جاڭاوزەن قالاسىندا وبلىس ورتالىعىنان تىس ورنالاسقان العاشقى Toyota سەرۆيس ورتالىعى ءوز ەسىگىن اشتى، ول قازاقستاننىڭ باتىسىنداعى شاعىن قالالاردىڭ كليەنتتەرىنە Toyota برەندىنىڭ حالىقارالىق ستاندارتتارىنا سايكەس ساپالى سەرۆيستىك قىزمەت كورسەتۋدى ۇسىناتىن بولادى. جاڭا اۆتوورتالىقتىڭ جالپى اۋدانى 890 شارشى مەتردى قۇرايدى، ونىڭ 350 شارشى مەترىن شوۋ-رۋم، 432 شارشى مەترىن ءتورت پوستى بار سەرۆيس ايماعى، 111 شارشى مەترىن جۋ ايماعى الادى. سەرۆيستىك ورتالىقتى اشۋ ارقىلى ون ءبىر ادامعا جاڭا جۇمىس ورىندارى قۇرىلدى. 

"جاڭاوزەن تويوتا سەرۆيسى" 2S – Service & Spare Parts تۇجىرىمداماسى نەگىزىندە جۇمىس ىستەيدى، ول سەرۆيستىك قىزمەت كورسەتۋدى، سونداي-اق ءوندىرۋشىنىڭ رەسمي كەپىلدىگىمەن Toyota اۆتوكولىكتەرىنە ارنالعان تۇپنۇسقالىق قوسالقى بولشەكتەردى ساتۋدى كوزدەيدى. 2S فورماتى "كليەنت ءبىرىنشى ورىندا" اتتى "تويوتا موتور قازاقستاننىڭ" باستى كورپوراتيۆتىك قاعيداتتارىنىڭ ءبىرىن قامتيدى جانە ەلىمىزدىڭ گەوگرافيالىق ەرەكشەلىگىن، اتاپ ايتقاندا، ەلدى مەكەندەر اراسىنداعى ۇلكەن قاشىقتىقتى جانە حالىق تىعىزدىعىنىڭ تومەندىگىن تاماشا ەسكەرەدى. 2S اۆتوورتالىقتارىنىڭ تۇجىرىمداماسىن ازىرلەۋشىلەردىڭ الدىنا قويعان نەگىزگى مىندەت – شاعىن قالالار مەن شالعاي ايماقتاردىڭ تۇرعىندارىن Toyota سەرۆيسىنىڭ جوعارى دەڭگەيىمەن قامتاماسىز ەتۋ. 

Toyota رەسمي ديلەرى جوق شاعىن قالالاردا تۇراتىن كوپتەگەن اۆتوكولىك يەلەرى باسقا قالاعا بارۋعا نەمەسە جاقىن ورنالاسقان تقس-تا ءوز اۆتوكولىكتەرىنە قىزمەت كورسەتۋگە ءماجبۇر. وسىلايشا، ولار جۇمىس پەن قوسالقى بولشەكتەرگە رەسمي كەپىلدىك بەرۋ تۋرالى ايتپاعاندا، Toyota ديلەرلەرى ۇسىناتىن جوعارى ساپالى رەسمي سەرۆيستى الۋدا شەكتەلگەن.

ءوز اۆتوكولىكتەرى ءۇشىن جوعارى ساپالى سەرۆيستى قامتاماسىز ەتۋدى قالايتىن جاڭاوزەن تۇرعىندارىنا ەندى تاياۋ رەسمي ديلەردەن ولاردى ءبولىپ تۇرعان جۇزدەگەن كيلومەتردى ەڭسەرۋدىڭ قاجەتى جوق. بۇدان بىلاي ولار ءوز قالاسىندا سەرۆيس ورتالىعىنىڭ قىزمەتتەرىن پايدالانۋىنا مۇمكىندىگى بار، مامانداندىرىلعان دايىندىقتان وتكەن قىزمەتكەرلەردىڭ بىلىكتىلىك دەڭگەيىن، سونداي-اق رەسمي سەرۆيستىڭ باعاسى مەن ساپاسىنىڭ ءتيىمدى اراقاتىناسىن دا باعالاي الادى. بىلىكتى شەبەرلەر بارلىق جۇمىستاردى Toyota تالاپتارىنا سايكەس ارنايى جابدىقتى پايدالانا وتىرىپ ورىندايدى.

