، «اتاڭنىڭ باسى!» دەگەندەي ورىس تىلىندە قارسى الادى. بۇلاردىڭ ىشىنەن قاۋىمنىڭ الدىنا شىعىپ، بەت قاراتپاس بۇقارانى مەملەكەت ساياساتىنا يكەمدەي الماق تۇگىلى، ومىرىندە سوڭىنان ون ادام ەرتىپ، ليدەرلىك قاسيەتتى دارىتىپ كورگەندەرى بولسا، قانەكي؟ ساياسي تەحنولوگيانىڭ تالايىن مەڭگەرىپ، شۇرايىن شولىپ، ءتيىستى تاكتيكا قولدانا الاتىن، ارقايسىسى پرەزيدەنت تالاپ ەتكەندەي ءۇش ءتىل تۇگىلى قازاق تىلىندە كۇشەنبەي سويلەيتىندەرى بولسا، قانەكي!..

بىراق بۇلار مەملەكەتتىڭ قارجىسىن ميلليونداپ تۇرىپ، گرانتتاتىپ اركىمگە تاراتقاندا شەبەر-اق. ول قارجىنىڭ تيىمدىلىگى نەدە، قايدا كەتىپ جاتىر، مەملەكەت ساياساتى ودان قانشا ۇتتى دەگەن ساۋالدارعا جاۋاپ اتىمەن جوق سەكىلدى.

ەگەر مۇنىڭ ءبارى بولسا، ىشكى ساياساتتىڭ كوكەسى بولىپ تابىلاتىن قازاق ءتىلىنىڭ سورى نەگە قالىڭداي تۇسەدى؟ قازاقتىڭ بالاسى كورىنگەننىڭ «يمانىنا» ۇمتىلىپ، ەشبىر تاريحتا اتا-باباسى ىستەمەگەن «ەرلىككە» بارىپ، ءوزىن ءوزى نەگە جارادى؟ ءبىز اتاعان سالالار ەلدىڭ ىشكى ساياساتىنا جاتپاسا، اتامىزدىڭ باسىنا جاتا ما؟ ەلدىڭ، مەملەكەتتىڭ ءىرىپ-شىرىگەن ءىرىڭىن كورمەيتىن ىشكى ساياسات قۇرىلىمدارى مەن ماماندارى بولسا، نەگە ءوز مىندەتتەرىن اتقارمايدى؟ ولار نەگە اقشا تاراتۋمەن اينالىسادى؟ 20 جىل بويعى كىم كورىنگەننىڭ ءىشىپ-جەپ، تالاۋعا تۇسىرگەن ساياساتىنان مەنىڭ قازاعىم نەگە قۇربان بولۋى كەرەك؟ مىڭداعان جىلدار بويعى تالاي ءدىن مەن ميسسيونەرلەر تالاۋىنان امان قالعان، مەنىڭ يمانىم باۋىرلارىمنىڭ جارىلىسىنان نەگە شىتىناۋعا ءتيىستى؟ بىرنەشە مىڭ جىل بويى تانىعان ءتاڭىرىمدى نەگە مەنىڭ حالقىم تارك ەتىپ، ادامنان جاساعان بىرەۋدىڭ قاراقشى قۇدايىنا باس ءيۋى كەرەك؟ تاس پەن تاۋدان جاراتقان يەنىڭ ءىزىن ىزدەپ، ۇنىنە ءتانتى بولعان اتا-باباسى بار مەنىڭ حالقىم نەگە بىرەۋدىڭ قاساڭ ىلىمىنە ىلىعۋى كەرەك ەكەن؟ مەملەكەت بولعانىما 20 جىل بولعاندا، نەگە  بىرەۋدىڭ تىسقى ساياساتىنان ەلدىڭ ىشكى ساياساتى اقساۋى ءتيىس؟ سول ساياساتتى اڭدۋشىلار مەن جاساۋشىلار ەلدىڭ بەرەكەتىنىڭ ەسەبىنەن نەگە كۇن كورۋى، نەگە بايۋى كەرەك؟ نەگە ولار ءوز قۇرباندىعىن ەل قۇرباندىعىنا ايىرباستاعان؟

بۇل دەگەنىمىز - ىشكى ساياساتتىڭ تاپشىلىعى! بۇل - ىشكى ساياسات تابى مەن تالاۋ ساياساتىنىڭ بابىنا كەلگەندىگى!.. بۇل دەگەنىمىز - كورگەنسىزدەردىڭ كوتتەگەنىنەن كورىپ وتىرعان كورەسىنىمىز! جەتتى! ەلدى تالاۋعا بەرە المايمىز! الاشتىڭ الدىندا دا، اللانىڭ الدىندا دا ىشكى ساياساتتى ىرىتكەندەر جاۋاپ بەرسىن! بۇل - ميلليونداردىڭ تالابى!

«اباي-اقپارات»