اكىم ايتەنوۆ ءوزىنىڭ فۋنكتسيونالدىق مىندەتتەرىن بىلە مە؟ زاڭدى بىلمەي نەمەسە ۇمىتىپ وتىرساڭىزدار، ەستەرىڭىزگە سالايىن. اكىمدىك - باقىلاۋشى ورگان ەمەس، اكىمدىك - اتقارۋشى ورگان!

ەكى ءۇش كۇننەن بەرى اكىمدىك قىزمەتكەرلەرىنىڭ جازبالارىن وقىپ وتىرمىن. «اكىم تىكەلەي باقىلاۋدا» دەگەندى قالاي تۇسىنۋگە بولادى؟!

حالىق اۋرۋحانالار جەتىسپەۋشىلىگىنەن، ءدارى دارمەكتىڭ جوقتىعىنان، ۋاقىتىلى كومەك كورسەتىلمەۋىنەن ءتىپتى، ءولىپ كەتىپ جاتىر. ال سىزدەر تەك قانا «قاتاڭ باقىلاۋىندا» دەگەن سوزدەن اسا الماي وتىرسىزدار!؟

ايتەنوۆ مىرزا، شىمكەنتكە باقىلاپ وتىرۋ ءۇشىن كەلدىڭىز بە؟ بىزدە باقىلاۋشى ورگان - پروكۋراتۋرا بولىپ تابىلادى!

بەس ميللياردقا سالىنعان اۋرۋحانانىڭ لەنتاسىن قيعانىن كوردىك، ال ىشىنە ادامداردى قابىلداعانىن ەستىگەن دە، كورگەن دە جوقپىز! بۇگىن مەكتەپكە اۋرۋلاردى جاتقىزۋ ءۇشىن قوسىمشا ورىنداردىڭ اشىلاتىنىن وسى فەيسبۋكتا وقىپ قالدىم. سوندا اۋرۋحانالاردى قۇرىلىس جوندەۋ جۇمىستارى ءۇشىن جاۋىپ، بالالار وقيتىن مەكتەپتى جۇقپالى اۋرۋلار جاتاتىن ورىن ەتپەكشىسىزدەر مە؟

جىلدىڭ باسىنان الەمدى وزىنە قاراتقان پاندەميا جايلى ايتىلىپ تا، جازىلىپ تا جاتىر. اۋرۋحانانىڭ جوندەۋ جۇمىستارى سونشالىقتى ماڭىزدى بولدى ما؟ الدە اۋرۋحانالارعا جۇرگىزىلەتىن قۇرىلىستىڭ تەندەرى ماڭىزدى ما؟