"جاڭاوزەن تويوتا سەرۆيسى" "اقتاۋ تويوتا ورتالىعىنىڭ" ۋاكىلەتتى ديلەرىنىڭ ءبىرىنشى دەربەس سەرۆيستىك ورتالىعى رەتىندە تانىلادى. بۇل اۆتوكولىك يەلەرى ءۇشىن برەندتىڭ بارلىق تالاپتارى مەن ستاندارتتارىنا تولىق سايكەس كەلەتىن جوعارى ساپالى قىزمەتكە قول جەتكىزۋدى عانا ەمەس، سونىمەن قاتار اۆتوكولىكتى ساتىپ الۋعا دەگەن بۇرىنعىدان دا كەڭىرەك مۇمكىندىكتەردى بىلدىرەدى. "اقتاۋ تويوتا ورتالىعىندا" جاڭاوزەندىك اۆتواۋەسقويلار جاڭا اۆتوكولىككە تاپسىرىس بەرە الادى نەمەسە ءوزىنىڭ جۇرىلگەن اۆتوكولىكتەرىن جاڭا Toyota-عا اۋىستىرۋ بويىنشا Trade-In قىزمەتىن پايدالانا الادى. جاڭا اۆتوكولىكتەردىڭ كىلتتەرى ءۇشىن وبلىس ورتالىعىنا بارۋدىڭ قاجەتى جوق – جاڭا اۆتوكولىكتەردى بەرۋ "جاڭاوزەن تويوتا سەرۆيسىندە" جۇرگىزىلەتىن بولادى. وسىندا اۆتوكولىك يەلەرى ءوز اۆتوكولىكتەرىن Toyota Tested باعدارلاماسى بويىنشا تەكسەرىلگەن ءجۇرىسى بار اۆتوكولىككە ايىرباستاي الادى.  

"تويوتا موتور قازاقستان" پرەزيدەنتى كيت مەتيۋ سيممونس مىرزا كومپانيا شالعاي قالالاردا ءوز كليەنتتەرىنە ىڭعايلى بولۋ ءۇشىن بارلىق قاجەتتى شەشىمدەردى ەنگىزەتىنىن اتاپ ءوتتى. سوندىقتان اۆتوموبيل يەلەرىنە برەند ستاندارتتارى بويىنشا قىزمەت كورسەتۋ ساپاسىنىڭ جوعارى دەڭگەيىن قامتاماسىز ەتۋ ءۇشىن شاعىن قالالاردا Toyota سەرۆيستىك ورتالىقتارىنىڭ جەلىسىن اشۋ تۋرالى شەشىم قابىلداندى.

Orbis Auto اۆتوكولىك توبىنىڭ باس ديرەكتورى دينارا ىسقاقوۆا جاڭا سەرۆيس-ورتالىقتىڭ اشىلۋى ءوڭىردىڭ كولىك ينفراقۇرىلىمىن دامىتۋ ءۇشىن ۇلكەن ماڭىزعا يە دەپ سانايدى. "قازاقستان وڭىرلەرىندە، اسىرەسە ونەركاسىپ پەن ءوندىرۋشى سالا دامىعان جەرلەردە ساپالى جانە سەنىمدى اۆتوسەرۆيسكە دەگەن قاجەتتىلىك جوعارى. باتىس وبلىستاردا بىرنەشە Toyota ديلەرلىك ورتالىقتارى بار جانە جاڭاوزەن سەرۆيسكە جوعارى سۇرانىسقا يە ماڭىزدى لوكاتسيالاردىڭ ءبىرى بولىپ تابىلادى", - دەپ اتاپ ءوتتى دينارا ىسقاقوۆا.   

وتكەن جىلى Toyota سەرۆيستىك ورتالىقتارى قىزىلوردا، تەڭىز جانە اقسايدا اشىلدى. "جاڭاوزەن تويوتا سەرۆيسى"  – قازاقستان رەسپۋبليكاسىنداعى Toyota رەسمي ديستريبيۋتورى ءۇشىن 2S فورماتىنداعى ءتورتىنشى جانە Orbis Auto اۆتوموبيل توبى ءۇشىن ءبىرىنشى قازاقستاندىق سەرۆيس ورتالىعى بولىپ تابىلادى. 

Abai.kz