سوڭعى ۋاقىتقا دەيىن وزگە ۇلتتان ايەل العان ۇلت مارقاسقالارىن ىشتەي جاقتىرمايتىنمىن. تىپتەن، الىمە قاراماي ىشتەي سوتتايتىنمىن. قاقىم بار ما، جوق پا، قارامايمىن وزىمشە.

سوڭعى كەزدەگى قازاق ايەلدەرىنىڭ "كەرەمەتتەرىن" كورىپ-ءبىلىپ ءجۇرىپ، ول ويىمنان اينىدىم. ادام الاسى ءار ۇلتتا جەتكىلىكتى. ەگەر، م.شوقايدىڭ ايەلى قازاق بولعاندا، جات ەلدە كورگەن سونشا اۋىرتپاشىلىققا شىدار ما ەدى؟ ارينە، قازاق قىزى كوتەرمەيتىن جۇك جوق. بەتى اۋلاق، الجير-دە ازاماتىنان باس تارتپاعانى ءۇشىن قانشاما اپالارىمىز قاسىرەت كەشتى. ونىسى ءۇشىن وكىنبەدى. باۋىرىنداعى بالاسىنان بەيحابار، كۇيەۋى اتىلعان قازاق ايەلدەرىنىڭ جانكەشتىلىگىن ايتام...سولاي بولۋى كەرەكتىگىن جۇرەگىمەن قابىلدادى ءا؟..

"بىراق، سول شوقاي اتامىزعا وسالى كەز بوپ قالسا شە؟ تۋراسىندا، ادال ايەل ۇلتقا بولىنبەيدى-اۋ، جاقسى مەن جامان بارشاعا ورتاق قاسيەت قوي؟.." دەپ، وسى كۇنى ويلانامىن عوي.

بۇگىندە ءۇي بولعىسى كەلەتىن قازاق قىزدارى كەمىپ، ءوز باسىنىڭ راقاتى ءۇشىن ءومىر سۇرگىسى كەلەتىندەر سانى كۇرت ءوسىپ بارا جاتقانى اششى شىندىق. اتا-ەنە، كۇيەۋلى بولۋدى باسىنا جۇك ساناپ، "باعىمسىز بوستاندىقتا" بولعىسى كەلەدى.

شەتەلدەن كەلدى دەرمىز. بىراق، وسى شەتەلدىڭ جاعىمسىز جاعى نەگە بىزدە تەز قابىلدانىپ، تامىرلاپ كەتەدى ءا؟ ءداستۇرىمىز تويدىڭ الدىنداعى دايىندىق پەن سالتانات تەز ءوتىپ كەتەتىن كەزەڭ دەڭگەيىندە قالىپ قويدى. تويدان سوڭ، ەۋروپا ستيلىنە كوشىپ كەتەمىز. ەشكىمدى كىنالاي المايسىڭ. اقيقاتى وسى بوپ قالدى.

سايا قاسىمبەكتىڭ الەۋمەتتىك جەلىدەگى جازباسى

Abai.kz